El Desarme d’Uviéu recibe la declaración de Fiesta d’Interés Turísticu Nacional. Un reconocimientu que pon en valor la nuesa hestoria, tradición y gastronomía. Un reconocimientu qu’asitia a Asturies nel mapa festivo y cultural d’España. Cada 19 d’ochobre, Uviéu celebra una de les sos fiestes más queríes: 𝗘𝗹 𝗗𝗲𝘀𝗮𝗿𝗺𝗲, una tradición con más d’un sieglu d’hestoria.
El so orixe remóntase al sieglu XIX, en plena Primer Guerra Carlista. Tres la victoria de les tropes lliberales, ufiertaren a soldaos, mancaos y vecinos un ranchu de garbanzos con bacaláu y espinaques, como xestu de paz y reconciliación. Ese xesto solidariu dio llugar a una costume que, col pasu del tiempu, tresformose n’una gran celebración popular. Hestoria
D’esta forma, el Desarme da un pasu más na hestoria de la ciudá. «Ye una de les fiestes más antigües d’España», reconoz la secretaria d’Estáu. Los sos oríxenes remóntense a agostu de 1836 cuando los carlistes llograron entrar na ciudá, llevándose les armes de la fábrica d’armes del Fontán y el dineru del Conceyu. Intentaron repitir la incursión n’ochobre, pero esta vegada fueron refugaos. Tres la defensa, la Diputación entamó’l 10 d’ochobre una gran comida con llegumes, carne, embutíu y sidra o vinu, coincidiendo col cumpleaños d’Isabel II. Esti fechu considérase’l primer antecedente del Desarme.
El Desarme ye, asina, muncho más qu’una fiesta gastronómica: ye identidá, memoria y comunidá, xuniendo tradición, cultura y sabores que definene a Uviéu y a Asturies. Güei, el desarme tien dos grandes protagonistes:
- 𝗟𝗮 𝗺𝗲𝘀𝗮→ restoranes y sidreríes d’Uviéu sirven el menú tradicional: garbanzos con bacaláu y espinaques, dureces a l’asturiana y arroz con lleche.
- 𝗟𝗮 𝗵e𝘀𝘁𝗼𝗿𝗶𝗮 𝘃𝗶𝘃𝗮 → les cais del centru acueyen una recreación histórica, con desfiles de soldaos vistíos con uniformes de dómina, música y escenes que remembren aquel momentu fundacional.
