Quedó segundu nel III Certame Talentos by Abril cola so propuesta culinaria, un postre, ‘La mazana d’Eva’, inspiráu nel ‘apple crumble’ de la so güela británica y la tarta de mazana de la so güela de Cabrales.
Gabriel Quisque, del CIFP Paséu das Pontes (Galicia) alzóse cola victoria na final celebrada’l pasáu vienres nel Centru Cimeru d’Hostelería de Galicia, en Santiago de Compostela. El galardón foi apurríu pola directora de marketing d’Aceites Abril (empresa qu’impulsa’l certame), Elena Pérez Canal, y el director de l’Axencia de Turismu de Galicia, Xosé Manuel Merelles.
Esti segundu puestu de Thomson súmase a la victoria l’añu pasáu de Saúl Torrado, de 29 años, y tamién estudiante del ciclu superior de cocina del IES Valle d’Ayer, que se proclamó vencedor de la segunda edición del certame cola so propuesta de repostería «Mousse d’Abril».
