- DOP Queso Cabrales/ IG / 𝐋𝐈𝐕 𝐂𝐞𝐫𝐭𝐚𝐦𝐞𝐧 𝐝𝐞𝐥 𝐐𝐮𝐞𝐬𝐨 𝐂𝐚𝐛𝐫𝐚𝐥𝐞𝐬
Esti domingu, Arenas (Cabrales) volverá convertise na capital mundial del quesu. El certame algama la so 54 edición y failo con un aliciente añadíu: la puya pola meyor pieza va intentar bater, per sestu añu, el récord Guinness del quesu más caro subastao.
Ocho restauranes, cinco asturianos y tres madrilanos, van competir anguaño por llevar el Cabrales ganador y, de pasu, intentar superar esa cifra. Pero estos díes, el Cabrales tamién pue conocese nes cates gratuites qu’ufierta’l Conseyu Regulador pa descubrir tolos matices del quesu más internacional d’Asturies.
La vista, l’olfatu y el gustu son los sentíos qu’entren en xuegu. L’aspectu de la pasta, la intensidá de les vetes, los arumes y, finalmente, el sabor dexen descubrir los matices de cada pieza y apreciar qué fai diferente a un bon Cabrales.
