«Si físicamente somos lo que comemos,
espiritualmente somos lo que lleemos»
#díadelibro ¡Ya tenemos el cartelu del #DíaDelLibro2026! «Si físicamente somos lo que comemos, espiritualmente somos lo que lleemos» #gonzalocelorio Esta frase de Gonzalo Celorio, Premiu Cervantes 2025, inspira la obra de Carme Solé i Vendrell, Premiu Nacional d’Ilustración 2013. Más info / Ministeriu de Cultura🖌️ L’artista destacó nel cartelu la importancia de la llectura para construyir la nuesa identidá y punxo el focu na infancia como etapa clave na formación de llectores. Cartelu n’asturianu.pdf
Dirección General del Libro, del Cómic y de la Lectura
Por fin presentamos el cartelu conmemorativu del Día Mundial del Llibru y del Derechu d’Autor 2026, que foi realizáu pola ilustradora Carme Solé i Vendrell, Premiu Nacional d’Ilustración 2013 y figura fundamental de la ilustración contemporanea, que la so obra tuvo fondamente venceyada a la defensa de la infancia y al poder tresformador de la llectura dende edaes tempranes.
Inspiráu n’una cita de Gonzalo Celorio (Premiu Cervantes 2025) el cartelu propón una imaxe de gran sobriedá y fuerza simbólico.
La composición, apoderada pol blancu y negru con leves acentos n’azul, mariellu y colloráu, concentra l’atención no esencial: la construcción de la identidá al traviés de la llectura.
La obra pon el focu na infancia como etapa clave na formación de llectores, y convida a cavilgar sobro cómo los llibros modelen non solo’l pensamientu, sinón tamién la sensibilidá y la mirada sobro’l mundu.
En palabres de l’autora, el cartelu aspira a ser una invitación a afayar el papel fundamental de la llectura na construcción interior de les persones, según un recordatoriu del venceyu fondu ente lo que lleemos y lo que aportamos a. 📗
¿Qué vos paez? A nós encántanos. ¡Lleémosvos en comentarios!
El 23 d’abril conmemora’l Día Mundial del Llibru y del Derechu d’Autor. La razón: el 23 d’abril de 1616 finaben Cervantes, Shakespeare ya Inca Garcilaso de la Vega.
En 1930, alcordóse treslladar la Fiesta del Llibru al 23 d’abril, paez ser que por ser la primavera una fecha más aparente para la organización d’actividaes al campu. La publicación de novedaes y l’organización d’actos de firmes d’exemplares con los autores, tradición que llegó hasta los nuesos díes, empezaron a xeneralizase tamién a partir d’esa fecha.
Va ser en 1995, cuando’l gobiernu español presente a la UNESCO la propuesta de la Unión Internacional d’Editores para establecer el 23 d’abril como Día del Llibru y del Derechu d’Autor a escala mundial.
Dende entós y hasta los nuesos díes, en tol mundu celebra’l Día del Llibru y del Derechu d’Autor el 23 d’abril, como una forma de fomentar la llectura, reconocer la figura del autor y procurar el fortalecimientu de la industria editorial de cada país.
