Categoría: TIEMPU

Esperamos una xornada estable tal que taba prevista. A lo sumo prevense intervalos de nubes altes ensin importancia que podríen dexar el cielu atapecíu. Asina tou, tamién va haber momentos nos que se van abrir grandes claros. Les nubes baxes, sía que non, van reparase na zona más al sur d’Asturies. Mientres la tarde-nueche nun se refuga que puedan apaecer pel oeste delles nubes de tipu medio pero que tampoco van tener importancia cuidao que la probabilidá de precipitaciones para güei va ser dafechu nula. Los vientos van soplar de suroeste moderaos con posibilidá de delles raches localmente fuertes nel terciu oeste y tamién en zones altes del cordal. Les temperatures máximes van ser bien similares a les d’esti sábadu, inclusive podríen xubir llixeramente un poco na mariña oriental. Les mínimes tampoco van esperimentar variaciones importantes. Poro, va ser un día estable y con unes temperatures bien prestoses para les feches nes qu’atopamos. Tocantes a la mar, l’avisu por aguaxe va concluyir a les 9 de la mañana na mariña occidental y a les 11 de la mañana na oriental. Esti bon tiempu tamién va tener llugar mañana llunes y gran parte del martes.

 Zona: litoral/marina occidental y oriental. Día: sábado 6 d’avientu. Hora: de 9:00 a 23:59 hores.

Atopamos una umbada nel Atlánticu norte y un anticiclón nel norte d’África. Ente ellos forma un pasiellu de vientos de suroeste qu’arreciarán con cierta fuerza nel cordal, mariña y tamién nel sector occidental asturianu. Gracies a estos vientos les temperatures máximes van esperimentar un importante ascensu. Concretamente, van xubir más de 5 ºC en tola rexón pudiendo ser l’ascensu d’hasta 8 ºC respectu al xueves. Les mínimes van esperimentar llixeros ascensos nel occidente y apenes van variar nel restu del Principáu. En cuanto al estáu de los cielos, esperamos nubosidá con una mayor probabilidá de precipitaciones cuanto más movamos escontra l’oeste y escontra el sur de la Comunidá Autónoma. Asina tou, nun se refuga que pueda escapase dalgún bastiu n’otros puntos de la rexón, más probablemente pela mañana. Mientres tol vienres va tar activáu l’avisu mariellu na mariña por foles d’hasta 5 metros d’altor.

Sigue leyendo «El tiempu (El Comercio)» →

Va ser un día bien inestable con precipitaciones que van afectar a tol Principáu. Tantu pela mañana como pela tarde prevense cielos bien nublos que van dexar agües que podríen aportar a localmente moderaes y, inclusive, persistentes. La metá oriental va ser la más afectada rexistrándose, previsiblemente, les mayores cantidaes. La cota de nieve va bazcuyar ente los 1200 o 1300 metros anque na recta final del día va xubir hasta los 1500 o 1600 metros. Los vientos van soplar de componente oeste moderaos con raches fuertes na mariña y tamién nel sector occidental.

Sigue leyendo «El tiempu (El Comercio)» →

Esperamos una xornada nubosa con posibilidá de bastios que, anque van ser más frecuentes nel occidente y nel sur, tamién van poder afectar a otros puntos de la rexón sobremanera pela mañana. En principiu la tarde va presentase más estable pero con predominiu de nubosidá igualmente. Los vientos prevense de suroeste con raches moderaes polo xeneral. Asina tou, podrán rexistrase raches daqué más fuertes na mariña y, mientres el tramu final del día, tamién s’esperen raches fuertes en puntos del occidente asturianu. Les temperatures apenes van variar tanto nel casu de les máximes como nel de les mínimes. Sía que non, podría esperimentase un llixeru ascensu de les mínimes nel oriente del Principáu. La cota de nieve va rondar los 1400-1600 metros d’altor. L’Axencia Estatal de Meteoroloxía va caltener l’avisu naranxa hasta les 20:00 hores en tola mariña por foles d’hasta 6 metros d’altor. Esti avisu va baxar a nivel mariellu a partir d’esa hora por foles d’hasta 4 o 5 metros.

Sigue leyendo «El tiempu (El Comercio)» →

La nieve vuelve con fuerza a la Península: avisos d’AEMET y hasta 30 cm en delles sierres. Mapa de nieve y agua acumulao na península Ibérica hasta’l vienres 5 d’avientu según el modelu WRF. (Fonte Meteoexploration)

Les umbaes atlántiques van traer un descensu de les temperatures y nevaes en dellos cordales, con avisos activos d’AEMET nel norte y centru peninsular.
La inestabilidá va marcar los próximos díes en bona parte de la Península Ibérica, con un descensu de temperatures y la llegada d’un carrusel d’umbaes atlántiques que van dexar nevaes destacables en zones de monte y, puntualmente, en cotes relativamente baxes.

Esperamos una mañana con cielos más abiertos anque les nubes van predominar escontra l’oeste y escontra el sur de la rexón. Pela tarde la nubosidad podrá xeneralizase y nun se refuguen bastios en cualquier puntu del Principáu. Asina tou, cuanto más movamos escontra l’occidente y escontra el cordal la frecuencia de les precipitaciones va ser mayor. Los vientos van soplar de suroeste moderaes con raches más fluexes escontra l’oriente. Les temperatures máximes van baxar hasta 4 o 5 ºC nel sector oeste, hasta 2 o 3 ºC nel centru d’Asturies y a lo sumo 1 ºC respectu al llunes nel oriente. Les mínimes van xubir de forma xeneralizada y bien especialmente nel interior central asturiana. Ye importante destacar los avisos por aguaxe que l’Axencia Estatal de Meteoroloxía va activar el martes. A les 12:00 hores del mediudía activaráse l’avisu mariellu por foles d’hasta 4 o 5 metros. Pero a partir de les 15:00 hores l’avisu va pasar a naranxa per aguaxe d’hasta 6 metros. Esti avisu va enllargase hasta les 20:00 hores de la tarde del miércoles, momentu nel que va pasar a nivel mariellu hasta la medianueche.

La primer selmana d’avientu va ser lluviosa n’España, con una gradual desapaición de les xelaes, pero valores fríos tantu de día como de nueche nel interior. Tiempo.com

Sigue leyendo «La primer selmana d’avientu va ser lluviosa n’España» →

Esperamos una mañana con bastios que podríen afectar a cualquier puntu de la rexón. La cota de nieve va rondar los 1000 metros a primeres hores de la mañana, con enclín a xubir hasta los 1200 metros progresivamente. De cara a la tarde, anque nun se refuga que pueda escapase entá dalgún bastiu, la inestabilidá va dir a menos hasta acabar unviando por completu. Mientres el tramu final del día abrirán grandes claros pudiendo quedar los cielos poco nublos. Los vientos van soplar de componente norte moderaes pela mañana, van acabar siendo fluexos y variables col intre de la tarde, y finalmente van poder soplar de sur al concluyir el día. Les temperatures máximes van baxar en tola Comunidá Autónoma. Esti descensu va ser más significativu nel cordal y nel oriente (hasta 4 o 5 ºC menos que’l sábadu). Nel casu de les mínimes, el descensu va ser más notable pudiendo baxar hasta 6 ºC nel interior especialmente.

Sigue leyendo «El tiempu (El Comercio)» →

Esperamos otru día con unes condiciones meteorolóxiques estables en prácticamente tol Principáu. Vamos amanecer con poca nubosidá y, a lo llargo de la xornada, vamos reparar intervalos de nubes altes a lo sumo. La única esceición va tener llugar nel terciu oeste asturianu onde va apaecer nubosidá de tipu baxu, sobremanera na mariña occidental, por cuenta de la cercanía d’un frente estacionariu que nun va llegar a entrar pero, igualmente, nun se refuga que pueda escapase dalguna gota nesi sector mientres la tarde. Los vientos van ser fluexos pudiendo predominar por momentos de suroeste. Les temperatures máximes van xubir llixeramente ente 1 y 2 ºC en tola rexón respecto al xueves. Les mínimes apenes van variar.

Sigue leyendo «El tiempu (El Comercio)» →

Esperamos una xornada estable en tol Principáu d’Asturies. Los cielos van tar pocu nublos con, a lo sumo, intervalos de nubes altes ensin importancia. La probabilidá de precipitaciones va ser nula. Los vientos van ser fluexos y variables. Les temperatures máximes van xubir de forma xeneralizada. Dichu ascensu va ser d’hasta 3 o 4 ºC nel cordal y d’unos 2 ºC nel restu de la rexón. Les mínimes van baxar de forma significativa nel suroccidente y, sía que non, en dellos puntos del mariniegu centru-oriental. Nel restu d’Asturies van caltenese ensin cambeos respecto al miércoles.

Sigue leyendo «El tiempu (El Comercio)» →

Avientu suel ser bien lluviosu en gran parte de l’aguada atlántica. Les precipitaciones d’avientu suelen tar acomuñaes sobremanera a circulaciones zonales, con umbaes y frentes atlánticos que van dexando agües en gran parte del país, y n’especial nes aguaes atlántico y cantábrico. Por estes feches suélense rexistrar les primeres nevaes d’importancia de la temporada nos principales cordales peninsulares. Tiempo.com

Sigue leyendo «N’avientu, aboindes precipitaciones…» →

Esperamos una xornada nubosa mientres tol día. Estes nubes van dexar precipitaciones que van poder ser localmente moderaes y que van tar presentes tantu pela mañana como pela tarde. La cota de nieve va rondar los 1200/1300 metros a lo llargo de too el martes. Les temperatures máximes van baxar hasta 4 o 5 ºC nel terciu sur asturianu, hasta 2 o 3 ºC nel restu del interior, y bien llixeramente na mariña. Les mínimes van ser bien similares a les del llunes o, sía que non, un pocu más baxes en zones del centru del Principáu. Los vientos van soplar de noroeste con raches moderaes.

Sigue leyendo «El tiempu (El Comercio)» →

Esperamos intervalos de nubes medies y altes pela mañana con una probabilidá de precipitaciones bien baxa o prácticamente inesistente. Mientres la segunda metá del día nun se refuguen precipitaciones nel cordal y tamién nel suroeste. A la fin de la tarde tamién s’esperen delles agües nel restu del occidente y, antes de concluyir el día, ye posible que puedan escapase bien sele n’otros puntos del Principáu. Los vientos van soplar de suroeste moderaos mientres casi tol día. Estos vientos van consiguir que xuban les temperatures tanto nel casu de les máximes como nel de les mínimes. Les diurnes van xubir hasta 2 o 3 ºC, inclusive hasta 4 ºC en puntos del centru ya interior oriental. Les mínimes van xubir de forma estraordinaria ente 8 y 10 ºC respectu al sábadu polo que vamos amanecer con un ambiente térmico bastante más prestosu.

Sigue leyendo «El tiempu (El Comercio)» →

Tres unos díes fríos n’Asturies, esti sábadu vamos notar un ascensu significativu de les máximes gracies a un predominiu de vientos de suroeste. Con éses vamos amanecer con intervalos de nubes altes ensin posibilidá dalguna de precipitaciones. Conforme meyora’l día ye posible que yá vaigamos viendo nubes tamién de tipu medio entrando pel oeste. Mientres la tarde se preven precipitaciones débiles que van poder afectar a cualquier puntu pero, asina tou, van ser menos probables y frecuentes cuanto más movamos escontra l’oriente y norte de la rexón. Van ser unes agües acomuñaes a un frente templáu y ye por ello polo que van xubir les temperatures máximes güei sábadu. Van xubir hasta 6 ºC nel oriente, hasta 4 o 5 ºC nel centru y hasta 2 o 3 ºC nel occidente respecto al vienres. Les mínimes, que van tener llugar a primer hora de la mañana, van ser daqué más baxes que les d’esti vienres.

Sigue leyendo «El tiempu (El Comercio)» →

• Videu Sotres, al anochecer (Picos d’Europa) / Cabrales Aventura: salida en raquetes /www.cabralesaventura.com / Vega del Urriellu / Videu La Raya / LNE / Videu  /

Videu La Raya 🏔️El pueblu más altu d’Asturies, vístise de  blancu. ❄ Ye conocíu como la Siberia asturiana. 📍Conceyu d’Ayer  🏁La so casa más alta ta a 1.540 metros. ✨ Un pueblu de cuentu cuando llega la nieve. 👀 Vistes úniques al Monte Central y un ambiente que namora. ⛷ Puedes llegar esquiando a la estación Fuentes d’Iviernu, con 15 pistes para tolos niveles. ☃️Hai rutes d’esquí de monte y barayones dende’l pueblu. 🍷 Termina’l día col meyor ambiente y vive la esperiencia completa. https://www.instagram.com/reel/DQ9V20WCJct

Sigue leyendo «Primeres nieves n’Asturies» →

• Alborecemos col cielu nuboso y xarabatos intermitentes que son en forma de nieve perriba de los 700m con unes temperatures que tan alrodiu de los 6ºC, rexistrándose nel puirtu Payares -2,9ºC onde ta nevando y se fae l’usu obligatoriu de neumáticos d’iviernu o cadenes.
• Güei vamos seguir con esti tiempu ivernal con xarabatos y precipitaciones intermitentes que dirán espaciándose ya perdiendo intensidá a partir del mediudía con unes temperatures que camudarán poco, calteniéndose un ambiente fríu ya ivernal. La nieve surdirá perriba de los 700-800m y l’aire tenderá amenorgar pa quedar sele ya variable.

Sigue leyendo «Estáu del tiempu: vienres 21 de payares» →

Prevense nuevamente cielos bien nublos con precipitaciones xeneralizaes que podríen ser localmente moderaes. Esta inestabilidá va ser más abondosa pela mañana, pero pela tarde entá va siguir presente anque con enclín a unviar a la fin del día. Nun se refuga inclusive que s’abran claros pela nueche. La cota de nieve va bazcuyar ente los 800 y los 1000 metros en función d’onde atopemos, siendo l’oriente asturianu’l sector onde se va alcontrar la cota más baxa y l’occidente la más alta. L’avisu meteorolóxicu nel cordal, de nivel mariellu, va enllargase hasta les 18:00 hores de la tarde. Los vientos van soplar de componente norte moderaos, afloxando a la fin del día. Les temperatures máximes van ser similares a les del xueves, ente que les mínimes van poder baxar un pocu siquier nel centru y nel oeste del Principáu.

Sigue leyendo «El tiempu (El Comercio)» →

Un chorru polar va dexar nevaes que van ser abondo importantes nel Cordal Cantábricu, con espesures de más de 50 cm. Tamién van llegar a amplies zones del terciu norte peninsular, onde l’AEMET emitió avisos mariellos y naranxes polos acumulaos previstos, en 24 hores, para la xornada de mañana xueves. Tiempo.com

Sigue leyendo «Un chorru polar va dexar nevaes que van ser abondo importantes nel Cordal Cantábricu» →

• www.eltiempodejavimo.es / El Tiempu n’Asturies.

Prevense abondoses nubes n’Asturies con agües xeneralizaes y nevaes a partir de los 800 metros d’altor, pudiendo asitiase la cota sobro los 700 metros nel oriente del Principáu. Los vientos van soplar de norte-noroeste moderaos con posibilidá de raches localmente fuertes na mariña, sobremanera pela tarde pudiendo rexistrase raches d’hasta 80 o 90 km/h na mariña oriental. https://www.112asturias.es/estado-carreteras

Avisos sobro’l tiempu n’Asturies AMET

Sigue leyendo «El tiempu (El Comercio)» →

• Alborecemos col cielu nuboso y dalguna gotera con unes temperatures que tan alrodiu de los 9ºC, rexistrándose nel puirtu Payares -0,9ºC.
• Güei una masa fría emburriada pol vientu del norte va apurrinos precipitaciones y xarabatos sobre too pela tarde cuando puen ser persistentes y de calter moderáu. La nieve surdirá anicialmente perriba de los 1400m pa baxar al finar el día pelos 1100m, amás nel llitoral los xarabatos puen venir acompangaos de truena y xarazu con unes temperatures en moderáu descensu.

Sigue leyendo «Estáu del tiempu: miércoles 19 de payares» →

Esperamos la entrada d’una masa d’aire frío que, anque va impactar de llenu nel nordés peninsular, tamién nos afectará en menor midida pero lo suficiente como para poder llegar a ver nieve a partir de los 700 metros a lo llargo d’un episodiu que se va enllargar hasta’l vienres incluyíu.  Esperamos precipitaciones yá mientres la mañana, pero a partir de la tarde los bastios van ser muncho más frecuentes ya inclusive abondosos. Va ser a lo llargo de la tarde cuando la masa d’aire frío vaiga entrando y, d’esta forma, consiguiendo que la cota de nieve vaiga baxando. Nel tramu final del día preve nieve a partir de los 1000 metros d’altor.

L’Axencia Estatal de Meteoroloxía va activar a partir de les 18:00 hores l’avisu mariellu nel cordal por nevaes a partir de los 1000 metros. Los vientos van ser fluexos d’oeste pela mañana, afitándose de norte a lo llargo de la tarde con intensidá moderada. Les temperatures van baxar llixeramente respectu al martes.

Sigue leyendo «El tiempu (El Comercio)» →

Nun va ser una xornada bien inestable n’Asturies si la comparamos coles que nos esperen nos siguientes díes, pero garré tou nun se refuguen bastios intermitentes a lo llargo de la xornada. Estos bastios van ser más frecuentes na mariña y otres zones de la metá norte. Los vientos van ser fluexos polo xeneral. Les temperatures máximes van baxar na metá oriental y van caltenese na occidental. Les mínimes, sicasí, van baxar de forma xeneralizada.

Tras queden díes térmicamente prestosos con vientos de componente sur, y encaramos agora una selmana realmente fría que va tener el so puntu álxido el xueves y el vienres. El llunes yá se preven precipitaciones xeneralizaes que lleguen dende’l norte y, sobremanera pela mañana, podríen ser significatives con intensidá de 8-10 llitros per metro cuadráu a la hora. A lo llargo de la tarde los bastios, yá más intermitentes, van ser de calter más débil pero entá van siguir presentes. Los vientos van soplar de norte tendiendo a nordeste y de esti a la fin, moderaos pela mañana y más fluexos a la fin. Les temperatures máximes van baxar más de 3 ºC na metá oriental, y de 1 o 2 ºC nel restu salvu nel suroeste onde se van caltener ensin cambeos. Les mínimes van baxar llixeramente.

Sigue leyendo «El tiempu (El Comercio)» →

A partir del llunes el tiempu va camudar por completu. Pero, enagora, entá se preven intervalos nublos de nubes medies y altes polo xeneral. La probabilidá de precipitaciones va ser baxa con, a lo sumo, dellos bastios débiles nel cordal y, mientres la tarde, nun se refuguen tamién delles precipitaciones aisllaes nel sector occidental. Les temperatures máximes van baxar llixeramente nel occidente y van caltenese nel restu, ente que les mínimes van baxar solo nel oriente.

Sigue leyendo «El tiempu (El Comercio)» →

• Alborecemos col cielu nuboso pero sin precipitaciones na metá norte d’Asturies pero sí na cordelera y valles averaos, onde lleva lloviendo persistentemente dende ayeri, per exemplu nel puirtu Payares lleven 115l/m2 dende’l pasáu alborecer. Les temperatures tan alrodiu de los 15ºC, rexistrándose nel puirtu Payares 5,7ºC
• Güei dirán cesando les precipitaciones per esa fastera y amenorgando l’aire anque tovía van dase raches fuertes, nel restu vamos tener el cielu nuboso pero sin lluvia con unes temperatures que descenderán llixeramente pero calteniéndose entovía l’ambiente mui suave nos valles.

Sigue leyendo «Estáu del tiempu: vienres 14 de payares» →

El xueves foi’l día más airosu del episodiu. A les 16.10 hores de la tarde anotóse xuna racha de 179 km/h na estación meteorolóxica de Vega d’Ariu en Picos d’Europa. Tamién destacaron los 125 km/h en Cabrales, los 112 km/h en Sotres y los 100 km/h en Payares. El vienres va ser un día tamién airosu (de componente sur) pero con menor intensidá. Nun se refuga que puedan superase los 90 o 100 km/h nel cordal pero van ser datos que van quedar bien llueñe de los casi 180 km/h del xueves. Nel restu, van ser raches d’intensidá moderada que van rondar los 60 km/h aprosimao a lo sumo.

Sigue leyendo «El tiempu (El Comercio)» →

Volverán rexistrase raches tan intenses o, inclusive, podríen superase les del miércoles. La umbada atlántica va siguir barganal de les mariñes peninsulares mientres los próximos díes. Ciertu ye que va dir perdiendo fuerza a partir del vienres polo que les raches, anque van siguir siendo importantes, van dise adulces moderando.

Sigue leyendo «El tiempu (El Comercio)» →

¿Seca en payares? La falta d’agües y la cayida de niveles de banzaos y manantiales pon a Asturies «a la llende». Les principales reserves de la rexón atópense bien per debaxo de lo habitual nesta dómina d’añu tres un mes d’ochobre con solo una cuarta parte de les precipitaciones esperaes y un payares qu’avanza secu. LNE

Sigue leyendo «¿Seca en payares?» →

Esti martes superaron los 100 kilómetru per hora nos Picos d’Europa. Concretamente, na estación meteorolóxica de Vega d’Ariu rexistraron raches d’hasta 122 kilómetru per hora, que non solo fueron les más altes anotaes n’Asturies sinón que tamién lo fueron en tol país. Esti la previsión del tiempu n’Asturies d’esti miércoles apunta a que volveremos sufrir otra xornada que va poder ser inclusive más airosa. Ello ye que l’Axencia Estatal de Meteoroloxía va activar hasta les 18 hores l’avisu naranxa nel cordal por raches d’hasta 110 km/h. A partir de les 18 hores va rebaxar l’avisu a nivel mariellu por racha d’hasta 90 km/h. Nel suroccidente, l’avisu mariellu va tar activáu hasta les 18 hores por raches d’hasta 90 km/h. Comoquier, ye posible qu’estos avisos veanse superaos al igual qu’asocedió’l martes.

Sigue leyendo «El tiempu (El Comercio)» →

Atención asturianos: llega la umbada «Claudia», de «gran impactu», que va dexar agües y raches de vientu bien fuertes na rexón. L’aire va ser de componente sur, polo que va haber chorna, con temperatures d’hasta 24 graos el miércoles. Videu

Sigue leyendo «Llega Claudia, umbada de «gran impactu»» →

Empezamos una selmana na que va venir marcada por xornaes de fuertes vientos que van consiguir que les temperatures van ser prestoses. Enagora, namá prevense vientos con intensidá moderada de suroeste tantu nel cordal como nel sector occidental, ente que nel restu van ser fluexos. Nos cielos vamos reparar nubes de tipu mediu y alto con escasa probabilidá de precipitaciones pero que, sía que non, nun se refuga que pueda escapase dalgún bastiu nel sur del Principáu. Les temperatures máximes van ser bien similares a les del domingu, pudiendo namá baxar un pocu nel cordal. Les mínimes, sicasí, van xubir de forma xeneralizada y notable.

Sigue leyendo «El tiempu (El Comercio)» →

Vamos encarar una xornada marcada pola estabilidá casi na so totalidá, sacante delles agües que van entrar pel oeste a última hora de la tarde. Pela mañana prevense intervalos de nubes altes a lo sumo ensin posibilidá dalguna de precipitaciones. Mientres les primeres hores de la tarde tamién va siguir el tiempu estable anque vamos reparar la presencia tamién de nubes de tipu medio. Al anochecer, la nubosidad nel oeste asturianu va ser más compacta y va dexar precipitaciones que van dir percorriendo la rexón en dirección esti pero, conforme vaigan moviéndose, van dir perdiendo fuerza y van llegar yá bien foliaes al sector central del Principáu. Estes agües van tar acomuñaes a un frente fríu que va entrar viviegamente per Galicia pero se va dir debilitando hasta quedar como frente poco activu y ye polo qu’a la fin nun va acabar dexando precipitaciones en toa nuesa Comunidá Autónoma. Los vientos van soplar de sur-suroeste con intensidá moderada nel cordal y nel terciu occidental. Nel restu, van ser vientos fluexos polo xeneral. Les temperatures máximes van xubir llixeramente nel interior y apenes van esperimentar cambeos respecto al sábadu na mariña. Les mínimes, sía que non, van baxar bien llixeramente de forma local.

El llunes vamos empezar la selmana con tiempu estable, vientos moderaos de suroeste y temperatures a l’alza, sobremanera les mínimes.

• Asturies rexistró anguaño’l mes d’ochobre más templáu y secu de les últimes décades

Les lluvies fueron un 71% inferiores a los niveles que suelen rexistrase nesti mes del añu.  Asturies rexistró l’octavu ochobre más templáu de les últimes décades. Asina lo reflexa l’últimu informe espublizáu pola Aemet. La temperatura media del últimu mes na nuesa comunidá foi de 14,6 graos. Un grau y mediu superior a la temperatura media nesti periodu a lo llargo de los postreros 30 años.

Tamién llovió menos, muncho menos, qu’otros años. Les lluvies fueron un 71% inferiores a los niveles que suelen rexistrase nesti mes del añu.

Vamos amanecer con agües na metá oriental que van unviar rápido. Mientres les siguientes hores nun va llover y, inclusive, van abrise escamplaes d’oeste a este. Pero a partir del mediudía, van volver les precipitaciones pol occidente acomuñaes a un frente que va percorrer la rexón. Ye probable que, una vegada más, unvien les agües de cara a les primeres hores de la tarde cola posibilidá d’apertura d’escamplaes, pero van volver los bastios cola meyora de la tarde por cuenta de delles llínees d’inestabilidá que nos afectarán pudiendo ser estos bastios localmente moderaos sobremanera nel oriente. Los vientos van soplar de suroeste de primeres del día con raches significatives nel sector occidental y nel cordal, afitándose de componente oeste mientres la mañana. Les temperatures máximes van xubir ente 3 y 4 ºC nel suroccidente, y hasta 2 o 3 ºC nel restu, salvo na mariña oriental onde apenes van esperimentar cambeos. Les mínimes apenes van variar respectu al xueves.

Sigue leyendo «El tiempu (El Comercio)» →

El xueves nun s’esperen raches tan intenses cuidao que va ser raru que superen los 80 km/h. Asina tou, na mariña asturiana va tar activáu l’avisu mariellu hasta les 21:00 hores por vientos de suroeste-oeste que podríen llegar a algamar los 74 km/h (fuerza 8) y pola posibilidá de foles que podríen llegar a algamar los 5 metros d’altor. En cuanto al estáu de los cielos, la mañana va presentase nubosa y con posibilidá d’agües, y a partir de les primeres hores de la tarde vamos reparar como se van abrir grandes claros en casi tol Principáu y, poques gracies, van unviar les agües. Les temperatures van baxar de forma xeneralizada respectu al miércoles. Concretamente, van baxar hasta 6 ºC nel sector oeste y hasta 4 o 5 ºC nel restu de la rexón.

El vienres esperen nubes y precipitaciones debíu al pasu d’un frente. La fin de selmana, a priori, tou paez indicar que vamos tener xunas condiciones meteorolóxiques estables.

Asturies va tar esti miércoles n’alerta naranxa por vientos d’hasta 110 kilómetru per hora. L’Aemet alvierte de fuertes raches que van algamar al Cordal, los Picos y bona parte del Suroccidente de la rexón. Avisos naranxa y mariello por raches máximas de viento. https://x.com/AEMET_Asturias/

Sigue leyendo «Asturies va tar esti miércoles n’alerta naranxa por vientos» →

Llega un chorru polar a España nes próximes hores: l’Aemet alerta de fuertes agües y nubes nestes zones. Na madrugada del martes al miércoles va entrar un frente cargáu de precipitaciones y nubes que se va estender pola península. MAPA / Videu /

Volveremos encarar otru día onde los fuertes vientos volverán ser protagonistes. Hasta les 18:00 hores va tar activáu l’avisu naranxa nel cordal por raches que podríen algamar los 100 km/h y, a partir de les 18:00 hores l’avisu va pasar a nivel mariellu por raches d’hasta 90 km/h. Nel suroccidente asturianu l’avisu mariellu va tar activáu hasta’l mediudía por raches tamién d’hasta 90 km/h. Dellos modelos meteorolóxicos apunten a la posibilidá de que, independientemente de los avisos oficiales de l’Axencia Estatal de Meteoroloxía, en zones altes del cordal oriental podríen llegar a rexistrase raches d’hasta 130 o 140 km/h mientres la primer metá del día.

Sigue leyendo «El tiempu (El Comercio)» →

Empezamos la selmana con altes presiones. Pero mientres estos próximos díes l’anticiclón dirá retirándose escontra’l centru del continente européu, dexando asina la llegada d’una umbada que nos afectará primero, con vientos de sur y temperatures prestoses; y depués, con precipitaciones y un descensu térmicu. Enagora, esti llunes vamos esfrutar de bon tiempu en tol Principáu d’Asturies dende primer hasta última hora del día. Los cielos van tar pocu nublos o estenos con, a lo sumo, la presencia por momentos de dellos intervalos de nubes altes insignificantes. Los vientos van ser fluexos y variables, predominando de sur nel cordal y de componente este na mariña a partir del mediudía. Les temperatures máximes van xubir de forma notable nel suroccidente asturianu, de forma moderada nel cordal y van caltenese ensin cambeos importantes al respective de esti domingu nel restu de la rexón. Tocantes a les temperatures mínimes, van baxar na metá occidental y nun van sufrir variaciones n’a l’oriental.

Sigue leyendo «El tiempu (El Comercio)» →

Esti domingu vamos tener l’aire frío n’altor que se ta retirando y les altes presiones fortaleciéndose na Península mientres el día. Ye por ello polo qu’esperamos meyor tiempu anque, como vamos ver, entá va haber cierta probabilidá d’agües débiles. Vamos amanecer con cielos pocu nublos o, a lo sumo, con nubes altes que van dexar los cielos atapecíos. A partir del mediudía y primeres hores de la tarde nun se refuga un aumentu de la nubosidá que podría dexar dellos orbayos esvalixaos na rexón pero que, comoquier, van unviar rápido para dar pasu a un restu de la tarde y nueche con menos nubes. Ello ye que espérase que los cielos tean estenaos a la fin del día. Los vientos van predominar de suroeste-oeste con posibles raches moderaes nes zones más espuestes. Les temperatures nun van esperimentar cambeos importantes pero, asina tou, van tender a baxar bien llixeramente tanto nel casu de les máximes como nel de les mínimes.

Sigue leyendo «El tiempu (El Comercio)» →

Vamos tener una xornada estable en llínees xenerales. Los cielos van tar pocu nublos de primeres con enclín a apaecer nubes altes que, a lo sumo, van velar el cielu. Nun se refuga pela tarde la presencia de nubes de tipu mediu pero que tampoco van dexar precipitaciones. Sía que non, podría escapase a última hora del día dalguna gota nel suroccidente. Los vientos van soplar de sur-suroeste en tola metá sur y nel sector occidental con intensidá moderada. Nel restu, los vientos van ser fluexos. De cara al tramu final del día, estos vientos de sur dirán xeneralizándose polo que van acabar afectando a tol Principáu. Ello ye que prevese una madrugada de xueves a vienres bien airosa con raches que podríen aportar a localmente fuertes nel cordal y, especialmente, en Picos d’Europa. Tocantes a les temperatures, prevese un ascensu llixeru nel oeste asturianu y ensin grandes cambeos nel restu. Les mínimes van baxar en tola Comunidá Autónoma.

Sigue leyendo «El tiempu (El Comercio)» →

Llega una umbada que llega dende l’Atlánticu que va afectanos más de llenu mientres la xornada de mañana. Vamos amanecer con posibles precipitaciones que, anque van tender a unviar mientres les hores centrales del día (o siquier ser muncho menos frecuentes y probables) van volver a la carga de forma más xeneralizada mientres la tarde. Los vientos van empezar soplando de sur-suroeste tanto nel cordal como nel occidente pudiendo rexistrar raches d’intensidá moderada. Nel restu de la rexón los vientos van ser más fluexos ya inclusive variables.

Una umbada atlántica dirá averándose y va traer la presencia de cierta nubosidad a lo llargo del día. Van ser nubes de tipu altu mientres la mañana y de tipu mediu a partir de la tarde. Pero va ser nubosidad ensin importancia cuidao que nun va xenerar inestabilidá. Mientres esta próxima madrugada de martes a miércoles sí que yá s’esperen dellos bastios que van ser más probables y frecuentes nel occidente y nel cordal, ensin refugase n’otres zones de la rexón. Tocantes a los vientos para güei martes, prevense de sur moderaos nel cordal, fluexos y variables nel restu del interior y de componente este na mariña. Les temperatures máximes van xubir hasta 3 o 4 ºC, sobremanera nel interior, y tamién van xubir anque llixeramente nel casu de les mínimes.

Sigue leyendo «El tiempu (El Comercio)» →

Empezamos la selmana con bon tiempu en tol Principáu d’Asturies. Tamos sol predominiu de les altes presiones polo que les condiciones meteorolóxiques van tar marcaes pola estabilidá. Dende primer hora de la mañana preven cielos pocu nublos o estenos na rexón y asina van siguir a lo llargo de tola xornada. Les temperatures máximes van xubir unos 5 ºC nel cordal, ente 3 y 4 ºC nel restu de la metá sur, y hasta 3 ºC na metá norte. Les temperatures mínimes van baxar llixeramente de forma xeneralizada, salvo na zona central asturiana onde’l descensu va ser daqué más significativu.

Sigue leyendo «El tiempu (El Comercio)» →

Vamos ver como’l panorama meteorolóxicu dirá estabilizándose. Entá pela mañana prevense precipitaciones que van entrar pola mariña y van acabar afectando tamién al interior. Pero, a lo llargo de la tarde, claramente la probabilidá d’agües va baxar. Pela mañana los cielos van tar bien nublos pero, mientres la segunda metá del domingu, la nubosidá va ser cada vez menos compacta hasta poder inclusive quedar poco nublu’l cielu. Los vientos van ser fluexos predominando de norte. Les temperatures máximes van baxar escontra l’oriente y van caltenese ensin cambeos respecto al sábadu. Les mínimes, pela so parte, van baxar llixeramente en tola rexón rexistrándose a última hora.

Sigue leyendo «El tiempu (El Comercio)» →

Vamos amanecer con estabilidá ya inclusive con delles escamplaes nel cielu. Pero rápido les nubes van dir aumentando a lo llargo de la mañana para dar pasu a una segunda metá del día con abondosu nubosidá y precipitaciones. Les agües van empezar afectando a la mariña a partir del mediudía y van dise enfusando escontra l’interior col pasu de les hores. Estes precipitaciones polo xeneral van ser débiles cuidao que van tar acomuñaos al pasu d’un frente fríu pocu activu. Los vientos van empezar soplando de componente oeste moderaos pero rolarán a noroeste-norte fluexos a lo llargo del día. Realmente, esto debe al pasiellu que se forma ente un anticiclón atlánticu y una umbada europea. Va entrar un fluxu de vientu húmedu que va favorecer, como se describió antes, la entrada d’abondosa nubosidá y la probabilidá d’agües anque sían de calter débil. Les temperatures máximes van baxar nel cordal y en tola metá occidental, ente que na oriental van caltenese. Les mínimes van xubir en tol interior y nun van esperimentar cambeos na mariña.

Sigue leyendo «El tiempu (El Comercio)» →

Esperamos un día estable en tol Principáu d’Asturies. Pela mañana, a lo sumo, vamos ver intervalos de nubes altes ensin importancia que, como ye habitual d’esti tipu de nubosidá, nun van dexar agües. A lo llargo de la segunda metá del día vamos reparar cómo los cielos van estenase de nubes polo que’l sol va ser el gran protagonista de la tarde. Los vientos van ser fluexos predominando de noroeste. Les temperatures máximes apenes van variar, ente que les mínimes van baxar llixeramente nel interior y van caltenese na mariña y contorna.

Sigue leyendo «El tiempu (El Comercio)» →

Amás de l’avisu mariellu por raches d’hasta 90 km/h, en relación a les temperatures, les máximes van baxar ente 6 y 8 ºC nel centru y oriente asturianu respectu al miércoles, y ente 4 y 6 ºC nel occidente. Les temperatures mínimes, que se van producir a la fin del día van baxar hasta 6 ºC na metá sur y hasta 4 ºC na metá norte. Finalmente, en cuanto al estáu de los cielos, vamos tener más nubes escontra l’occidente y escontra el cordal con mayor posibilidá de ver escamplaes nel restu, sobremanera mientres la segunda parte del día.

Sigue leyendo «El tiempu (El Comercio)» →

El pasu d’una umbada al norte de la Península Ibérica va protagonizar, ensin dala dulda, la previsión meteorolóxica tantu para’l miércoles como para la primer metá del xueves. En cuanto al estáu de los cielos, mientres gran parte del día esperamos más nubosidá escontra l’occidente y escontra el cordal onde nun se refuguen bastios a lo llargo del día. Nel restu, los cielos van tar más llimpios de nubes de primeres, pero conforme vaigan trescurriendo les hores, les nubes van dir aumentando hasta estendese prácticamente por tola rexón na recta final del día. Ello ye que les precipitaciones dirán xeneralizándose mientres les últimes hores y, con muncha más seguridá, na madrugada del miércoles al xueves. Pero lo más destacao van ser los fuertes vientos que s’esperen de suroeste-oeste. A partir de les 20:00 hores de la tarde se va activar l’avisu mariellu en tol Principáu salvu na mariña por raches que podríen algamar los 90 km/h. Esti avisu va concluyir a les 10:00 hores del xueves. Na mariña l’avisu va empecipiar a medianueche concluyendo a mediudía na mariña occidental, y a les 16:00 hores de la tarde na mariña oriental. Tamién, a partir de medianueche, va activase l’avisu naranxa na mar por foles d’hasta 6 metros d’altor, que va pasar a mariellu de mediudía del xueves con foles d’hasta 5 metros.

Gracies a los vientos d’oeste-suroeste con raches moderaes y, inclusive, localmente fuertes por momentos nel occidente sobremanera, les temperatures máximes van xubir de forma xeneralizada en tol Principáu d’Asturies. Van xubir hasta 3 ºC na metá oeste asturiana y hasta 4 ºC na oriental. Les temperatures mínimes, igualmente, tamién van xubir en tolos conceyos. Los cielos presentaránse nublos escontra l’oeste y escontra el sur de la rexón, con más claros tantu nel centru como nel oriente y na mariña. Asina tou, mientres la segunda parte del día, ye probable que les nubes tengan un mayor protagonismu pudiendo dexar bastios irregularmente partíos de forma ocasional, pero que podríen ser más frecuentes na metá sur de la Comunidá Autónoma.

Sigue leyendo «El tiempu (El Comercio)» →

Esperamos una xornada na que la nubosidá va concentrase especialmente tantu nel occidente como nel cordal y otros puntos de la metá sur asturiana. Nel restu preven nubes y escamplaes con momentos de más claros que nubes. Asina tou, mientres el tramu final del día y por cuenta de la llegada d’un frente templáu, vamos reparar como va entrar nubosidá pel oeste y va estendese al restu de la rexón con agües que podríen afectar a cualquier puntu del Principáu. Los vientos van predominar de suroeste-sur con raches moderaes mientres tola xornada y con posibilidá de que puedan aportar a fuertes en puntos del occidente y zones d’altu monte. Les temperatures máximes van baxar de forma xeneralizada ente 3 y 4 ºC na mayoría de poblaciones asturianes. Les mínimes van baxar nel interior oriental y van caltenese nel restu.

Sigue leyendo «El tiempu (El Comercio)» →

Vamos encarar el día con unes condiciones meteorolóxiques bien distintes a les que vivimos esta selmana. El pasu d’un frente fríu n’altor va condicionar claramente l’estáu del tiempu. Los cielos van tar bien nublos y van dexar precipitaciones que van empezar entrando pol occidente y van dise estendiendo al restu. Asina tou, va ser nel sector occidental onde van ser más frecuentes. Los vientos van predominar de sur-suroeste con raches que podríen aportar a localmente fuertes nel cordal, pudiendo algamar los 90 km/h. Nel restu de la rexón van ser moderaos a lo sumo. Les temperatures máximes van baxar de forma xeneralizada. Concretamente, van baxar hasta 4 o 5 ºC respectu al sábadu, siendo’l descensu más nidiu cuanto más movamos escontra la mariña.

Sicasí, les temperatures mínimes van xubir hasta 4 ºC más que’l sábadu gracies al predominiu de vientos de componente sur. Mañana llunes volverán baxar les máximes y, nesti casu, tamién lo fadrán les mínimes nel centru y nel oriente asturianu. Los cielos para mañana van presentar nubes y escamplaes con posibilidá de dellos bastios a partir de la tarde. Los vientos espérense de componente oeste moderaos.

Volveremos tener una xornada estable nel Principáu d’Asturies. Vamos amanecer con delles gurrianes na mariña y, posiblemente, n’otros puntos de la metá norte asturiana, ente que nel restu’l día yá va empezar soleyeru. A lo llargo de la mañana, les gurrianes van sumir y van abrise grandes claros de forma que, en prácticamente tola rexón, los cielos van tar soleyeros. Los vientos van ser fluexos pudiendo predominar d’este na mariña. Les temperatures máximes van xubir de forma xeneralizada ente 2 y 3 ºC. Les temperatures mínimes van baxar nel interior de forma llixera.

Sigue leyendo «El tiempu (El Comercio)» →

Domingo: agües na metá norte peninsular. L’ambiente va ser prestosu, con temperatures máximes más propies del mes de setiembre.

Les altes presiones, de les que llevamos falando estos últimos díes, siguen afectándonos de llenu y, por ese motivu, siguimos con unes condiciones meteorolóxiques estables nel Principáu d’Asturies. Vamos amanecer con gurrianes na mariña y munchos otros puntos de la metá norte asturiana, y con cielos más llimpios escontra’l sur de la rexón. Estes gurrianes van estrenase a partir del mediudía anque, aquel día, van apaecer nubes de tipu altu que podríen dexar atapecíu’l cielu. Nel tramu final de la tarde ye bien probable que les nubes baxes vuelvan apaecer pola mariña y #enfusar escontra l’interior. La probabilidá de precipitaciones va ser nula. Los vientos van soplar de componente este con raches moderaes na mariña, ente que nel interior van ser fluexos. Les temperatures máximes apenes van variar, xubiendo namá bien poco nel suroccidente.

Sigue leyendo «El tiempu (El Comercio)» →

El martes, vamos poder amanecer con dellos intervalos de nubes baxes na mariña y otres zones de la metá norte, con cielos más soleyeros nel restu del Principáu. Nun se refuga qu’a lo llargo del día puedan abrise delles escamplaes tamién naquelles zones onde amanecieron nublaes, al igual que nun se refuga tampoco que les nubes de tipu mediu y alto puedan cobrar mayor protagonismu nel cordal mientres la tarde. Los vientos van ser fluexos y variables con posibilidá d’afitase de nordés-esti na mariña especialmente. Les temperatures máximes van baxar un par de graos de media na rexón. Les mínimes van esperimentar pocos cambeos.

Sigue leyendo «El tiempu (El Comercio)» →

Esperamos, nuevamente, unes condiciones meteorolóxiques estables en tol Principáu d’Asturies dende primer hasta última hora del día. Los cielos van tar pocu nublos o estenos. Asina tou, nun se refuguen dellos intervalos de nubes baxes ensin importancia que podríen apaecer na mariña a lo llargo del día (con más probabilidá na mariña occidental). Pela tarde, podría desenvolvese cierta nubosidá d’evolución nel cordal. Los vientos van ser fluexos y variables, pudiendo afitase de componente este na mariña con raches moderaes mientres la segunda parte del llunes. Les temperatures máximes van ser bien similares a les del domingu, pudiendo baxar a lo sumo un grau nel cordal. Poro, vamos encarar un día festivu marcáu pola estabilidá y un ambiente térmico bien prestosu teniendo en cuenta que nos atopar nos yá somorguiaos en plenu mes d’ochobre.

Sigue leyendo «El tiempu (El Comercio)» →

Esperamos bon tiempu n’Asturies. Anguaño tamos sol radiu d’acción d’un anticiclón centráu nes Isles Britániques que bloquia la llegada d’umbaes dende l’océanu Atlánticu. Ye por ello polo que vamos tener cielos prácticamente estenaos dende primer hasta última hora del día. A lo sumo, podríamos amanecer con dalgún bancu de borrina de forma local en delles zones del interior asturianu pero, rápido, van estenase. Los vientos van ser fluexos pela mañana pudiendo predominar de sur y, a partir del mediudía, van ser de componente este con raches moderaes na mariña y fluexes nel interior. Les temperatures máximes van xubir hasta 5 ºC nel suroccidente, ente 3 y 4 ºC nel restu de la metá sur, y un par de graos nel restu del Principáu. Les mínimes van baxar nel occidente y nel centru, ente que se van caltener nel oriente y nel cordal.

Sigue leyendo «El tiempu (El Comercio)» →

Vamos amanecer con nubes na mariña y tamién en munchos otros puntos de la metá norte. Sicasí, cuanto más movamos escontra’l sur y escontra l’oeste ye más probable qu’empecemos el día yá con cielos más llimpios de nubosidá. Asina tou, a lo llargo del vienres prevese que les nubes sían cada vez menos compactes cuidao que va haber unu enclín a abrir claros cola meyora de la xornada. Nun se refuga dalgún orbayu débil mientres la mañana na mariña oriental que va unviar rápido. Los vientos van soplar de nordeste-esti fluexos con raches moderaes na mariña y que, inclusive, nun se refuga que pueda dase dalguna racha localmente fuerte pela tarde na mariña más occidental del Principáu. Les temperatures máximes van xubir namá un pocu nel cordal y van caltenese ensin cambeos nel restu. Les mínimes, sicasí, van baxar de forma xeneralizada hasta 4 o 5 ºC pudiendo ser baxar hasta 6 ºC nel interior oriental.

Sigue leyendo «El tiempu (El Comercio)» →

Esperamos un día marcáu pola nubosidá. Tantu pela mañana como pela tarde les nubes van tar presentes nel cielu, anque nel casu de la tarde nun se refuga que puedan ser daqué menos compactes. Les precipitaciones nun se refuguen pero, asina tou, van ser débiles o bien débiles. Los vientos van predominar de nordés-esti con posibilidá de raches moderaes especialmente na mariña. Les temperatures máximes van baxar na metá sur asturiana ente unu y dos graos, salvo en zones altes del cordal onde podríen baxar hasta 3 ºC. Na metá norte, sicasí, nun van esperimentar variaciones significatives. Les temperatures mínimes van xubir bien llixeramente na mariña y nel occidente, van #caltener nel restu.

Sigue leyendo «El tiempu n’Asturies (El Comercio)» →

Vamos amanecer con nubes na mariña y tamién na zona central de la rexón. Sicasí, nel restu preve poca nubosidá o, sía que non, intervalos de nubes de tipu altu ensin importancia. Comoquier, conforme meyora la mañana la nubosidá va dir estendiéndose escontra’l sur para dar pasu a una tarde con cielos cubiertos en cualquier puntu del Principáu. Nun se refuguen precipitaciones débiles mientres la tarde de forma ocasional. Los vientos van ser fluexos predominando la componente norte. Les temperatures máximes van baxar ente 5 y 6 ºC na mayor parte de la Comunidá Autónoma. Na mariña’l descensu va ser daqué más moderáu pero, garré tou, prevese que baxen unos 3 o 4 ºC respectu al martes. Les mínimes van xubir de forma xeneralizada hasta 4 ºC.

Sigue leyendo «El tiempu (El Comercio)» →

Esperamos otru día estable na rexón. Vamos ver nubes altes insignificantes polo que’l cielu como muncho va poder tar atapecíu. La probabilidá de precipitaciones va ser nula. Los vientos van ser fluexos polo xeneral tantu na mariña como nel interior. Lo más destacao del día, amás de la estabilidá, va ser l’ascensu de les temperatures. Les máximes nel cordal van caltenese, pero nel restu van xubir y van facer hasta 4 o 5 ºC más que les anotaes el llunes. Concretamente, va ser el sector central onde más s’esperimente dichu ascensu. Les mínimes van xubir en tol interior, incluyida’l cordal, y van caltenese ensin cambeos importantes (o en llixeru ascensu) na mariña.

Sigue leyendo «El tiempu (El Comercio)» →

Para esti llunes esperamos empezar la selmana con una xornada estable en tol Principáu d’Asturies. Los cielos van tar con poca nubosidá o prácticamente estenaos en cualquier puntu mientres tola xornada. Les temperatures máximes van xubir de forma xeneralizada. Concretamente, hasta 8 ºC más qu’esti domingu nel cordal, hasta 5 o 6 ºC nel restu del sur de la rexón y en tol interior occidental, y hasta 4 ºC nel restu d’Asturies. Les mínimes, sicasí, van baxar y van #facer sobremanera nel sector central. Los vientos van soplar de componente esti moderaos, ya inclusive por momentos localmente fuertes, na mariña. Nel interior espérense fluexos y variables.

Sigue leyendo «El tiempu (El Comercio)» →

Esperamos una mañana con cielos bien nublos y cola posibilidá de precipitaciones que van ser más frecuentes nel norte de la rexón y cuanto más escontra l’oriente. Pero, a lo llargo de la tarde, vamos reparar como les nubes van ser cada vez menos compactes hasta’l puntu de quedar los cielos poco nublos o inclusive prácticamente estenaos en tol Principáu d’Asturies nel tramu final del día. Los vientos van ser fluexos y variables pudiendo predominar de nordeste-esti moderaos, siquier, na mariña. Les temperatures máximes van baxar de forma xeneralizada salvu, sía que non, nel estremu más suroccidental onde apenes van variar respectu al sábadu. El descensu nel restu va ser d’hasta 2 o 3 ºC nel occidente, y hasta 4 o 5 ºC nel oriente. Les mínimes van baxar llixeramente na gran parte de la Comunidá Autónoma.

Sigue leyendo «El tiempu (El Comercio)» →

Esperamos otru día sele en tol Principáu d’Asturies. Mientres la xornada vamos tener nubes altes que van dexar los cielos atapecíos, pero la probabilidá de precipitaciones va ser totalmente nula. Los vientos prevense fluexos y variables anque, sía que non, con ciertu predominiu de componente oeste. Les temperatures máximes van ser unu o dos graos más baxes que les del xueves. Les mínimes van xubir de forma xeneralizada.

Sigue leyendo «El tiempu (El Comercio)» →

Esperamos una xornada estable na que van predominar los grandes claros en tol Principáu d’Asturies. A lo sumo, van poder apaecer dellos intervalos de nubes altes ensin importancia a lo llargo del día. La probabilidá de precipitaciones va ser rotundamente nula. Los vientos van predominar de componente este na mariña con raches moderaes, ente que nel interior los vientos van ser fluexos. Les temperatures máximes van xubir de forma xeneralizada. Esti ascensu va ser d’hasta 2 ºC nel occidente, hasta 3 o 4 ºC nel centru, y nun se refuga que puedan xubir hasta 5 ºC respectu al miércoles nel interior oriental. Tocantes a les mínimes, van ser bien similares. Sía que non van poder xubir bien llixeramente en Picos d’Europa y tamién nel suroccidente.

Sigue leyendo «El tiempu (El Comercio)» →

El mes d’ochobre va empezar con unes condiciones meteorolóxiques dafechu estables en tol Principáu. Vamos amanecer con cielos pocu nublos, ensin refugar dellos bancos de borrina en zones propenses de la metá norte asturiana. A lo llargo del día, a lo sumo, vamos ver intervalos de nubes altes que dexaríen sía que non el cielu atapecíu. Los vientos van soplar de componente este na mariña con intensidá moderada pudiendo superar los 40 km/h por momentos. Nel interior los vientos van ser más fluexos y d’orientación variable.

Les temperatures máximes van xubir hasta 4 ºC respectu al martes nel interior occidental, y hasta 2 o 3 ºC nel restu de la rexón. Les temperatures mínimes van xubir llixeramente nel cordal y otros puntos del interior, calteniéndose ensin cambeos nel restu.

Al marxe de la envernada que ta sufriendo’l llevante peninsular onde esti llunes hubo poblaciones que superaron los 300 llitros per metro cuadráu mientres el día, la previsión del tiempu n’Asturies para esti martes agora nel Principáu unes condiciones meteorolóxiques muncho más estables. Anque vamos poder amanecer con delles nubes principalmente nel norte de la rexón, los cielos van tender a estenase prácticamente por completu. A lo llargo de la tarde nueche nun se refuga que pueda volver apaecer daqué de nubosidá, preferentemente escontra l’oriente y mariña, pero los cielos volverán llimpiase de nubes na madrugada. Los vientos van soplar de componente esti fluexos nel interior y moderaos na mariña. Les temperatures máximes van xubir llixeramente salvo na mariña oriental y proximidaes onde se van caltener ensin cambeos. Les mínimes van baxar na mayor parte d’Asturies y van facelo especialmente nel centru de la rexón.

Sigue leyendo «El tiempu (El Comercio)» →

La previsión del tiempu n’Asturies para esti llunes agora cielos bien nublos con, a lo sumo, delles cobardes escamplaes escontra’l suroccidente. Estes nubes van tar presentes nel cielu mientres tola xornada prácticamente de principiu a fin. Mientres la mañana nun se refuguen precipitaciones de calter débil. Pela tarde la probabilidá d’agües va ser muncho más baxa o nula. Los vientos van soplar de nordeste fluexos con raches moderaes nel occidente y zones costeres. Les temperatures máximes van ser similares a les d’esti domingu salvu nel estremu más oriental onde, llixeramente, van baxar un pocu. Les mínimes namá van baxar en zones altes del cordal, calteniéndose ensin cambeos nel restu del Principáu.

Sigue leyendo «El tiempu (El Comercio)» →

Sigue leyendo «Estáu del tiempu: llunes 29 de setiembre» →

El Comercio / Avisos AEMET /

Nacíu nes agües templaes del Atlánticu tien a los Azores n’Alerta y el domingu prevese que llegue al suroeste de Portugal y España convertíu n’una umbada más convencional pero non «inofensiva».

La umbada ex-Gabrielle (llamada asina porque n’orixe yera un ciclón tropical con ese nome) va averar a la Península esta fin de selmana. ➡️ Va Dar llugar a temporaes bien fuertes de vientu y agües en zones del oeste y sur peninsular.

Sigue leyendo «Asina va tocar tierra na Península’l furacán ‘Gabrielle’» →

Esperamos una xornada nubosa. Los restos del furacán Gabrielle, convertíos yá n’umbada, entren güei poles mariñes portugueses pero van afectar de forma importante especialmente en Castiella y Llión, Estremadura, y otres comunidaes del centru y oeste peninsular. Pero nel casu concretu d’Asturies, lo único que nos dexará va ser abondosu nubosidá y, a lo sumo, delles precipitaciones débiles que van tener llugar a partir del mediudía. Estos orbayos van empezar afectando al occidente d’Asturies y van estendese a otros sectores y, finalmente, van #dirixir escontra’l cordal mientres les primeres hores de la tarde.

Los vientos van soplar de nordés con raches fluexes pela mañana pero moderaes pela tarde. Les temperatures máximes van caltenese nes poblaciones costeres, pero van baxar nel interior. Ello ye que según movamos escontra’l sur d’Asturies, el descensu va ser más significativu (hasta 5 ºC menos que’l sábadu). Les temperatures mínimes, sicasí, van xubir de forma xeneralizada hasta 3 o 4 ºC más.

• Alborecemos col cielu escampláu ya con unes temperatures que tan alrodiu de los 9ºC, rexistrándose nel puirtu Payares 5,6ºC.
• Güei vamos tener una mañana mui soleyera col cielu poco nuboso o escampláu pa dir aumentando la nubosidá alta pela tarde pero que malpenes velará al sol. Les temperatures n’ascensu nel interior, calteniéndose na costa por mor del vientu nordés que seguirá siendo cafiante ya baxará la sensación térmica.
  

Sigue leyendo «Estáu del tiempu: vienres 26 setiembre» →

Un día más, esperamos tiempu anticiclónicu na rexón. El día va presentase soleyeru en tola rexón dende primer hora de la mañana. Sía que non, podría dir apaeciendo cierta nubosidá de tipu altu a lo llargo de la segunda parte del día pero va ser insignificante. Ello ye que la probabilidá d’agües va ser dafechu nula. Los vientos van predominar de componente d’este con raches moderaes na mariña, ente que nel interior va faese esperen fluexos. Les temperatures máximes van xubir hasta 5 graos nel suroccidente al respective de ayeri xueves, hasta 4 graos nel cordal, hasta 3 graos nel restu del interior y hasta 2 graos na mariña y proximidaes. Les temperatures mínimes van ser similares a les d’esti xueves, pudiendo xubir bien llixeramente nel cordal y calteniéndose nel restu del Principáu.

Sigue leyendo «El tiempu (El Comercio)» →

Esperamos cielos pocu nublos o prácticamente estenaos en tol Principáu d’Asturies. Siguimos so la influencia de les altes presiones y eso ye claru sinónimu d’estabilidá. L’anticiclón ta bloquiáu la llegada d’umbaes enagora, anque se va dir debilitando de forma que la fin de selmana sí que se preve la llegada de les baxes presiones. Pero centrándonos nel día de güei, vamos esfrutar del bon tiempu acompañáu d’un llixeru ascensu de les temperatures máximes (hasta 2 graos más) salvu na mariña oriental onde se van caltener ensin cambeos. Los vientos van soplar de componente este, fluexos nel interior y con raches moderaes na mariña.

Sigue leyendo «El tiempu (El Comercio)» →

Mientres estos próximos díes vamos tar so l’acción de les altes presiones. Esti miércoles prevense intervalos de nubes altes pela mañana a lo sumo y cielos más llimpios, especialmente, a partir de les hores centrales de la xornada. A lo llargo de la tarde podríen aumentar les nubes nel cordal y nel interior oriental namá. La probabilidá de precipitaciones va ser nula dafechu mientres tol día. Los vientos van ser fluexos con raches moderaes de componente este na mariña. Les temperatures máximes van caltener ensin cambeos al respective de les del martes. Les mínimes podríen baxar llixeramente.

Sigue leyendo «El tiempu (El Comercio)» →

Una nueva umbada yá ta n’España y l’Aemet avisa: estes van ser les zones más afectaes poles agües y nubes. El pasu d’una vaguada atlántica y un centru de baxes presiones en Francia van traer un tiempu revueltu, con bastios intensos y nubes en delles zones.

Predicción selmanal: ➡️De llunes a miércoles ⛈️: ambiente fresco con bastios en Baleares, estremu norte y sureste peninsular; dalgunos de fuerte intensidá y con nube. ➡️De xueves a domingu 🌞: ambiente templao y estable; empiezu del popular branín de San Miguel.

Sigue leyendo «De llunes a miércoles: agües y nubes» →

Tres les agües d’esti llunes coles qu’empecipiábamos la estación serondiega, güei martes va dir ameyorando’l tiempu claramente en comparanza coles condiciones meteorolóxiques. Anque vamos amanecer con cierta nubosidad, vamos reparar cómo se van dir abriendo claros nel cielu a midida que vaigan trescurriendo les hores. Asina tou, nun se refuga que pueda escapase dalguna gota mientres la primer metá del día, sobremanera nel sector oriental. Los vientos van predominar de componente este con delles raches moderaes especialmente na mariña. Les temperatures máximes van xubir en tol Principáu. Nel cordal y suroccidente hasta 5 graos al respective de la xornada anterior, nel restu del interior hasta 4 graos más, y na mariña y zones próximes hasta 3 graos. Les mínimes van caltenese a esceición del sector central onde van baxar.

Sigue leyendo «El tiempu (El Comercio)» →

Sigue leyendo «Estáu del tiempu: llunes 22 de setiembre» →

La previsión del tiempu n’Asturies para esti llunes: a les 20:19h de la tarde va empezar oficialmente la estación serondiega. 89 díes y 21 hores van dixebranos esactamente a partir d’esi momentu del entamu del iviernu’l próximu 21 d’avientu.

De mano la seronda esperamos una xornada típica de la mesma estación cargada d’agües xeneralizaes n’Asturies. Dende prácticamente primer hora de la mañana esperen precipitaciones de calter persistente sobremanera na mariña. La previsión ye que concretamente na mariña puedan rexistrase hasta 40 llitros per metro cuadráu a lo llargo de too el día. Nel interior les agües tamién van ser bien cuantiosas anque, en principiu, con acumulaos menores. Nun se refuga la presencia de nubes mientres el día de güei.

Les temperatures máximes van baxar ente 2 y 3 graos respecto al domingu. Les mínimes apenes van variar. Los vientos van soplar d’oeste noroeste de primeres, afitándose de componente norte col intre del llunes. El tiempu va dir ameyorando’l martes con enclín a abrir grandes claros. Bon tiempu pa los siguientes díes.

• El tiempu /

Nel Principáu d’Asturies van baxar a los 17 ºC y 18 ºC el domingu.

Sigue leyendo «Esbarrumbe del mercurio n’España» →

Tres dellos díes calorosos que tuvimos esta selmana, el sábadu reparemos como les condiciones meteorolóxiques camudaron debíu al pasu d’un frente fríu que consiguió aumentar la nubosidá y baxar les temperatures mientres el día. El domingu vamos encarar una xornada na que nuevamente van baxar entá más les temperatures. Prevense intervalos nublos con bastios a lo llargo del día que van ser más frecuentes mientres la segunda parte de la xornada y pudiendo venir acompañaos de nube. Los vientos van ser fluexos de noroeste-oeste polo xeneral con dalguna racha daqué más moderada sía que non escontra’l sector occidental.

Sigue leyendo «El tiempu (El Comercio)» →

RTPA /

Aemet decreta avisos por lluvia y tormentes nel oriente y Los Picos d’Europa. L’Axencia Estatal de Meteoroloxía pide precaución por fuertes tormentes que podríen producise nes hores vinientes na metá oriental d’Asturies.

Sigue leyendo «Les temperatures esbarrúmbense en munchos puntos d’Asturies» →

Esperamos un día templáu n’Asturies a falta de bien pocos díes de que d’entamu la estación serondiega. Vamos amanecer con nubes medies y altes nel centru y nel oriente. A lo llargo de la mañana estes nubes van retirase pol este de la rexón dexando cielos pocu nublos en prácticamente tola Comunidá mientres les hores centrales del día. A lo llargo de la tarde, sobremanera na so recta final, prevese un nuevu aumentu de nubes dende’l cordal que podrán estendese a otros puntos del Principáu, especialmente del sector oriental. Les temperatures máximes van caltenese nel suroccidente y nel terciu sur, pero van xubir nel restu d’Asturies. Poro, van superase con facilidá los 30 ºC na mayoría de poblaciones del interior. La zona de Nava y contorna podríen llegar a anotar 35 o 36 ºC que, según los modelos meteorolóxicos, podría ser la máxima más alta. Pero, asina tou, nel restu del interior rondaránse los 32/34 ºC. Temperatures templaes tamién na mariña oriental que van superar los 25 ºC, y más llixeres na mariña occidental onde, a lo sumo, van superar los 20 ºC. Los vientos van soplar de sur na parte meridional d’Asturies, ente que nel restu van entrar vientos d’esti fluexos.

Esperamos una xornada templada n’Asturies na que podrán algamase los 34 o 35 ºC nes zones más templaes de la rexón. Ello ye que l’Axencia Estatal de Meteoroloxía va activar a partir de les 13:00 hores l’avisu mariellu por altes temperatures tantu nel suroccidente como nel cordal. Esti avisu va enllargase hasta les 20:00 hores de la tarde. Concretamente, Grandas de Salime y Cangas van ser les poblaciones más templaes d’Asturies. Nel restu del interior les máximes van rondar los 28/30 ºC, y na mariña los valores térmicos van ser más moderaos. Amás del ascensu de les máximes, tamién se preve un ascensu de les mínimes (ente 2 y 4 ºC en casi tol Principáu). Los vientos van predominar de sur nel cordal y otres zones próximes, ente que nel restu van ser fluexos y variables pudiendo, sía que non, predominar de nordés-esti na mariña.

Sigue leyendo «El tiempu (El Comercio)» →

El monte rusu de les temperatures n’Asturies: les máximes van xubir a 36 y van baxar a 18 graos en cuatro díes. Vista del parque de Moreda, en Xixón, esti martes, cubiertu de fueyes seques, qu’anuncien la llegada prematura de la seronda, qu’oficialmente empieza’l próximu 21 de setiembre. La Voz 

Sigue leyendo «El monte rusu de les temperatures n’Asturies» →

Esperamos una xornada soleyera prácticamente dende primer hora de la mañana. Apenes s’esperen nubes y, poques gracies, la probabilidá de precipitaciones va ser nula. Los vientos van ser fluexos y variables anque na mariña podríen predominar de componente este. Les temperatures máximes van xubir hasta 5 ºC na metá sur asturiana y hasta 3 o 4 ºC na metá norte salvu na mariña onde l’ascensu va ser más llixeru. Con éses van llegase a algamar los 26 o 27 ºC con facilidá en cualquier puntu del interior, pudiendo rondar los 30 o 31 ºC nel suroccidente de la rexón. Na mariña, sicasí, van superar llixeramente los 20 ºC, siendo bien difícil que puedan algamar 23 o 24 ºC. Les temperatures mínimes van baxar na metá norte y van caltenese nel restu salvu en zones altes del cordal onde podríen rexistrase dellos ascensos.

Sigue leyendo «El tiempu (El Comercio)» →

Sigue leyendo «Interpretamos mapes del tiempu» →

Van ameyorar les condiciones meteorolóxiques claramente. Anque nun se refuga dalguna nube a primer hora de la mañana, de forma bien rápida estes nubes de tipu baxu van sumir por completu dando mayor protagonismu al sol con, a lo sumo, delles nubes de tipu altu a lo llargo del día que, sía que non, dexaríen el cielu atapecíu. La probabilidá de precipitaciones va ser dafechu nula. Los vientos van soplar de componente esti moderaos na mariña ente que van ser fluexos nel interior. Tocantes a les temperatures máximes, van xubir hasta 2 o 3 ºC na mariña, hasta 5 ºC nel interior central oriental , y hasta 7 o 8 ºC nel interior occidental. Les temperatures mínimes, sicasí, van baxar de forma xeneralizada ente 2 y 4 ºC al respective de les anotaes el llunes.

Sigue leyendo «El tiempu (El Comercio)» →

Vamos encarar un llunes marcáu tantu peles nubes, como poles precipitaciones y, especialmente, por un descensu bien importante de les temperatures. Vamos amanecer con cielos yá bien nublos salvu, sía que non, nel sur de la rexón. Asina tou, les nubes rápido van acabase estendiendo por tol cielu asturianu y van dexar precipitaciones débiles que van percorrer la rexón d’occidente a oriente. Van ser más frecuentes mientres la mañana, pero pela tarde tamién van faer actu de presencia, sobremanera nel oriente. A la fin de la tarde nun se refuga l’apertura de dalgún cobarde claru nel sector occidental. Les temperatures van baxar de forma xeneralizada ente 6 y 8 ºC en tol Principáu, con dalgún descensu daqué más moderáu en zones costeres del centru y del oriente. Con éses na mariña van llegase algamar los 19 o 20 ºC a lo sumo, y na mayor parte del interior los 18/19 ºC, cola esceición del suroccidente onde podríen rexistrase les máximes más altes con 21 o 22 ºC n’Ibias por casu. El tiempu va empezar a ameyorar a partir del martes, dando pasu a unos díes que volverán tar soleyeros y con temperatures percima de los 25 ºC con facilidá.

Vamos encarar un domingu soleyeru mientres tol día (sacantes delles nubes namá a primer hores de la mañana) en tol Principáu d’Asturies. Los vientos van ser fluexos y variables, predominando d’oeste na mariña y de sur-suroeste nel interior. Les temperatures máximes van xubir hasta 4 o 5 ºC respectu al sábadu en casi tola rexón. Na mariña y en dellos puntos del oeste l’ascensu va ser daqué más llixeru (hasta 2 o 3 ºC más). Con éses van anotase los 26/27 ºC en casi tol interior, salvu nel interior occidental onde podríen rondar los 29/30 ºC. Nes localidaes costeres, polo xeneral, va llegar a los 24 o 25 ºC.

Sigue leyendo «El tiempu (El Comercio)» →

Esperamos una xornada estable en tol Principáu. Los cielos espérense atapecíos con intervalos de nubes de tipu alto a lo sumo y con una nula probabilidá de precipitaciones. Los vientos van ser fluexos y variables pudiendo predominar de componente oeste, sobremanera nel sector occidental. Les temperatures máximes van xubir 1 o 2 ºC más respectu al vienres, pudiendo ser esti ascensu daqué más significativu nel interior oriental. Les temperatures mínimes van ser bien similares a les del vienres. Con éses prevese que les temperatures diurnes superen con facilidá los 20 ºC na mayor parte de la rexón, pudiendo algamar los 23 ºC n’Uviéu y los 21 ºC en Xixón o n’Avilés.

Sigue leyendo «El tiempu (El Comercio)» →

Esperamos empezar el día con cielos nublos pero con enclín a abrise claros mientres les hores centrales del día. Pero, a lo llargo de la tarde, la nubosidá va dir claramente n’aumentu hasta quedar los cielos cubiertos, anque podríen llibrase d’estes nubes el terciu más occidental. La probabilidá de precipitaciones va ser baxa mientres el día pero cuanto más movamos escontra l’oriente la posibilidá d’orbayos va ser daqué más alta. Los vientos van predominar de componente oeste fluexos, pudiendo afitase de noroeste col intre del día. Les temperatures máximes van caltenese nel sector occidental, van baxar llixeramente nel central y de forma daqué más significativa nel oriente. Les mínimes, pela so parte, van baxar namá nel oeste asturianu ente que se van caltener nel restu.

Sigue leyendo «El tiempu (El Comercio)» →