Categoría: TIEMPU

• Alborecemos col cielu nuboso ya con unes temperatures que tan alrodiu de los 15ºC, amás sopla l’aire ábrigu con raches fuertes en zones del llitoral y cordelera, rexistrándose nel puirtu Payares 3,5ºC.

• Güei vamos tener el cielu nuboso pero sin precipitaciones, sicasí na fastera más surocidental d’Asturies y cordelera puen tener dalguna gotera pero lo más destacáu va ser la subida de les temperatures y ye que l’aire ábrigu, al pasu pela cordelera, va dexanos l’efeutu foehn faciendo que suban les temperatures nos valles y llitoral con másimes qu’algamarán los 20ºC nestes zones.

Sigue leyendo «Estáu del tiempu: vienres 24 de xineru 2025» →

• AP-66 asturiana. NIVEL VERDE dende les 18:15h.
• N-630 Puertu de Payares aguada asturiana. Pasa a Nivel COLORÁU a les 20:17

• Alborecemos col cielu poco nuboso o escampláu, sicasí yá tan entrando delles nubes per l’ocidente con unes temperatures que tan alrodiu de los 0ºC, rexistrándose nel puirtu Payares -2,1ºC.

• Güei se va colar un frente seliquinamente, sin malpenes vientu, removiendo mui poco l’atmósfera faciendo que se caltenga l’aire fríu más pesáu que quedo atrapáu estos díes no fonderu los valles colo qu’al atapecer, según se valla deslizando, va dir dexando precipitaciones de nieve, sobre too al sur de la cordelera, dende Llión hasta la divisoria con Asturies yá que vien con vientu sur como decimos mui seliquinamente. Nel restu tendremos precipitaciones al soo pasu, alrodiu de les ocho la nueche con una cota de nieve al sur de la divisoria ente los 800-900m, rondando al norte los 1300m. La xente que tenga que tornar si pue qu’adelante’l viaxe porque pue complicase abondu’l pasu pela cordelera.

Sigue leyendo «Estáu del tiempu: domingu 19 de xineru 2025» →

• Alborecemos col cielu escampláu ya con unes temperatures que tan alrodiu de los 2ºC dientru de les zones más urbanes y xelando nel restu, rexistrándose nel puirtu Payares -0,8ºC.

• Güei vamos tener un día per guapu col cielu escampláu per completu, mui soleyeru con muncha lluz , sicasí les temperatures sedrán fríes con másimes que malpenes pasarán de los 11-12ºC a primera hora de la tarde, volviendo a baxar al escurecer y xelando de nuevu antes de finar el día. L’aie sedrá sele ya variable.

Sigue leyendo «Estáu del tiempu: sábadu 18 de xineru 2025» →

• Alborecemos col cielu escampláu ya con nublines no fonderu los valles con unes temperatures que tan alrodiu de los 2ºC, rexistrándose nel puirtu Payares -1,3ºC

• Güei vamos tener el cielu escampláu una vegada que se dixebren les nublines del alborecer con unes temperatures que van camudar poco, sicasí nel llitoral l’aire nordés amenorgará y fadrá que la sensación térmica nun seya tan desagradable.

Sigue leyendo «Estáu del tiempu: vienres 17 de xineru 2025» →

• Alborecemos col cielu escampláu ya con unes temperatures que tan alrodiu del 1ºC, rexistrándose nel puirtu Payares 2,1ºC.

• Güei como novedá va dir surdiendo l’aire nordés pel llitoral a patir del mediudía, pudiendo ser dalgo cafiante pela tarde ya empobinanos dalgo de nubosidá de retención nos cordales costeros, nel restu seguiremos con escasa nubosidá y unes temperatures que camudarán poco o tenderán a subir llixeramente, tando l’ambiente muncho más afayaizu nes zones altes y soleyeres que’n lu fonderu los valles onde seguiremos con iversiones térmiques.

Sigue leyendo «Estáu del tiempu: xueves 16 de xineru 2025» →

• Alborecemos col cielu poco nuboso o escampláu, sicasí na fastera ocidental tenemos dalgo de nubosidá alta con unes temperatures que tan alrodiu de los 0ºC, rexistrándose nel puirtu Payares 2,2ºC.

• Güei vamos tener escasa nubosidá que mos dexará un día mui soleyeru, sobre too nes zones altes, onde la llume del sol fadrá que suban abondu les temperatures a partir del mediudía, mentantu no fonderu los valles, el escasu movimientu atmosféricu por mor del anticiclón va dexar atrapáu l’aire fríu más pesáu con unes temperatures másimes muncho más contenies que malpenes sobrepasarán los 10ºC a primera hora de la tarde faciendo que tengamos iversiones térmiques importantes.

Sigue leyendo «Estáu del tiempu: miércoles 15 de xineru 2025» →

• Alborecemos col cielu poco nuboso o escampláu anque no fonderu los valles tendemos delles nublines con unes temperatures que tan alrodiu de los 3ºC, rexistrándose nel puirtu Payares 1,1ºC

• Güei vamos tener escasa nubosidá, sicasí pue surdir dalguna nube alta de poco importancia con unes temperatures en descensu que mos dexará másimes que malpenes algamarán los 11-12ºC ya col aire que sedrá sele ya variable.

Sigue leyendo «Estáu del tiempu: llunes 13 de xineru 2025» →

• Alborecemos col cielu poco nuboso en xeneral, sicasí ta empuercáu de nubosidá alta sobre too na fastera ocidental con unes temperatures condicionaes pol vientu, ellí onde ta soplando con fuercia ronden los 15ºC y onde temos abellugaos d’él tamos alrodiu de los 6-8ºC, rexistrándose nel puirtu Payares 4,2ºC.

• Güei va dir n’aumentu la nubosidá media-alta hasta dexanos el día nuble, yá a última hora, al finar el día entamará a llover d’oeste a este con unes temperatures n’ascensu bultable, algamándose los 20ºC en munches zones d’Asturies por mor del vientu ábrigu que pue soplar con fuercia en zones del llitoral y de montaña.

Sigue leyendo «Estáu del tiempu: vienres 10 de xineru 2025» →

• Alborecemos col cielu nuboso ya con unes temperatures que tan alrodiu de los 7ºC, rexistrándose nel puirtu Payares -0,6ºC.

• Güei vamos tener el cielu mui nuboso cola posibilidá de dalguna precipitación feble, sobre too pela mañana con unes temperatures que van a caltenese baxes estes primeres hores pero a partir del mediudía va entamar a soplar l’aire ábrigu cafiante faciendo que suban rápidamente.

Sigue leyendo «Estáu del tiempu. martes 7 de xineru 2025» →

• Alborecemos col cielu escampláu ya con unes temperatures que tan alrodiu de los 2ºC, rexistrándose nel puirtu Payares 0ºC.

• Güei volveremos a esfrutar del sol en toa Asturies anque nun sedrá hasta primera hora de la tarde cuando calezcan les temperatures, pa dexanos un ambiente afayaizu. L’aire sedrá sele ya variable y entamaremos el nuevu añu con muncho fríu y xelando no fonderu los valles.

Sigue leyendo «Estáu del tiempu: martes 31 d’avientu» →

• Alborecemos col cielu escampláu ya con unes temperatures que tan alrodiu de los 3ºC pero xelando yá no fonderu los valles, rexistrándose nel puirtu payares 1,5ºC.

• Güei vamos tener el cielu escampláu y la llume del sol dirá caleciendo l’ambiente que sedrá afayaizu a primera hora de la tarde, dempués al atapecer volverá a enfriar en forma xelando al finar el día no fonderu los valles.

Sigue leyendo «Estáu del tiempu: llunes 30 d’avientu 2024» →

• Alborecemos ente’l borrín y la nublina na fastera central asturiana y llitoral centru-oriental, tando escampláu nel restu con unes temperatures que tan alrodiu de los 7ºC, rexistrándose nel puirtu Payares 5,4ºC.

• Güei una vegada más les nublines ya borrinos del alborecer van ser persistentes en munches zones de la metá norte d’Asturies, sicasí nes hores centrales del día puen abrise dellos claros o abancios, tando escampláu nel restu con unes temperatures condicionaes per esti fenómenu, ellí onde nun se dixebre tendremos unes másimes baxes que nun algamarán los 10ºC. L’aire seguirá siendo sele ya variable.

Sigue leyendo «Estáu del tiempu: vienres 27 d’avientu» →

• Alborecemos col cielu nuboso y precipitaciones intermitentes con unes temperatures que tan alrodiu de los 8ºC, rexistrándose nel puirtu Payares -0,9ºC onde nieva feblemente.

• Güei vamos tener el cielu mui nuboso con precipitaciones febles ya intermitentes pela mañana ya con tendecia a dir desapareciendo pela tarde con unes temperatures en descensu moderáu ya cola cota de nieve que surdirá perriba de los 1300-1400m. L’aire sele en xeneral de componente norte.

Sigue leyendo «Estáu del tiempu: llunes 23 d’avientu» →

• Alborecemos con precipitaciones abondoses na metá centru-ocidental que va dir trasladándose al restu d’Asturies con unes temperatures que tan alrodiu de los 10ºC, rexistrándose nel puirtu Payares 5,7ºC.

• Güei vamos tener precipitaciones abondoses pela mañana pa dir remitiendo durante la tarde con unes temperatures en descensu moderáu, asina como la cota de nieve qu’anicialmente surdirá perriba de los 1800m pa baxar rápidamente a los 1200-1300m. L’aire de componente noroeste va soplar con raches fuertes en zones altes de montaña ya en puntos del llitoral.

Sigue leyendo «Estáu del tiempu: xueves 19 d’avientu» →

• Alborecemos tovía con dalgo de nubosidá, anque yá ta escamplando pel oriente asturianu con unes temperatures que tan alrodiu de los 5ºC, rexistrándose nel puirtu Payares -3,3ºC.

• Güei va dir dixebrándose la nubosidá del alborecer pa quedar el cielu poco nuboso en xeneral con unes temperatures másimes que subirán dalgo a primera hora de la tarde. L’aire sedrá sele ya variable.

Sigue leyendo «Estáu del tiempu: xueves 12 d’avientu 2024» →

• Alborecemos col cielu cubiertu y lloviendo na mayor parte d’Asturies con unes temperatures que tan alrodiu de los 7ºC, rexistrándose nel puirtu Payares -1,5ºC onde sigue nevando persistentemente y se fae l’usu obligatoriu de cadenes o neumáticos d’iviernu pa los turismos y ta peslláu pa camiones ya vehículos articulaos.

• Güei vamos notar una meyoría nel tiempu cola apertura de dellos claros o abancios nes hores centrales del día, anque na cordelera seguirá nevando por mor de les nubes de retención con unes temperatures que camudarán poco o descenderán llixeramente. La cota de nieve rondará los 900m y l’arie nordés soplará seliquinamente.

Sigue leyendo «Estáu del tiempu: martes 10 d’avientu» →

• A esta hora nieva intensamente en tola cordelera, dende ocidente hasta oriente, amás ta habiendo desplomes de la cota de nieve en tolos valles y nieva en munchos d’ellos perriba de los 500m.
• La situación de les carreteres ye per complicada, prauticamente la mayoría de puertos de montaña tan intransitables y na autopista’l Güerna ta prohibida la circulación de vehículos pesaos y los turismos tienen que dir con neumáticos d’iviernu, la mesma situación que nel puirtu Payares anque aquí si se permite l’usu de cadenes y nieva copiosamente con -3,1ºC de temperatura.
• Nel restu d’Asturies tenemos xarabatos frecuentes con unes temperatures que tan alrodiu de los 6ºC.

• Güei vamos seguir con xarabatos frecuentes ya intensos durante tola mañana pa dir remitiendo a patir del mediudía n’intensidá ya frecuencia, amás la cota de nieve subirá a primera hora de la tarde hasta los 1000-1100m, pa baxar de nuevu al finar el día hasta los 800m cuando van volvese a intensificar les precipitaciones. Les temperatures camudarán poco y l’ambiente sedrá fríu ya ivernal. L’aire amenorgará dalgo y sedrá de componente norte.

Sigue leyendo «Estáu del tiempu: llunes 9 d’avientu» →

• Alborecemos con xarabatos y bastiazos intermitentes que son llocalmente fuertes ya con unes temperatures que tan alrodiu de los 7ºC, rexistrándose nel puirtu Payares -1,6ºC onde ta nevando moderadamente. A esta hora se fae usu obligatoriu de cadenes o neumáticos d’iviernu nel puertu Braña, Ventana, Somiedu, Lleitariegos, San Llorenzu, Connio, Zarréu y Tarna.

• Güei vamos tener un día totalmente ivernal con xarabatos intermitentes que sedrán más frecuentes ya intensos cuantu más averaos a la cordelera estemos, amás en zones de montaña ya en puntos del llitoral seguirá soplando con muncha fuercia l’aire de componente noroeste que mos dexará un fuerte temporal nel Cantábricu. Les temperatures en descensu y la cota de nieve rondará los 1000m.

Sigue leyendo «Estáu del tiempu: domingu 8 d’avientu» →

• Alborecemos col cielu mui nuboso y xarabatos intermitentes y con unes temperatures que tan alrodiu de los 11ºC, rexistrándose nel puirtu Payares 4,3ºC

• Güei vamos tener xarabatos intermitentes que sedrán más frecuentes, intensos ya persistentes na cordelera, sobre too na fastera oriental con una cota de nive qu’anicialmente va tar perriba de los 1900m pero con tendencia a baxar rápidamente a los 1300m. L’aire de componente noroeste va soplar con raches fuertes en puntos del llitoral y zones altes de montaña con unes temperatures en descensu moderáu. Tamién tendremos temporal na mar con foles de más de 5m.

Sigue leyendo «Estáu del tiempu: sábadu 7 d’avientu» →

• Alborecemos col cielu nuboso y temperatures altes, alrodiu de los 15ºC, rexistrándose nel puirtu Payares 8,6ºC.

• Güei va dir disminuyendo la nubosidá pa quedar el día con nubes ya claros o abancios, con unes temperatures mui suaves que van caltener un ambiente mui seliquino, amás l’aire sedrá sele ya variable.

• Mañana sábadu la llegada d’un frente fríu va marcar la diferenciea ente les estaciones de la seronda y l’iviernu. Anque la masa d’aire que lu acompanga nun ye mui fría va empobinanos, dende l’alborecer, precipitaciones de calter moderáu ya un descensu de les temperatures que fadrá que surda la nieve perriba de los 1300m.

Sigue leyendo «Estáu del tiempu: vienres 6 d’avientu» →

• Alborecemos con intervalos de nubes medies y altes ya con unes temperatures que tan alrodiu de los 11ºC, rexistrándose nel puirtu Payares 5,9ºC.

• Güei vamos tener el cielu empuercáu de nubes medies y altes con unes temperatures másimes en nidiu ascensu ya col aire que sedrá sele ya variable pero arreciando a vientu gallegu pela nueche en puntos del llitoral y zones altes.

Sigue leyendo «Estáu del tiempu: xueves 5 d’avientu» →

• Alborecemos col cielu nuboso y delles nublines no fonderu los valles con unes temperatures que tan alrodiu de los 11ºC, rexistrándose nel puirtu Payares 4,5ºC.

• Güei van dir dixebrándose les nubes baxes a lu llargu la mañana pa dexanos nel cielu nubes ya claros o abancios nes hores centrales del día con unes temperatures que suben dalgo ya col aire que sedrá sele ya variable.

Sigue leyendo «Estáu del tiempu: miércoles 4 d’avientu» →

• Alborecemos con nubosidá media-alta ya con temperatures suaves que tan alrodiu de los 14ºC, dalgo menos en sitios d’iversión, rexistrándose nel puirtu Payares 7,4ºC.

• Güei vamos tener de nuevu nubosidá media-alta entemecida ente dellos claros o abancios anque estos sedrán los menos. Les temperatures van caltenese suaves hasta’l atapecer cuando aumentará la nubosidá de la manu d’un frente atlánticu que mos apurrirá precipitaciones al finar el día, antes pue cayer dalguna gotera dispersa ya ocasional. L’aire ábrigu va soplar con raches moderaes en zones altes de montaña pa dir amenorgando y rolando a gallegu pela tarde.

Sigue leyendo «Estáu del tiempu: domingu 1 d’avientu» →

• Alborecemos con nubosidá media-alta y con unes temperatures que tan alrodiu de los 12ºC, dalgo menos nes zones d’iversión térmica, rexistrándose nel puirtu Payares 6,7ºC.

• Güei vamos tener nubes medies y altes que sedrán más abondoses na metá ocidental d’Asturies y cara sur de la cordelera, onde nun se descarta dalguna gotera ocasional ya dispersa con unes temperatures altes, condicionaes pol vientu ábrigu que va soplar con raches moderaes en zones altes y espuestes.

Sigue leyendo «Estáu del tiempu: sábadu 30 de payares» →

• Alborecemos con nubosidá media-alta ya con unes temperatures que tan alrodiu de los 15ºC, dalgo menos nes zones d’iversión, rexistrándose nel puirtu Payares 6,5ºC onde sopla con fuercia l’aire ábrigu.

• Güei vamos tener el cielu empuercá de nubes medies y altes con unes temperatures que van caltenese altes, algamándose de nuevu los 20ºC en amplies zones d’Asturies, amás l’aire ábrigu amenorgará nes zones de montaña, pa volver a coyer puxu’l prósimu riscar.

Sigue leyendo «Estáu del tiempu: vienres 29 de payares» →

• Alborecemos con dalgo de nubosidá na metá centru-ocidental d’Asturies, tando más escampláu na fastera oriental con unes temperatures que tan alrodiu de los 8ºC, dalgo más nel llitoral ocidental por mor de les nubes ya rexistrándose nel puirtu Payares 4,6ºC.

• Güei tendremos intervalos nubosos entemecios ente dellos claros o abancios que van dir ganando terrén a partir de la tarde, quedando poco nuboso o escampláu al atapecer con unes temperatures másimes n’ascensu ya col aire que sedrá sele ya variable.

Sigue leyendo «Estáu del tiempu: miércoles 27 de payares» →