Publicado en Editoriales, Llibros Reciella, Novedaes

Novedaes d´Impronta Editorial

Préstanos anunciar a la reciella l’inminente desconfinamientu d’un coríu y tres gochinos. Los cuatro van yá, llibres, camín de les llibreríes. Falando n’asturianu y más guapos que nunca, gracies a les ilustraciones de David G. Ferrero y María Díaz Perera.
Escritu por Hans Cristian Andersen (1805-1875), l’autor cimeru de la lliteratura infantil de tolos tiempos, «El coríu feu» ye un preciosu allegatu contra la marxinación y a favor de la tolerancia y el respetu a les diferencies. El so mensaxe rescampla: lo diferente nun ye feo. Afonda tamién na necesidá de querenos a nós mesmos, coles nuestres taches y les nuestres virtúes. Acordies con esti testu universal, les poétiques ilustraciones de David G. Ferrero dan-y a la versión en llingua asturiana d’Irene Riera un encantu nuevu y orixinal.
«Los tres gochinos y el llobu» ye ún de los cuentos más famosos de la lliteratura infantil de siempre. El valor, la intelixencia y el procuru vuelven a vencer na so llucha contra’l mieu, pero vais poder descubrir dellos detalles poco conocíos de la historia. Puntu y aparte merecen les lluminoses ilustraciones del llibru, obra de María Perera.

Autor:

Maestra de Llingua Asturiana Colexu Carmen Ruiz-Tilve - Uviéu