‘Reto Destín Boal’, una iniciativa para potenciar el turismu del conceyu. Un xuegu llenu de retos que trata d’implicar a tolos sectores. ‘Reto Destín Boal’ ye’l nome de la iniciativa que yá se punxo en marcha en Boal y que busca impulsar inda más el so turismu. Una esperiencia na que collabora gran parte del pueblu.
Trátase d’un pasaporte dixital o físicu que se va dir sellando a midida que cumplir cuatro retos.
- Los dos primeros consisten n’esfrutar de la gastronomía del conceyu, tastiando un platu en dalgún restorán bualés. Tamién consumir nel so comerciu local.
- El tercer retu aúna cultura y naturaleza. Consiste en xubir semeyes a redes sociales de miradores, paisaxes o elementos patrimoniales de Boal.
- La cuarta prueba consiste n’averase a enclaves naturales y grabar un video diciendo «Boal, guapura natural».
Completando estos cuatro retos, el visitante va participar en distintos sorteos que-yos dexará volver a esfrutar de la esperiencia de percorrer Boal.
