Fabada vencedora na edición del pasáu añu,
ellaborá por El Chigre de Villalegre
- Fonte: El Comercio /
Restoranes d’Asturies, Madrid, Toledo, Cantabria y Murcia van competir el próximu 2 d’abril en Villaviciosa por alzase col prestixosu títulu. Yá se conocen cuálos son les meyores fabaes de 2025, les correspondientes a los finalistes del concursu La Meyor Fabada del Mundu, qu’anguaño algama la so decimoquinta edición.
Les recetes que pasen la corte y van apostase el títulu diérense a conocer nun actu en Madrid que cuntó cola presencia del alcalde de Villaviciosa, Alejandro Vega; Ana González de Sela (técnicu de la IGP Faba Asturiana), Víctor Berdasco (Tierrina Vaqueira) y Antonio Sánchez (secretariu de la Confrería d’Amigos de les Fabes).
Nesta gran final van vese les cares 22 restoranes procedentes d’Asturies, Madrid, Toledo, Cantabria y Murcia.
Los finalistes son: Bedriñana (Villaviciosa), Casa Eladia (Villaviciosa), Casa La Nicia (Ules, Uviéu), Casa Menéndez (Águiles, Murcia), Casa Morán (Collanzo, Ayer), Casa Pedro Parres (San Juan de Parres), Casa Repinaldo (Candás), L’Hostel & Co (Santander, Cantabria), El Patiu (Yeles, Toledo), El Rincón d’Adi (Uviéu), El Torneiro (Villayón), La Botica (Llastres), La Consistorial (Mieres), La Xitana (Xixón), La Llosa (Oles, Villaviciosa), La Tabierna Asturiana Zapico (Toledo), La Teya (Pola de Siero), La Tonada (Madrid), Merenderu de Cuadonga (Cuadonga, Cangues d’Onís), Michem (Villabona, Llanera), Sidrería Prida (Nava) y Sidrería Román (Xixón).
