Calca nel logo de 
Facebook pa ver les semeyes…
- Fonte: Maravillas del Planeta Tierra
Categoría: Sin categoría
Animales enantes de nacer
El 9 de febreru, borrasca con ñeve
Roscón de Reis
Ñeve…
La tienra reacción d’una neña ciega al afayar qu’el so regalu de Navidá son los llibros de Harry Potter en braille
Muséu de las AYALGAS de Silviella (Balmonte)
Nel MUSÉU LES AYALGAS DE SILVIELLA recreamos el pasáu más cercanu por aciu los oxetos que pueden vese na nuesa esposición. Asina, na sala dedicada a la cocina tradicional puede vese l’escañu, les gamayeras, payetsas, fudres, tambores d’amagostar, molinucos de rabilar y toa clase d’instrumentos domésticos. Y al empar retratamos la realidá más auténtica y xenuina de los nuesos pueblos na esposición Llabradores: la memoria de la tierra», como esta llariega fotografiada apocayá en Francos (Tinéu / Tinéu) por Jesús Suárez López.
Sigue leyendo «Muséu de las AYALGAS de Silviella (Balmonte)»
“Más sabe’l que vive ensin querer saber
qu’el que quier saber ensin vivir”.
Benito Pérez Galdós, («Fortunata y Jacinta”).
El 4 de xineru de 1920 dexábanos Benito Pérez Galdós, novelista, dramaturgu, cronista y políticu consideráu unu de los meyores representantes de la novela realista del sieglu XIX. Académicu de la Real Academia y nomáu al Premiu Nobel en 1912, morrió probe, enfermu y solo.
Cites
Primer día d´añu Nuevu
La foto/semeya ye de @javicasopress en Ponga donde por primera vez dende la Guerra nun saldrá’l Guirria a facer de les suyes.
Les Naciones Celtes feliciten l´añu nuevu
Anunciu de Campofrío n´Asturies
Pal añu qu´entra…
Pablo Fraile presenta “La llingua de les xanes”
Nel “Pieces diariu” de güei: Pablo Fraile Dorado presenta’l llibru ilustráu “La llingua de les xanes”. Vídeu
Programa Pieces: Dempués de TPA Noticies. Primer edición.
Sigue leyendo «Pablo Fraile presenta “La llingua de les xanes”»
Les Mazcaraes n´Asturies
«Asturies Patria Quería»
Un cachu del Eo…
Nos últimos tiempos les ostres convirtiéronse nun platu mui demandáu
Na ría del Eo atopamos unu de los productos más cobiciaos del occidente asturianu, la ostra.
L’ayalga de la cueva’l Cuélebre Célebre.
- Fonte: Blogue deLluis de Turiellos
- El Xanu’l Caborniu
- Ver artículu: L’ayalga de la cueva’l Cuélebre Célebre.
A unos diez minutos d’onde vivo atópase la cueva’l Cuélebre Célebre. Según una lleenda del llugar ellí vivía un cuélebre gafu qu’amedranaba a los vecinos hasta qu’un día matárenlu dándo-y pa comer un boroñu preñáu d’anfileres.
Pero yo conocílu y la cosa nun foi asina. El cuélebre enxamás saliere de la so cueva, pues tenía encamentao que naide nun escaciplare nella porque ocultaba una ayalga pervaliosa de los asturianos. Y asina lo fixo hasta qu’un día, yá mui vieyu, decidió retirase a descansar al olimpu de los mitos.
La imaxen más detallada del planeta Plutón
Ibon Pérez @ibonpereztv
Fotos: una amuesa con 653 imaxes de la ciudá
Aida Escudero. Premiu de poesía
«Nes últimes xeneraciones hai continuidá colo escrito enantes, nun hai ruptura»
Aida Escudero (Uviéu, 1985) recibió’l premiu Fernán Coronas pol llibru agora premiáu y ye autora de ‘Autorretratu con familia al fondu’, Premiu Asturies Xoven.
José Ángel Gayol, Premiu de la Crítica de narrativa n’asturianu
«En primera persona», de José Ángel Gayol, Premiu de la Crítica de narrativa n’asturianu
José Ángel Gayol ta acabante gallardonar col XX Premiu de la Crítica de l’Asociación d’Escritores d’Asturies na categoría de Narrativa n’asturianu. Esti xueves pasáu, 10 d’avientu, a les siete la tarde, axuntó de forma telemática’l xuráu d’esti gallardón conformáu polos escritores Dolfo Camilo Díaz, Rafa R. Valdés y Ánxel Álvarez Llano, tando como secretariu con voz pero ensin votu: Víctor Suárez Piñero, Secretariu de l’Asociación.
Sigue leyendo «José Ángel Gayol, Premiu de la Crítica de narrativa n’asturianu»
Booktrailer del llibru «La deuda»
«La deuda» d’Esperanza Medina.
«La deuda»
-
- Autora: Esperanza Medina
- ISBN: 978-84-18286-01-8
- Edición: Primera
- Páginas: 80
- Fecha de publicación: 01/09/2020
- Tamaño: 14 x 21 cm
- Idioma: Asturianu
- PVP: 12 €
Fonte:@edicionesTrabe
Ficha editorial. Mercar…
Alianza Celta
La Lliga Celta d’Asturies en xuntanza con otres organizaciones, entidaes y persones d’otres naciones celtes del noroeste entamamos un proyeutu de diálogu so la creación d’una plataforma de naciones celtes a la que-y punximos el nome d’Alianza Celta; y un de los pasos que ya ficimos ye diseñar una bandera de les naciones celtes. Naciones celtes.
Obra: «El viaxe de Covaletti»
La Estaya de la Llingua d’Avilés ufre esta obra del ciclu «La Reciella de la Factoría 2020», obra ganadora del IV Premiu y Festival Nel Amaro de Teatru Profesional en Llingua Asturiana o Gallego-asturiano.
«El viaxe de Covaletti« – Higiénico Papel Teatro
Rede de Normalización Llingüística
La Conseyería de Cultura, Política Llingüística y Turismu va a reforciar a lo llargo del 2021 la puesta en marcha de Rede de Normalización Llingüística, dotándola de recursos p’actividaes educatives y culturales.
Asina lo anunció l’Executivu al traviés d’una nota de prensa sobre’l proyectu de presupuestos autonómicos, onde destacaron que contempla delles partíes pa los servicios de normalización llingüística.
Nesi sentíu, indicaron qu’estos servicios van tar apoyaos al dotase, amás de coles partíes tradicionales dedicaes a contratación de personal, con recursos p’actividaes en materia d’educación y cultura «que, coles mesmes, refuercien la puesta en marcha de la Rede de Normalización Llingüística, na que trabaya’l Gobiernu».
«Casóse Maruxa»
Rodrigo Joglar déxanos otru videu d’una adaptación pa gaita d’ún d’esos cantares que nos marcaron la infancia a bien de neños asturianos, por «culpa» del gran Nacho Fonseca: «Casóse Maruxa».
10 d´avientu: Día Internacional de los Derechos Humanos
El 10 d’avientu celebra tolos años el Día de los Derechos Humanos, coincidiendo col aniversariu de la Declaración Universal de Derechos Humanos, que s’aprobó en 1948. Foi dos años dempués de l’aprobación, en 1950, cuando l’Asamblea Xeneral proclamó’l 10 d’avientu como’l Día de los Derechos Humanos.
Los derechos humanos, son derechos inalienables y que pertenecen a tolos seres humanos, ensin importar la so raza, sexu, nacionalidá, llingua, relixón, orixe étnicu o cualesquier otra condición.
Anguaño esiste una llista de derechos humanos creada pola Organización de les Naciones Xuníes, onde se defende’l derechu a la vida, la llibertá, a la educación, al trabayu y munchos otros más, que tienen de ser respetaos ensin qu’esista discriminación dalguna.
La Declaración Universal de los Derechos Humanos
«Tolos seres humanos nacen llibres ya iguales en dignidá y derechos»
Sigue leyendo «10 d´avientu: Día Internacional de los Derechos Humanos»
Artículu de José Ángel Gayol
«Díes de poesía», José Ángel Gayol fala d’«El llar n’orde» de Gonzalo G. Barreñada (La Nueva España).
Fonte: Twitter de E. Trabe
Festavientu: Alcuentru y presentación del llibru “Xosefa de Xovellanos»
EnllazFESTAVIENTUMIERES / Lliteratura, poesía y cultura asturiana en directo dende l’Auditoriu Teodoro Cuesta
Alcuentru y presentación del llibru: Xosefa de Xovellanos. La Esbelta. La dama ilustrada de les Lletres Asturianes
ALCUENTRO CON AUTORES Y ACERCAMIENTU A XOSEFA XOVELLANOS Y LA SO OBRA
- Vicente García Oliva (autor de los textos)
- Ilemi Cuesta Mier (autora de les illustraciones)
- Laura Iglesia (actriz de la compañía Higiénico Papel)
- Ester Sánchez ya Isidro Mª Pérez (de la editorial Pintar Pintar)
Jueves 10 de diciembre, 18 h En directo desde el Auditorio Teodoro Cuesta Retransmisión por el canal de Youtube del Ayuntamiento de Mieres
Sigue leyendo «Festavientu: Alcuentru y presentación del llibru “Xosefa de Xovellanos»»
Estáu del tiempu: martes 8 d´avientu
Alborecemos con xarabatos intermitenta frecuentes ya intensos que vienen acompangáos de truena ya xarazu pela costa con unes temperatures que tan alrodiu de los 6ºC y nevando copiosamente perriba de los 700m, rexistrándose nel puirtu Payares -2,7ºC onde se fae obligariu l’usu de cadenes o neumáticos d’iviernu y ta prohibida la circulación al tráficu pesáu.
Güei volveremos a tener un día ivernal, con xarabatos frecuentes, con truena ya xarazu nel llitoral y nevaes copioses pela cordelera con una cota de nieve que tará ente los 700-800m pero con dellos desplomes pola intensidá de la precipitación, nos valles del interior perriba de los 500-600m n’estes primeres hores. L’aire calambrión soplará con fuercia en zones altes ya en puntos del llitorla pero amenorgando a lu llargu del día.
El cambéu climáticu n’Asturies
Flora y fauna tradicionales van camín del desaniciu pa ser sustituyíes por otres especies
- Noticia La Voz d´Asturies
- Autor:
Esti cambéu ye un fechu global nel que’l nuesu país ta inxertáu. D’un clima atlánticu pasaremos a otru mediterráneu pola xuba les temperatures. Flora y fauna tradicionales van camín del desaniciu pa ser sustituyíes por otres suriegues. Impónse camudar de cultura per aciu la educación. Porque l’aumentu d’un grau nel planeta dábase n’escales xeolóxiques y agora yá asocede en décades pol efeutu antrópicu.
Póster del Camín de Santiago
La natural disposición n’abanicu de los caminos inspiró la representación de la península ibérica como una concha, símbolu por excelencia de los pelegrinos. Nella represéntense linealmente y n’escala los numberosos caminos y les relatives etapes, calteniendo la so coherencia xeográfica.
Na concha reprodúcense 11 caminos principales y 41 caminos secundarios. En caúnu indica la distancia y en dellos casos los kilómetros que falten para llegar a Santiago: non toles rutes lleguen a Santiago sinón que dalgunes conflúin n’otres.
Calca
Semeya prestosa de dos pingüinos abrazaos
Esta conmovedora fotografía ganó un premiu nos Ocean Photography Awards 2020 de la revista Oceanographic, foi tomada por Tobias Baumgaertner.
Nella amuésanos a dos pingüinos acurrucaos xuntos mientres contemplen l’horizonte y l’océanu estendíu a la fin del muelle de St Kilda nos suburbios de Melbourne, Australia.
Canciu en Sanabrés
DescargaNobel d’Educación: el profesor indiu que llibró a les neñes del matrimoniu
/ 
Un profesor indiu, Ranjitsinh Disale, gana’l «Nobel de la Educación». Va Compartir «la metá del dineru colos otros candidatos y, col restu, va llanzar un exércitu de paz«. La so escuela, Escuela primaria Zilla Parishad, India, oxetivu terrorista.
El Global Teacher Prize ye un premiu qu’otorga añalmente la Varkey Foundation y toos consideren el «Nobel de la Educación». El premiu dotáu con un millón de dólares quier reconocer el llabor de los docentes, la so importancia a la de camudar la sociedá. Por eso, utilicen la etiqueta global #TeachersMatter (Los Profesores Importen).
Sigue leyendo «Nobel d’Educación: el profesor indiu que llibró a les neñes del matrimoniu»
4 d´Avientu: Santa Bárbara
- 4 Diciembre: Santa Bárbara (patrona de los mineros) Pequeña historia…
Los profesores tenemos d’enseñar pensamientu critico, comunicación, collaboración y creatividá
- «La tecnología permitirá hackear a seres humanos»
- «Superaremos la pandemia pero corremos el riesgo de despertar a un mundo diferente»
-
«El covid puede originar el peor sistema totalitario que haya existido»
«Una de les poques lleis rigoroses de l´hestoria ye que los luxos tienden a convertise en necesidaes y a xenerar nueves obligaciones»
Nuevu sistema educativu en Xapón
Ye tan revolucionariu que forma a los neños como «Ciudadanos del mundu», non como xaponeses. Ta probándose en Xapón un revolucionariu plan piloto llamáu «Cambéu Valiente» (Futoji non henko), basáu nos programes educativos Erasmus, Grundtvig, Monnet, Ashoka y Comenius. Ye un cambéu conceptual. Van entender y van aceptar distintes cultures y los sos horizontes van ser globales, non nacionales. Ver videu.
El programa de 12 años, ta basáu nos conceutos:
– Cero materies de rellenu.
– Cero xeres.
– Y Solo tien 5 materies, que son:
1. Aritmética de Negocios. Les operaciones básiques y usu de calculadores financieres.
2. Llectura. Empiecen lleendo una fueya diaria del llibru que cada neñu escueya y terminen lleendo un llibru per selmana.
3. Civismu. Entendiendo ésti, como’l respetu total a les lleis, el valor civil, la ética, el respetu a les normes de convivencia, la tolerancia, l’altruísmu y el respetu a la ecoloxía y mediu ambiente.
4. Computación.Office, internet, redes sociales y negocios on-line.
5. Idiomes. 4 ó 5 Alfabetos, Cultures, Relixones, ente xaponesa, llatina, inglesa, alemana, china, árabe; con visites socializadores d’intercambiu a families de cada país mientres el branu.
Interesante artículu de Walter Rocabado
La gran conxunción de Xúpiter y Saturno en Navidá, nunca vista dende la Edá Media
Dempués de qu’esto asoceda, Xúpiter y Satuno nun van faer tal apaición hasta dalgún tiempu dempués del añu 2400
Tres la puesta del sol el 21 d’avientu, Xúpiter y Saturno van apaecer más xuntos nel cielu nocherniegu de lo que lo tuvieron dende la Edá Media, aparentando ser un planeta doble. Xúpiter y Saturno tuviéronse averando nel cielu de la Tierra dende’l branu. Del 16 al 25 d’avientu, los dos van tar dixebraos por menos del diámetru d’una lluna llena.
«Na nueche de mayor aproximamientu, el 21 d’avientu, van vese como un planeta doble, dixebraos solo per una quinta parte del diámetru de la lluna llena», dixo Hartigan, profesor de física y astronomía. «Para la mayoría de telescopios, cada planeta y delles de les sos llunes más grandes van ser visibles nel mesmu campu de visión esa nueche».
Sigue leyendo «La gran conxunción de Xúpiter y Saturno en Navidá, nunca vista dende la Edá Media»
Resume d´artículos
«Poner la oreya, sentir a la xente, ye lo más importante pa un escritor»
«Poner la oreya, sentir a la xente, ye lo más importante pa un escritor»
- Ver artículu El Comercio
- Entrevista de P. A. MARÍN ESTRADA
El narrador polesu y maestru de primaria ta acabante algamar l’últimu Premiu Xosefa Xovellanos cola so novela ‘El fervinchu’
Sidoro Villa (La Pola Siero, 1962), escritor y collaborador d’EL COMERCIO, ta acabante ganar el Premiu Xosefa Xovellanos cola so obra ‘El Fervinchu’. Maestru de primaria, ye autor de les noveles ‘A estaya’ (2016) y ‘Tres beyuscos’ (2019), entrambes publicaes cola editorial Impronta.
–¿Qué supón pa vusté esti premiu?
–Una gran alegría. El mundu de la lliteratura n’asturianu ye un mundu tapecíu, nun hai abondos llectores, nin rescampla muncho poles circunstancies nes que s’atopa la llingua. Entós, pa los qu’escribimos, recibir un premiu ye dalgo que t’enfota a siguir nello y si arriendes ye tan prestixosu como’l Xosefa, más tovía.
–Fáleme de ‘El fervinchu’.
–Ye la historia d’una familia asturiana rural clásica. Desarróllase a lo postrero del sieglu pasáu y los protagonistes son una xente un poco bederre, conflictiva ente ellos, con problemátiques antigües, onde xira too alrodiu de la matriarca del clan. Cuéntense eses relaciones dures y difíciles, que tienen toos pol so carácter, a lo llargo d’unos pocos meses. Van asocediéndose los contactos ente unos y otros, la cosa va in crescendo col mal rollu y la posibilidá de que too acabe de mala manera. Ye lo que puedo cuntar.
–Les anteriores noveles tamién se desenvolvíen nel mundu rural ¿ye’l que-y interesa retratar?
–Tola vida me gustó esi mundu. Tengo 58 años y la época que creces y te faes paisanu a mi concidióme cola de tou esi mundu que ya diba munchu tiempu escayendo: ente los 60 y los 90, cuando se desencadena’l final de tou eso. Eses tipoloxíes de xente y el conocimientu que tengo d’ello ye bastante fondu y nes mios noveles espeyo lo que más conozo, ye lo que m’interesa contar. Agora mesmo hai un enfotu en xente que fai novela, –sobre too mozo– en falar del mundu modernu incluso futuru, con asuntos fantásticos, de terror, ciencia ficción, dalgo que me parez estupendo. Al final nun creo qu’importe l’asuntu o el tipu de xéneru. Pa que sea calidable lo que tien d’haber ye una construcción de los personaxes fonda y que sean humanamente creyibles.
–Nel so casu l’empléu d’un asturianu mui averáu a la oralidá contribúi arriendes a esa verosimilitú de los personaxes.
–Una llingua asturiana natural y lo más pura ye lo que pretendo. Los de la mio xeneración xugamos con ventaya porque conocímosla meyor, falamos nella, sentimos a los paisanos que ya van morriendo. Los que nacimos nos sesenta tovía mamemos munchisimo esi asturianu auténticu nel que creo que tenemos d’escribir. Poner la oreya, sentir a la xente, ye la xera más importante pa un escritor a la hora d’espeyalo nuna novela.
–¿Percibe esa falta de contactu directu cola fala na obra de los autores más mozos?
–Va poco hubo nes redes sociales un alderique a cuentu de si había que lleer a los nuestros clásicos. Yo creo qu’independientemente de la so calidá lliteraria hai que metese per ellos porque ehí ta la llingua como ye. Conocela parezme fundamental pa nun cayer en xiros castellanizantes, pocos creyibles, como a veces-yos pasa a xente nuevo por esi desconocimientu, del qu’en fondo tampoco tienen culpa. Por eso falaba de ventaya de los del mio tiempu que sentimos l’asturianu enantes de qu’escomenzare perdese.
–Vusté lleva abondo dedicáu a la docencia. Figúrome que foi testigu d’esa perda de la fala nes sucesives promociones d’escolinos.
–Nunca di asturianu, pero siempre di clase n’asturianu. La perda ye lo que más m’atristaya. Llevo 31 años trabayando y venti d’ellos paselos nun CRA en L.lena, ellí namoreme de la llingua, los nenos tovía nos noventa teníen una riqueza brutal que foi perdiéndose. Llevo ocho años en Lieres y nesti tiempu foi desaxeráu’l cambiu: los rapacinos usen dalgún ye, dalguna palabra oyía a los güelos, namás. Hasta empleen el pretéritu perfectu, que parecía lo último, y son de Lieres, nun falo de la cai Uría.
–Como escritor, ¿siéntese un francotirador?
–Nun te digo que non, pero tampoco nun pienso nello nin voi per ahí. Fago lo que me petez en cada momentu y ye lo que me sal pero non por querer marcar una distancia o un camín determináu.
Novedá: «Astérix na tierra los Britanos»
‘Astérix na tierra los britanos’ yá ta a la venta
Nesta ocasión Astérix viaxa hasta Britania en compaña del so Obélix insepartable pa echar un gabitu al so primu britanu, Bontórax, pa defender la so aldea del invasor romanu.
El númberu 8 de la serie ye’l segundu títulu del personaxe galu que se torna al asturianu esti añu tres ‘El combate de los xefes’.
La traducción nueva de ‘Astérix chez les Bretons’, obra de María Xosé Rodríguez López con correición de Xesús González Rato, al igual que les 12 anteriores entamaes por Bruño-Salvat, yá ta a la venta en toles llibreríes del país como ‘Astérix na tierra los britanos’. Alborá Llibros yá asoleyara esti cómic nel 1992 como ‘Astérix en Britania’, con torna de Xosé Antón González Riaño.
Escrita nel 1966 por René Goscinny y el dibuxante Albert Urdezo, narra l’aventura qu’Astérix y Obélix vive en Britania n’ayuda d’un primu-hermanu del protagonista. La so población ye la última que resiste la invasión de los romanos y los guerreros britanos necesiten del fervinchu máxicu de los galos.
Pinín, el Tintín asturianu que percorrió’l mundu n’una madreña voladora
Cúmplense 110 años de la nacencia d’Alfonso Iglesias, ceador de Pinín, unu de los personaxes más importantes de la cultura asturiana contemporanea. Ye un guah.e espigáu y roxu que percuerre’l mundu viviendo múltiples aventures con boína y madreñes. Llámase Pinín y ye unu de los personaxes de ficción más importantes de la cultura asturiana, anque los neños d’agora yá nun llean les sos hestories. La so figura, como la de los sos tíos Pinón y Telva, ta representada en murales, figures ya inclusive n’una escultura qu’encarna’l so vehículu habitual, el madreñogiro, instalada nel aeropuertu d’Asturies. El so ceador foi Alfonso Iglesias, quien anguaño celebraría’l so 110 cumpleaños. Si nun finara en 1988, la so fiesta de cumpleaños sería multitudinaria.
Sigue leyendo «Pinín, el Tintín asturianu que percorrió’l mundu n’una madreña voladora»
«La Lleenda l´Ablanera»
L’escritor e ilustrador, Enrique Carballeira, espublizó la pasada Navidá ‘La Lleenda de L’Ablanera‘ una hestoria navidiega que va llegar a la sociedá asturiana en forma de llibru electrónicu y una hestoria audiovisual animada. La narración podrá descargase y visionase llibremente, como felicitación para les fiestes.
41 Selmana de les Lletres
La 41 Selmana de les Lletres va abrise’l día 28 col homenaxe a la escritora María Teresa Villaverde, Tuxa, y un conciertu de la OSPA baxo la dirección d’Óliver Díaz. La programación va incluyir un documental sobre la vida y obra de Tuxa.
La Conseyería de Cultura, Política Llingüística y Turismu publicó’l programa de la Selmana de les Lletres Asturianes, l’eventu más importante alredor de la lliteratura n’asturianu y gallego-asturianu que se convoca n’Asturies. La cita, programada pal mes de mayu pasáu, aplazóse pola crisis provocada pola covid-19 y va celebrase la selmana del llunes 28 de setiembre al vienes 2 d’ochobre.
Na so 41 edición, la Selmana de les Lletres recupera la figura de la escritora María Teresa Villaverde, Tuxa (1882-1934), a quien homenaxa cola edición del llibru ‘Postrer adiós. Prosa, poesía y teatru’, y el documental ‘Tuxa, tradición y sentimientu’.
Tuxa foi una escritora del Rexonalismu de la primer metá del sieglu XX qu’escribió poesía y narrativa, y firmó obres de teatru.
Al Día del Llibru Asturianu, que se celebra’l vienres 2 d’ochobre, van sumase anguaño 47 llibreríes de toa Asturies, que van sacar los sos puestos a la cai y aplicar un 10 % de descuentu na compra de llibros y discos n’asturianu, amás de regalar un exemplar del mentáu Postrer adiós. Prosa, poesía y teatru, hasta fin d’existencies.
Toles banderes d’asturies
¿Cuántes banderes tuvo Asturies? ¿Cuántes tien? Habrá quien diga qu’una namás. Otros dirán que namás tien una oficial y tien otres oficioses… Lo cierto ye que nenguna de les dos coses son ciertes. Asturies tien delles banderes oficiales (o, en tou casu, delles variantes d’una mesma bandera) y una bona riestra de banderes populares. Nesti artículu vamos facer un repasu de toes elles.
Les banderes oficiales: La bandera oficial “pura”:
La bandera oficial d’Asturies ye azul cola cruz de la victoria enriba. Esta cruz ha tar centrada y llevar embaxo una alfa y una omega. L’Alfa ye mayúscula y la omega minúscula. Primero de 1990 (añu nel que s’aprobó la llei de bandera), había munches versiones cola omega mayúscula, pos Xovellanos, el creador de la bandera, nunca especificó si éstes habíen ser mayúscules o minúscules. Hai que recordar que l’alfa y la omega nun tán presentes na cruz de la victoria, pero sí en bien d’eidificios públicos de Reinu d’Asturies como la fonte de Foncalada, n’Uviéu.
El Tiempu n´Asturies
SÁBADU 29 D’AGOSTU DEL 2020, ESTÁU DEL TIEMPU Y PREDICIÓN.
Fonte: El Tiempu n´Asturies
Fonte: El Tiempu n´Asturies
Bonos díes, bona xente.
Alborecemos col cielu cubiertu y dellos xarabatos intermitentes, con unes temperatures más propies de la seronda, alrodiu los 15ºC pela costa, de los 12ºC nel interior y los 5ºC pelos puirtos.
Güei l’aire del norte, ta emburriándonos una masa d’aire mui fría ya inestable, procedente de llatitues septentrionales que fadrá baxar bultablemente les temperatures y al pasu pel Cantábricu va dir cargándose d’humedá, topándose cola cordelera, pa dexanos xarabatos frecuentes ya intensos nes zones favoretibles que puen venir acompangáos de tronios a partir del mediudía. El descensu de les temperatures provocará que surda la nieve nes cumes más altes de Picos d’Europa y les Ubiñes, sobre too na prósima nueche.
Durante’l riscar del domingu seguirán les precipitaciones, anque con tendencia a dir remitiendo en frecuencia ya intensidá, y ya pol día dirá meyorando d’oeste a este, calteniéndose cierta inestabilidá nel oriente asturianu. Les temperatures másimes medrarán llixeramente y l’ambiente seguirá siendo serondín, a pesar de los rayinos de sol que van colase pelos claros, caleciéndonos seliquinamente.
Vuelta a escuela 2020
Día Internacional de los Museos (Asturias)
N´Asturies cellebramos el Día Internacional de los Museos con delles actividaes culturales.
.jpg)
Siguimos celebrando virtualmente el Día de los Museos. Güei, de la mano de Laura Piñuela, xeóloga del equipu científicu del MUJA, que nos esplica la clasificación de los dinosaurios y los principales grupos d’estos reptiles terrestres presentes nel Xurásicu d’Asturies.
- 16 de mayu: Cuentacuentos “Laura Icnita y los dinosaurios”
Escontra’l Raigañu canta “La Marianina”
Asociación Escontra´l Raigañu.
Escuchar: “La Marianina”
Mensaxe:Nesti momentu que tamos a puntu de pasar a la Fase 1 del confinamientu, dende la Asociación cultural Escontra’l Raigañu col nuesu “mayestru y collaciu” David Varela Blanco, queríemos compartir esta piecina que quier ser una amuesa del esfuerzu común que ye necesariu pa que les coses puéan salir bien….