Categoría: TIEMPU
Tiempu n’Asturies (El Comercio)
Esti sábadu esperamos una mañana soleyera en tol Principáu d’Asturies.
A partir del mediudía, vamos empezar a reparar la entrada de nubosidad que va llegar dende’l sur polo que la previsión meteorolóxica de cara a la tarde va ser bien distinta. Estes nubes van poder dexar bastios d’orixe tormentosu que van ser irregularmente partíos ya intermitentes. L’Axencia Estatal de Meteoroloxía va activar a partir del mediudía en tolos sectores de la rexón l‘avisu mariellu por posibilidá de fuertes agües (hasta 15 llitros per metro cuadráu nuna hora) y la presencia de xarazo.
Tiempu n’Asturies (El Comercio)
Esperamos una xornada inestable anque tamién va haber momentos para ver el sol. La cercana umbada alcontrada al oeste de la mariña peninsular xenera inestabilidá meteorolóxica n’Asturies. Tou apunta a que se preven bastios d’orixe tormentosu antes del mediudía de forma local e irregularmente partíos.
Ello ye que l’Axencia Estatal de Meteoroloxía va activar l’avisu mariellu a partir del mediudía por posibilidá de rexistrar hasta 15 llitros per metro cuadráu n’una hora en cualquier puntu de la rexón. Amás, esti avisu tamién destaca la presencia d’aparatu eléctricu.
Tocantes a los vientos, van soplar de componente sur moderaos nel interior, con posibilidá de dalguna racha fuerte en zones altes del cordal, ente que na mariña van predominar de componente este.
Les temperatures, tres el descensu del xueves, van recuperase llixeramente salvu na mariña occidental y na oriental onde van xubir de forma daqué más significativa.
Pa la fin de selmana tamién esperamos inestabilidá con bastios que van ser más frecuentes mientres la segunda parte d’acaldía.
El tiempu n’Asturies (El Comercio)
Esperamos una mañana soleyera n’Asturies y presencia de mayor nubosidad de cara a la tarde. Van ser nubes d’evolución que van empezar nel cordal y van estendese a otres zones de la rexón. Esta nubosidá podría dexar dalgún bastiu esvalixáu especialmente nel sur. Comoquier, dellos modelos apunten a la posibilidá de qu’estos bastios puedan afectar en mayor midida al sector oriental.
Los vientos van predominar de sur nel cordal con raches moderaes. Na mariña van afitar de componente este a partir del mediudía.
Les temperatures, tres el pasu del frente fríu na tarde-nueche del miércoles, van baxar de forma xeneralizada tanto nel casu de les máximes como nel de les mínimes. Amás, el descensu va ser significativu cuidao que se preven máximes hasta 4 o 5 ºC menos que’l miércoles en prácticamente toa Asturies.
El vienres va presentase xuna xornada inestable con probables bastios que, nesti casu, podríen aportar a localmente fuertes y acompañaos de nube. Los vientos van soplar de sur con mayor intensidá y les temperatures, eso sí, van xubir.
Tiempu n’Asturies (El Comercio)
L’Aemet activa l’avisu mariellu a partir de les 16 hores d’esti miércoles en tola franxa sur del Principáu por riesgu de precipitaciones y nubes. /tiempo en Asturias
Vamos concluyir el mes con una xornada estable de primeres anque, na recta final del día, van llegar bastios pol suroeste que se van estender a otres zones d’Asturies. Con éses vamos amanecer con cielos pocu nublos o inclusive estenos. A lo llargo de la mañana van poder apaecer intervalos de nubes altes ensin importancia. Mientres la tarde yá van empezar a reparase nubes de tipu medio y, finalmente, el cielu va tar dafechu cubiertu.
El tiempu n’Asturies (El Comercio)
Esperamos unes condiciones meteorolóxiques estables en tol Principáu d’Asturies. Los cielos van tar asoleyaos con, a lo sumo, la presencia de cobardes intervalos de nubes altes ensin importancia. Los vientos van predominar de componente sur con posibles raches moderaes especialmente nel cordal. Les temperatures van xubir tantu nel casu de les máximes como nel de les mínimes. Les máximes van xubir notablemente nel centru d’Asturies, moderadamente nel restu de la metá norte, y de forma débil nel cordal y otres zones del sur asturianu. Podrán rexistrase 30 ºC nes localidaes más templaes de la rexón. Les mínimes van xubir llixeramente de forma xeneralizada con dellos ascensos locales daqué más significativos (hasta 3 ºC más) nel centru y tamién nel cordal.
Tiempu n’Asturies (El Comercio)
La presencia mientres estos díes d’una umbada nel océanu Atlánticu va traer el predominiu de vientos de sur que va facilitar un ascensu de les temperatures xeneralizáu. Concretamente, el llunes vamos esfrutar d’un día soleyeru en tola rexón anque, a partir del mediudía, nun se refuga la presencia d’intervalos de nubes altes insignificantes.
Los vientos, como se mentó enantes, van soplar de sur moderaos salvu na mariña onde van predominar de componente este. Les temperatures máximes van xubir hasta 6 o 7 ºC respectu al domingu en tol Principáu. Les mínimes tamién van xubir anque de forma más moderada.
Trés atapeceres si quies esfrutar d’Asturies
🌅Col bon tiempu que vien per delantre, estos tres sitios son mui prestosos pa ver como atapez n’Asturies:
Sigue leyendo «Trés atapeceres si quies esfrutar d’Asturies»
El tiempu n’Asturies (El Comercio)
Esperamos bien bon tiempu en tol Principáu d’Asturies. La probabilidá de precipitaciones va ser totalmente nula cuidao que nun va llover en nengún rincón de la rexón en toa’l día. Los cielos van tar estenos salvu, sía que non, delles nubes de tipu baxu que podríen apaecer pela tarde nel oriente asturianu.
Nivel Mariellu por agües n’Uviéu
Según el parte de l’Axencia Estatal de Meteoroloxía, establezse’l Nivel Mariellu por agües. Precipitación acumulada n’una hora: 15 *mm, que se preve a partir de les 12h. hasta les 20h., aprosimao. Puede venir acompañada de nubes d’intensidá cimera de forma puntual..#seguridadciudadanaOVD
El tiempu n’Asturies (El Comercio)
Les noticies del xueves 24 de abril de 2025 n’asturianu #TPANoticies
El tiempu n’Asturies El Comercio)
Vamos amanecer con cielos nublos na mariña y, posiblemente, na zona central del Principáu. Nel restu, el día yá va empezar soleyeru. A lo llargo de la mañana, sobremanera a partir del mediudía, la nubosidá va dir sumiendo para dar pasu a una xornada con cielos pocu nublos en prácticamente tola rexón. Los vientos van ser fluexos y variables, anque pela tarde van afitase de nordeste-esti na mariña con intensidá moderada. Les raches más fuertes van rexistrase, a priori, na mariña occidental, anque na oriental van ser igualmente significatives. Les temperatures máximes van xubir tantu nel cordal como nel terciu oeste asturianu. Nel restu van caltenese ensin grandes cambeos respecto al miércoles. Les mínimes, pela so parte, van xubir nel interior central y nun van variar nel restu.
El tiempu n’Asturies (El Comercio)
Vamos amanecer con cielos estenos en tol Principáu. A lo llargo de la mañana van apaecer nubes de tipu baxu na mariña y, a partir del mediudía, dirán estendiéndose escontra l’interior hasta llegar a cubrir prácticamente tola rexón a la fin de la tarde salvo nel cordal y zones próximes. Los vientos van ser fluexos y van acabase afitando de noroeste mientres el día. Les temperatures máximes van xubir de forma xeneralizada, pero dichu ascensu va ser más significativu escontra’l sur d’Asturies. Tocantes a les mínimes, van baxar nel cordal central y nel suroccidente, van xubir na mariña oeste y van caltenese ensin cambeos nel restu.
El tiempu n’Asturies (El Comercio)
Esperamos cielos nublos pela mañana que van poder dexar precipitaciones de calter débil y esvalixáu siendo más probables escontra l’oriente asturianu. Asina tou, prevese l’apertura d’escamplaes nel occidente col intre de la mañana.
Igualmente, a lo llargo de la tarde, van abrise escamplaes dende’l norte ganando terrenal escontra’l sur col pasu de les hores. D’esta forma, en principiu, va concluyir prácticamente con cielos poco nublos o estenos en tol Principáu d’Asturies.
Los vientos van ser fluexos y variables pudiendo predominar por momentos de componente norte mientres les primeres hores de la tarde principalmente. Tocantes a les temperatures, van baxar les mínimes na metá norte y van caltenese nel restu. Al respective de les máximes, van xubir de forma xeneralizada y dichu ascensu va ser más significativu na zona central d’Asturies.
El tiempu n’Asturies (El Comercio)
Empezamos la selmana con una xornada marcada pola nubosidá en tol Principáu que va dexar precipitaciones que van acabar afectando a tola rexón. Anque pela mañana nun se refuguen, van ser muncho más probables y frecuentes mientres la segunda metá de la xornada.
Los vientos van empezar de suroeste-oeste moderaos pero, a partir del mediudía, van afitase de noroeste fluexos y va ser el momentu nel qu’entre xuna mayor carga de mugor y, poro, la probabilidá d’agües va ser muncho mayor. Les temperatures máximes, amás, van baxar salvu nel estremu oeste y suroccidente onde se van caltener.
Nel centru d’Asturies va ser onde más se note’l descensu de les temperatures al baxar hasta 3 o 4 ºC menos que los anotaos el domingu. Les mínimes, sicasí, van ser un pocu más altes.
Borrasques o umbaes con gran impactu
El 1 de setiembre empieza la temporada d’umbaes 2024-2025. Va Ser la octava campaña na que vamos nomar aquelles umbaes que vaigan xenerar un gran impactu. Non toles umbaes van ser nomaes. van ser aquelles que puedan producir un gran impactu y obliguen a activar avisos n’amplies zones. Hai dos opciones: (1) Avisos naranxes o colloraos por vientos bien fuertes. (2) Avisos naranxes y/o colloraos por agües o nevaes intenses.
AEMET forma parte del grupu suroeste del nomamientu d’umbaes xuntu colos nuesos colegues de Francia, Portugal, Bélxica y Luxemburgu. Hai nomes de toos esos países ya inténtase (anque ye difícil) que sían pronunciables en tolos idiomes. El nomamientu d’umbaes favorez una comunicación más efectiva énte envernaes de vientu, mala mar, agua y nieve.
Tiempu n’Asturies (El Comercio)
Vamos amanecer entá con delles agües que van unviar mientres la mañana. Ello ye que nun se refuga que pueda apaecer dalgún claru ente les nubes. Pero, a partir del mediudía, va entrar más nubosidad dende l’occidente que se va estender al restu del Principáu col intre de les hores. Estes nubes van dexar precipitaciones que, a les traces, van ser de poca intensidá. La cota de nieve va dir xubiendo a lo llargo del domingu hasta asitiase percima de los 1500 metros pela tarde.
Los vientos van soplar de componente oeste fluexos nel interior y moderaos na mariña. Les temperatures máximes van xubir en tol occidente asturianu y van caltenese nel restu. Les mínimes, pela so parte, van xubir llixeramente en tola rexón anque ye posible que dichu ascensu sía daqué más significativu nel interior oriental.
Tiempu bien pocu apacible para esti Sábadu Santu n’Asturies
El tiempu n’Asturies (El Comercio)
A lo llargo de la mañana podríen apaecer les primeres agües pel oeste y van dir estendiéndose col intre de les hores al restu.
El tiempu (El Comercio)
La probabilidá de bastios va ser mayor mientres la segunda metá del día.
El tiempu (El Comercio)
El tiempu (El Comercio)
La previsión del tiempu n’Asturies para esti domingu: esperamos un día cargáu de nubes.
El tiempu n’Asturies: espérase un día inestable.
Los bastios podríen aportar a localmente fuertes nel interior por momentos y nun se refuga que vengan acompañaos de dalguna qu’otra nube.
- Fonte: El Comercio / AEMET/ #FMA / aemet.es/es/eltiempo/pr
Sigue leyendo «El tiempu n’Asturies: espérase un día inestable.»
El tiempu (El Comercio)
El tiempu (El Comercio)
El tiempu (El Comercio)
Esti miércoles va siguir el bon tiempu nel Principáu
El tiempo (El Comercio)
Esti martes va ser un día soleyeru con xubida de les temperatures n’Asturies.
El tiempu (El Comercio)
Estabilidá y xubida de temperatures para empezar la selmana nel Principáu
El tiempu (El Comercio)
Condiciones estables y posibilidad de chubascos, pero no en toda la región.
El tiempu (El Comercio)
Les nubes van cubrir tol Principáu y van dexar bastios
a lo llargo de la tarde en munchos puntos de la rexón.
El tiempu (El Comercio)
Nun se descarta que puedan llegar a rexistrar
raches de vientu d’hasta 80 o 90 kilómetros per hora.
El tiempu (El Comercio)
Esperamos una mañana estable que va oldear
claramente cola inestabilidá
que vamos tener pela tarde.
España prepárase para la llegada de Nuria, la primer umbada del mes d’abril.
- Tiempo & Radar España/ mapa /
Síguela en directo https://to.tiempoyradar.es/radar
El tiempu (El Comercio)
Tantu les máximes como les mínimes van xubir
rexistrándose temperatures diurnes d’hasta 23 o 24 ºC
En cuanto al estáu de los cielos, van predominar los intervalos de nubes altes insignificantes. Pela tarde, anque ye difícil, nun se refuga que pueda escapase dalgún bastiu débil nel cordal cuidao que se preve un aumentu de nubes medies. Los vientos van ser fluexos pudiendo predominar d’este na mariña.
El tiempu n’Asturies
- Fonte: El Comercio
Tres la soleyera xornada del domingu, esti llunes volveremos tener un día marcáu pelos cielos pocu nublos o estenos en tol Principáu d’Asturies. Con éses vamos concluyir el mes con unes condiciones meteorolóxiques totalmente estables. Amás, les temperatures van siguir a l’alza.
El tiempu (El Comercio)
Vamos acabar la selmana con una xornada soleyera y
vamos notar cómo va anochar más tarde debíu al cambéu d’hora
El tiempu (El Comercio)
Esperamos una xornada relativamente estable
anque la nubosidá va dir de menos a más.
Estáu del tiempu: vienres 28 marzu 2025
- Alborecemos con nubosidá estratificada na fastera central asturiana, tando poco nuboso o escampláu nel restu con unes temperatures que tan alrodiu de los 7ºC, rexistrándose nel puirtu Payares -0,5ºC.
- Güei dirá n’aumentu la nubosidá baxa na metá norte d’Asturies, sobre too al finar el día cuando pue cayer dalgo d’orpín. Na cordelera y fastera surocidental va tar poco nuboso o escampláu con unes temperatures que van camudar poco, calteniéndose un ambiente seliquino al mediudía.
Estáu del tiempu: xueves 27 marzu 2025
- Alborecemos col cielu poco nuboso o escampláu ya con unes temperatures que tan alrodiu de los 5ºC, rexistrándose nel puirtu Payares 0,4ºC.
- Güei vamos tener escasa nubosidá, sicasí dalgún estrato alrodiu de los cordales del llitoral emburriaos pol vientu nordés que va soplar cafiante nes hores centrales del día pela costa y zones espuestes con unes temperatures másimes que subirán ellí onde tenemos al abellugu d’él.
El tiempu (El Comercio)
Esperamos una xornada marcada pola nubosidá en tol Principáu.
Estáu del tiempu: miércoles 26 marzu 2025
- Alborecemos col cielu nuboso y unes temperatures que tan alrodiu de los 9ºC, rexistrándose nel puirtu Payares 0,6ºC.
- Güei van dir dixebrándose les nubes pa dexanos el cielu con grandes claros o abancios por mor del vientu nordés que dirá coyendo fuercia a lu llargu la mañana pa ser cafiante nel llitoral, onde la sensación térmica sedrá desagradable con unes temperatures que van camudar poco, dandose les mínimes al finar el día.
El tiempu (El Comercio)
Esperamos una inestabilidá menos acusada,
pero vamos siguir esperando abondoses nubes.
El tiempu (El Comercio)
Va ser un día más ivernizu que primaveral.
Día Metereolóxicu Mundial
La meteoroloxía ye clave para la seguridá y bienestar de la sociedá. Contribúi a:- La seguridá alimentaria
- Amenorgar riesgos de desastres
- Gestión del agua
- Suministru d’enerxía.
Anguaño’l lema ye «Xuntos, amenorguemos la fienda nos sistemes d’alerta temprano». Dende Tiempu & Radar trabayamos viviegamente para ufiertate les alertes por tiempu severu na to localidá. ¡Actívales na app! https://app.tiempoyradar.es/pHdP/ESsoc
El tiempu (El Comercio)
Esperamos cielos bien nublos que van dexar
precipitaciones mientres gran parte del día.
Primavera: lluz, solín, l’arcu la vieya, paxarinos, flores…
- 🌺Llega una nueva estación y con ella una publicación como venimos faciendo coles anteriores. La lluz, el solín, l’arcu la vieya, los paxarinos cantando, les flores de colores, les espiches y folixes primaverales…
- 🌼Apurrímosvos información de dalgunes de les coses d’esta época del añu n’Asturies.
- 📚Dexámosvos un pallabreru primaveral que de xuru vais usar dende agora.
- 🖋️👩🏻Una autora nacida nel mes d’abril y una obra pa esta temporada.
- 🎶Una recomendación de cantares perguapos, y una escoyeta de refranes.
- #primavera #asturianu #usalallingua #xixon #folixa #espicha
El tiempu (El Comercio)
La borrasca Martinho va cebase col Principáu d’Asturies
mientres el fin de selmana.
El tiempu (El Comercio)
Esperamos otra xornada marcada pol vientu en tol Principáu.
Asturies rexistra esta mañana una decena de quemes forestales en dolce conceyos.
Asturies rexistra esta mañana una decena de quemes forestales en dolce conceyos. Los fueos na rexón, qu’ayeri pela nueche yeren una ventena, llevaron al Gobiernu del Principáu a activar la fase emerxencia en situación 0, la más baxa de los cuatro previstes, del Plan de Quemes Forestales del Principáu d’Asturies (INFOPA). Según informó’l Serviciu d’Emerxencies del Principáu d’Asturies, la ventena de quemes forestales rexistrárense nos conceyos de Cangues d’Onís, Cangas, L.lena, Llanes, Morcín, Piloña, Peñamellera Alta, Ribedeva, Yernes y Tameza, Tinéu y Valdés.
- Fonte: El Comercio / videu
Sigue leyendo «Asturies rexistra esta mañana una decena de quemes forestales en dolce conceyos.»
Estáu del tiempu: xueves 20 marzu 2025
- Alborecemos col cielu nuboso y fuertes raches de vientu en zones altes con unes temperatures que tan alrodiu de los 14ºC, rexistrándose nel puirtu Payares 5,9ºC.
- Güei vamos tener el cielu nuboso con precipitaciones pela mañana, amás l’aire ábrigu va soplar con muncha fuercia en zones de montaña, faciendo que tengamos unes temperatures mui suaves. Pela tarde abriranse dellos claros o abancios y al finar el día dirá amenorgando’l vientu.
Según el 112 Asturies va poder haber raches de vientu al mediudía
Mientres el día de güei pueden producise fenómenos adversos con fuertes rabaseres de vientu. Según el 112 Asturies va poder haber raches de vientu al mediudía que va traer tomar midíes de precuru:
– Evitar transitar per debaxo de bistechos y cornises.
– Procurar nun averase a elementos non fitos al suelu y susceptibles de movese.
– Consultar la web del Serviciu d’Emerxencies del Principáu.
El tiempu (El Comercio)
Les temperatures máximes van xubir ente 2 y 3 ºC más al respective de les del martes, pudiendo ser dichu ascensu daqué más significativu nel estremu oriental.
La primavera llega a Asturies con una nueva umbada y alerta por vientos. La envernada ‘Martinho’, el cuartu en dolce díes, va faer sumir el sol que relluma esti miércoles, últimu día d’iviernu.
Llega la primavera con temperatures que ronden los 20 graos
Les temperatures n’Asturies repiquen y el xueves, día d’entamu oficial de la primavera, les máximes van superar los venti graos en casi tol Principáu. Fonte: El Comercio / mapa /
Sigue leyendo «Llega la primavera con temperatures que ronden los 20 graos»
El tiempu (El Comercio)
Estáu del tiempu: martes 18 de marzu 2025
- Alborecemos con nubes ya claros o abancios, tando más nuboso na cordelera y fastera más ocidental con unes temperatures que tan alrodiu de los 6ºC, rexistrándose nel puirtu Payares 1,9ºC.
- Güei vamos tener un día sele col cielu empuercáu de nubes altes que nun impedirá que la llume del sol calezca l’ambiente al mediudía anque na cordelera la nubosidá sedrá más abondosa y soplará dalgo l’aire ábrigu.
El tiempu (El Comercio)
Tres unes xornaes fríes n’Asturies, mientres estos próximos díes van camudar les condiciones meteorolóxiques de forma que les temperatures van xubir gracies a un predominiu de vientos de componente sur. Asina tou, l’entamu de la selmana entá vamos amanecer con muncho fríu na rexón y con posibilidá de xelaes débiles nel cordal y otres zones del interior.
El tiempu (El Comercio)
El tiempu (El Comercio)
Asturies rexistró la pasada nueche la temperatura más baxa del país, con 9,6 graos baxo cero en Vega d’Urriellu, en Picos d’Europa, según los datos publicaos pola Axencia Estatal de Meteoroloxía (Aemet) na so páxina web. Nevaes en cotes baxes nuna fin de selmana iverniza, pero con menos agües.
Amás, rexistráronse -6,9 graos en Vega d’Ariu, tamién Picos d’Europa; -4,5 en Braña / L.leitariegos; -4,3 en Payares, y -4,2 en Sotres. L’Aemet preve qu’esti vienres que les temperatures mínimes vaigan en llixeru descensu, localmente más acusáu en puntos del interior, y que la cota de nieve asitiase n’unos 600-700 metros.
El tiempu na RTPA
Vienres nublu y con bastios intermitentes que van unviar a la fin del día. El sol va dexase ver por momentos y la cota de nieve va rondar los 700 metros. L’Aemet caltien activu l’avisu por nevaes nel cordal y los Picos d’Europa
El tiempu (El Comercio)
Va ser un día bien fríu con unes temperatures máximes que van rondar los 9 o 10 ºC na mayoría de poblaciones asturianes.
Estáu del tiempu: vienres 14 marzu 2025
- Alborecemos con intervalos nubosos entemecios ente dellos claros o abancios, ya con unes temperatures que tan alrodiu de los 4ºC, rexistrándose nel puirtu Payares -4ºC. onde hai muncha nublina.
- Güei vamos tener intervalos nubosos con xarabatos intermitentes más probables na fastera centru-oriental d’Asturies y sobre too pela tarde. La cota de nieve va tar mui baxa n’esti alborecer pudiendo surdir pelos 500m, subiendo dempués a los 700m. L’aire va ser de componente norte con dalguna racha moderada en zones espuestes.
L’iviernu aguanta y resístese a abandonar el Principáu.
El suroccidente asturianu amanez neváu y AEMET caltien activu un avisu mariellu por nevaes nel cordal y nos Picos d’Europa.
Activáu’l plan de viabilidá ivernal en Payares y El Güerna
La cota de nieve baxó a partir de mediudía hasta los 700 metros nel Cordal y los Picos d’Europa. La Delegación del Gobiernu n’Asturies activó esti xueves la fase d’alerta del plan de viabilidá ivernal nel puertu de Payares (N-630) y na AP-66, ente Asturies y Lleón, nuna xornada na que l’Axencia Estatal de Meteoroloxía (Aemet) prevé que la cota de nieve baxe a partir de mediudía hasta los 700 metros nel Cordal y nos Picos d’Europa. Fonte: RTPA
El Cordal y los Picos d’Europa van tar dende les 12:00 y tola xornada del vienres n’avisu mariellu por nevaes que van dexar espesures d’unos diez centímetros de nieve.
La fase d’alerta del plan de viabilidá iverniza supon l’espliegue y movilización de les máquines quitanieve y esparcidores de fundente pa que puean ser uses cuando seya necesario.
El tiempu (El Comercio)
Esperamos un día ivernizu dende primer hora de la mañana L’Axencia Estatal de Meteoroloxía adelantra a les 12 hores del xueves l’avisu mariellu por nieve. Pueden atropase diez centímetros de nieve a partir de 700 metros d’altitú. Información de los avisos en tiempu real equí
http://infotweet.aemet.es/tu63.html?1630
http://infotweet.aemet.es/tu63.html?1630Estáu del tiempu: xueves 13 marzu 2025
- Alborecemos col cielu cubiertu y precipitaciones con unes temperatures que tan alrodiu de los 7ºC, rexistrándose nel puirtu Payares -1,4ºC.
- Güei vamos tener xarabatos intermitentes que sedrán ente febles ya moderaos y de nieve perriba de los 800m, baxando al finar el día hasta los 500-600m. Les temperatures en bultable descensu y l’aire de componente norte con raches moderaes en zones altes ya en puntos del llitoral.
¡Precuru nes carreteres de montaña! Yá ta nevando en cotes altes
- 🌨️ Yá ta nevando en cotes altes y espérase que, a última hora, la cota baxe hasta los 500 metros, lo que podría xenerar entueyos nes carreteres.
- 🚗❄️ A esta hora (08:00 h), la circulación ye fluyida tantu nel Puertu Payares como na Autopista del Güerna.
- L’AEMET emitió una alerta mariello pa güei y mañana, con previsión d’acumuladures d’hasta 10 cm de nieve percima de los 900 metros, anque tamién podría cuayar en cotes más baxes.
- 🛑 La Delegación del Gobiernu caltien activu’l plan de vialidá ivernizu, coles quitanieves llistes p’actuar.
- 🔁 ¡Precuru na carretera! 🚙❄️ Imaxe de l’Autopista del Güerna nestos momentos.
Confirman un choque de masas de aire y l’AEMET avisa
- Confirman un choque de masas de aire parecido al de Filomena y la AEMET avisa con tiempo del golpe
- Videu / gif / videu 2 /
Según adelantra l’Axencia Estatal de Meteoroloxía (AEMET), Konrad va traer consigo una serie de frentes asociaos que van dexar «agües abondoses na Península Ibérica» a lo llargo de miércoles y xueves.
Sigue leyendo «Confirman un choque de masas de aire y l’AEMET avisa»
Estáu del tiempu: miércoles 12 marzu 2025
- Alborecemos con nubes ya claros o abancios ya con unes temperatures que tan alrodiu de los 6ºC, rexistrándose nel puirtu Payares -1,2ºC
- Güei vamos tener una mañana seliquina anque a patir del mediudía dirá aumentando la nubosidá pa dexanos precipitaciones pela tarde con unes temperatures en descensu ya cola nieve que surdira anicialmente perriba de los 1400m, baxando al finar el día a los 1000m. L’aire sedrá de componente norte con raches moderaes pela tarde en zones altes ya en puntos del llitoral.
El tiempu (El Comercio)
Esperamos cielos nublos que van dexar precipitaciones mientres el día.
El tiempu (El Comercio)
Vamos amanecer con cielos poco nublos en prácticamente tol Principá.
Estáu del tiempu: llunes 10 marzu 2025
- Alborecemos col cielu poco nuboso ya con unes temperatures que tan alrodiu de los 6ºC, rexistrándose nel puirtu Payares 0ºC.
- Güei va dir aumentando la nubosidá a lu llargu la mañana pa dexanos la tarde nuble pero sin más consecuencies. L’aire dirá garrando puxu , situándose de componente sureste con raches moderaes pela tarde con unes temperatures que tenderán a descender.
El tiempo (El Comercio)
El tiempo (El Comercio)
Siguimos cola influencia de la umbada Jana sobro’l Principáu d’Asturies. El vientu va ser el gran protagonista porque non solo espérense raches fuertes de vientu nel cordal, sinón que tamién por momentos van dase n’otros munchos puntos de la rexón.
Estáu del tiempu: sábadu 8 marzu 2025
«Muncho precuru col vientu»
- Alborecemos col cielu nuboso ya con raches fuertes de vientu ábrigu, sobre too en zones de montaña onde algamen los 100km/h con unes temperatures que tan alrodiu de los 12ºC, rexistrándose nel puirtu Payares 1,5ºC.
- Güei vamos tener nubosidá abondosa con precipitaciones persistentes ya moderaes na cara sur de la cordelera que sedrán de nieve perriba de los 1700m, baxando al finar el día a los 1200m. Nel restu mos afeutarán solo nes hores centrales del día quedando poco nuboso pela tarde con unes temperatures en descensu ya con raches mui fuertes de vientu ábrigu que pue sobrepasar los 100km/h en zones espuestes.
El tiempu (El Comercio)
Mientres los próximos díes vamos tar influyíos
totalmente pola umbada o borrasca Jana
El tiempu (El Comercio)
Estáu del tiempu: xueves 6 de marzu 2025
- Alborecemos col cielu nuboso na fastera ocidental y cordelera, tando más escampláu nel centru-oriente d’Asturies con unes temperatures que tan alrodiu de los 10ºC, rexistrándose nel puirtu Payares 3,4ºC onde sopla l’aire ábrigu con fuercia.
- Güei vamos tener intervalos de nubes medies y altes que sedrán más abondoses na cordelera y fastera surocidental d’Asturies onde puen tener precipitaciones ocasionales, nel restu sedrán mui poco probables con unes temperatures condicionaes pol vientu ábrigu que pue soplar cafiante en zones altes de montaña.
El tiempo (El Comercio)
El tiempu (El Comercio)
Vamos amanecer con nubes baxes na zona central y puntos de la mariña centro-occidental, mientres nel restu ye probable que les escamplaes tengan un mayor protagonismu nel cielu.
Estáu del tiempu: martes 4 de marzu
- Alborecemos col cielu nuboso na fastera centru-oriental d’Asturies, tando más escampláu na ocidental con unes temperatures que tan alrodiu de los 8ºC, rexistrándose nel puirtu Payares 2,8ºC.
- Güei vamos tener el cielu nuboso con unes temperatures que camudarán poco y vientu sele ya variable.
El tiempu según l’AEMET
El tiempu (EL Comercio)
Empezamos la selmana con una clara recuperación de les temperatures.
El tiempu (El Comercio)
Esperamos una mayor probabilidá de precipitaciones mientres la mañana.
El tiempu (El Comercio)
Vamos empecipiar el mes de marzu cola visita d’una pequena irrupciónd’aire frío continental que va consiguir baxar les temperatures.
Estáu del tiempu: sábadu 1 de marzu 2025
- Alborecemos col cielu nuboso y dalgo d’orpín con unes temperatures que tan alrodiu de los 7ºC, rexistrándose nel puirtu Payares -2,5ºC onde nieve feblemente.
- Güei la llegada d’un masa d’aire fría continental emborriada pol vientu nordés va dexanos un descensu moderáu de les temperatures amás de nubosidá de retención col dalgo d’orpín nes zones espuestes como nos cordales costeros, tando más escampláu na fastera surocidental d’Asturies. Nevará perriba de los 800m pero de manera testimonial y l’aire nordés va soplar cafiante nel llitoral baxanto entovía más la sensación térmica.
El Tiempu (El Comercio)
Asturies va tener una fin de selmana de Antroxu marcáu pola nieve y el fríu. La previsión del tiempu n’Asturies anuncia un descensu notable de les temperatures y asitia la cota de nieve en redol a los 700 metros.
Estáu del tiempu: vienres 28 febreru 2025
- Alborecemos con nubes ya claros, tando más nuboso nel llitoral onde sopla’l nordés cafiantemente con unes temperatures que tan alrodiu de los 7ºC, rexistrándose nel puirtu Payares -0,2ºC.
- Güei vamos tener precipitaciones febles nel llitoral pela mañana, tando más escampláu nel interior onde aumentará la nubosidá de tarde ya tendremos nevaes febles pela cordelera al atapecer, mentantu remiten los xarabatos del llitoral. La cota de nieve rondará los 1300m y l’aire sedrá del nordés cafiante na costa y zones espuestes.
Va siete años nevaba asina…
El tiempu (El Comercio)
El tiempu (El Comercio)
Estáu del tiempu: miércoles 26 febreru 2025
- Alborecemos col cielu empuercáu de nubes altes ya con unes temperatures que tan alrodiu de los 4ºC, rexistrándose nel puirtu Payares -1,8ºC.
- Güei vamos tener dalgo de nubosidá alta entemcía ente dellos claros o abancios con unes temperatures másimes n’ascensu llixeru dempués d’una nueche fría ya col aire sele de componente norte.
El tiempo (El Comercio)
Estáu del tiempu: martes 25 febreru 2025
- Alborecemos col cielu cubiertu y orpinando con unes temperatures que tan alrodiu de los 10ºC, rexistrándose nel puirtu Payares 0,9ºC.
- Güei vamos tener precipitaciones febles durante la mañana pa dir dixebrándose les nubes y abriéndose dellos claros al escurecer cuando remitirán percompletu. Les temperatures en descensu y la nieve podrá surdir perriba de los 1300m. L’aire sedrá de componente noroeste sele en xeneral.
El tiempu (El Comercio)
El tiempu (El Comercio)
Vamos poner puntu y final a la selmana con una xornada marcada pola presencia d’un potente anticiclón que va asegurar bon tiempu.
El tiempu (El Comercio)
Estáu del tiempu: sábadu 22 febreru 2025
- Alborecemos con intervalos nubosos entemecios ente dellos claros o abancios ya con unes temperatures que tan alrodiu de los 7ºC, rexistrándose nel puirtu Payares 0,3ºC.
- Güei vamos tener intervalos nubosos con nubosidá que va dir desendolcándose a partir del mediudía pa dexanos xarabatos dispersos de calter tormentosu durante la tarde que sedrán en forma de nieve perriba de los 1500m. Les temperatures descenderán y l’ambiente sedrá más ivernal col aire sele ya varible con predominiu del nordés.
Estáu del tiempu: vienres 21 febreru 2025
- Alborecemos col cielu cubiertu por nubes medies y altes ya soplando l’aire ábrigu con raches fuertes en zones altes de montaña provocando l’efeutu foehn al so pasu pela cordelera con unes temperatures que tan alrodiu de los 17ºC, rexistrándose nel puirtu Payares 5,5ºC.
- Güei vamos tener nubosidá media-alta empobinada pol vientu ábrigu que mos dexará temperatures mui altes durante la mañana, yá pela tarde cola rolada de vientu y la llegada d’un frente descenderán les temperatures y se xeneralizarán les precipitaciones que vendrán acompangaes de vientu racheáu intensu. La nieve pue surdir al finar el día perriba de los 1500m.
El tiempu (El Comercio)
Avisu naranxa pola entrada d’un frente atlánticu:
l’AEMET alerta d’abondoses agües y fuertes raches de vientu.
El tiempo (El Comercio)
Estáu del tiempu: xueves 20 febreru 2025
- Alborecemos col cielu poco nuboso, sicasí ta dalgo empuercáu de nubes altes sobre too na fastera ocidental con unes temperatures que tan alrodiu de los 8ºC, rexistrándose nel puirtu Payares 4,2ºC.
- Güei vamos tener grandes claros entemecios ente nubes altes que dirán ganando terrén a lu llargu’l día con unes temperatures que van camudar poco calteniéndose un ambiente suave ya primaveral, amás l’aire sedrá sele ya variable.
El tiempo (El Comercio)
Estáu del tiempu: miércoles 19 febreru 2025
- Alborecemos col cielu nuboso na metá ocidental, tando más escampláu na oriental con unes temperatures que tan alrodiu de los 8ºC, rexistrándose nel puirtu Payares 4,5ºC.
- Güei vamos tener un día mui asemeyáu al d’ayeri col cielu con nubes medies y altes, temperatures suaves y vientu ábrigu en zones altes de montaña.
El tiempu (El Comercio)
Estáu del tiempu: martes 18 febreru 2025
- Alborecemos col cielu empuercáu de nubosidá media-alta, amás de nublines y borrionos no fonderu los valles con unes temperatures que tan alrodiu de los 7ºC, rexistrándose nel puirtu Payares 2,8ºC.
- Güei vamos tener nubosidá media-alta que mos la va apurrir l’aire ábrigu que pue soplar con raches moderaes en zones altes de montaña, amás al so pasu pela cordelera provocará l’efeutu foehn faciendo que suban les temperatures con másimes que van averase a los 20ºC.
El tiempu (El Comerciu)
Estáu del tiempu: llunes 17 febreru 2025
- Alborecemos con dalgo de nubosidá estratificada na fastera central asturiana y nubes altes na metá ocidental con unes temperatures que tan alrodiu de los 8ºC, rexistrándose nel puirtu Payares 1,9ºC.
- Güei dempués que se dixebren los estratos del alborecer la llume del sol calecerá l’ambiente pa dexanos un día primaveral a pesar de les nubes altes que tarán entemecies ente dellos claros o abancios.
Tiempu (El Comercio)
Estáu del tiempu: sábadu 15 febreru 2025
- Alborecemos col cielu empuercáu de nubes medies y altes ya con unes temperatures que tan alrodiu de los 8ºC, rexistrándose nel puirtu Payares 3,9ºC.
- Güei vamos tener nubosidá media-alta, l’aire sedrá sele ya variable y les temperatures suaves que mos dexarán un ambiente primaveral.
El tiempo (El Comercio)
Estáu del tiempu: vienres 14 febreru 2025
- Alborecemos con dalgo de nuboasidá alta y delles nublines no fonderu los valles con unes temperatures que tan alrodiu de los 9ºC, rexistrándose nel puirtu Payares 3,3ºC.
- Güei vamos tener intervalos nubososo entemecios ente dellos claros o abancios con unes temperatures n’ascensu. L’aire sedrá sele ya variable.
El tiempo (El Comercio)
Estáu del tiempu: xueves 13 febreru 2025
- Alborecemos col cielu cubiertu y dalguna gotera con unes temperatures que tan alrodiu de los 10ºC, rexistrándose nel puirtu Payares 4,7ºC.
- Güei vamos tener el cielu nuboso con dalguna preciptación feble ya dispersa n’estes primeres hores con unes temperatures n’ascensu ya col aire que sedrá sele ya variable.
El tiempo (El Comercio)
Estáu del tiempu: miércoles 12 de febreru 2025
«Llega la primavera adelantada»
- Alborecemos con nubes ya claros o abancios ya con unes temperatures que tan alrodiu de los 9ºC, rexistrándose nel puirtu Payares 0,5ºC.
- Güei l’aire gallegu pue soplar molestu nel llitoral y zones altes de montaña, amás baxará dalgo la sensación térmica y mos apurrirá humedá faciendo que les temperatures másimes nun se disparen a pesar del sol del mediudía. Nel cielu tendremos nubes ya claros o abancios y nun s’esperen precipitaciones.
Sigue leyendo «Estáu del tiempu: miércoles 12 de febreru 2025»
El tiempo (El Comercio)
EStáu del tiempu: martes 11 de febreru 2025
- Alborecemos con nubes ya claros o abancios ya con dalgo de nublina. Les temperatures tan alrodiu de los 8ºC, rexistrándose nel puirtu Payares 2,9ºC.
- Güei l’aire ábrigu dixebrará les nublines del alborecer y baxará la humedá, dexándonos un ascensu moderáu de les temperatures col cielu empuercáu de nubes altes que sedrán más abondoses na fastera surocidental onde nun se descarta dalguna precipitación. Al atapecer un frente atlánticu va dexanos precipitaciones al soo pasu, asina como un descensu de les temperatures, rolando l’aire a gallegu.
Una borrasca fría va cruciar la Península ente mañana y el xueves
- Fonte: El Tiempo.com /
Una umbada fría va cruciar la Península ente mañana y el xueves. Güei los bastios van concentrase nel terciu norte peninsular, por cuenta del aproximamientu d’una zona de baxes presiones en superficie y xuna vaguada n’altor dende l’Atlánticu.
Sigue leyendo «Una borrasca fría va cruciar la Península ente mañana y el xueves»
El tiempu (El Comercio)
Estáu del tiempu: llunes 10 de febreru 2025
«Tiempu humedu y suave»
- Alborecemos col cielu cubiertu y precipitaciones febles ya disperses con unes temperatures que tan alrodiu de los 10ºC, rexistrándose nel puirtu Payares 3,5ºC.
- Güei vamos tener el cielu mui nuboso por nubes de tipo mediu- baxo que puen dexanos precipitaciones febles ya disperses, más probables pela tarde con unes temperatures másimes en llixeru descensu, mentantu les mínimes suben dalgo. L’aire sedrá sele ya variable.
El Tiempo (El Comercio)
Amanecemos sol xelu
Estáu del tiempu: sábadu 8 de febreru 2025
«Muncho precuru col xelu»
- Alborecemos col cielu poco nuboso o escampláu ya con muncho xelu por mor del agua d’ayeri y les baxes temperatures d’esti alborecer, rondando los 0ºC na mayor parte d’Asturies y rexistrándose nel puirtu Payares -7,2ºC.
- Güei vamos tener una mañana seliquina y fría, amás de soleyera pero a partir del mediudía dirá n’aumentu la nubosidá pa dexanos la tarde nuble y precipitaciones febles al final de la xornada con unes temperatures que subirán dalgo les másimes pero con unes mínimes en descensu. L’aire sedrá sele ya variable.
El tiempu (El Comercio)
Estáu del tiempu: vienres 7 de febreru 2025
- Alborecemos col cielu cubiertu y lloviendo con unes temperatures que tan alrodiu de los 7ºC, rexistrándose nel puirtu Payares -0,5ºC onde ta nevando.
- Güei vamos tener xarabatos durante tol día que sedrán más probables ya intensos pela tarde cuando la cota de nieve pue baxar hasta los 600-700m. Col camudu’l día escamplará y entamará a xelar en munches zones d’Asturies. L’aire sedrá sele ya variable con predominiu de la componente norte y les temperatures descenderán bultablemente pela tarde.
El Tiempu (El Comercio)
Estáu del tiempu: xueves 6 de febreru 2025
- Alborecemos col cielu empuercáu de nubosidá alta ya con unes temperatures que tan alrodiu de los 5ºC, rexistrándose nel puirtu Payares 2ºC.
- Güei va dir aumentando la nubosidá hasta quedar el cielu nuble pela tarde con unes temperatures másimes en descensu, mentantu les mínimes suben dalgo. L’aire sedrá sele en xeneral con predominiu de la componente norte.
El tiempu (El Comercio)
Estáu del tiempu: miércoles 5 de febreru 2025
- Alborecemos col cielu poco nuboso en xeneral, sicasí ta empuercáu per dalguna nube alta con unes temperatures que tan alrodiu de los 4ºC, rexistrándose nel puirtu Payares -0,9ºC.
- Güei vamos tener un día mui asemeyáu al d’ayeri col cielu empuercáu per dalguna nube alta y poco más anque al escurecer dirá surdiendo’l borrín nos cordales y la nubosidá estratificada na fastera central asturiana. Les temperatures van camudar poco, siendo afayaices a partir del mediudía y l’aire sedrá sele y variable en xeneral con predominiu de la componente nordés.
Sigue leyendo «Estáu del tiempu: miércoles 5 de febreru 2025»
El tiempu (El Comercio)
Estáu del tiempu: martes 4 de febreru 2025
- Alborecemos col cielu poco nuboso o escamplaú ya con unes temperatures que tan alrodiu de los 5ºC, rexistrándose nel puirtu Payares 0,5ºC.
- Güei va dir n’aumentu la nubosidá media-alta pa dexanos el día nuble al atapecer con unes temperatures másimes n’ascensu ya col aire que sedrá sele ya variable.
El tiempo (El Comercio)
Esti domingu: esperamos una xornada con fuertes vientos
de componente sur
que van consiguir que xuban les temperatures.
El tiempu (El Comercio)
Estáu del tiempu: sábadu 1 febreru 2025
Semeya de Tomás García Suarez
«Mañana torna la nieve a la cordelera»
- Alborecemos col cielu cubiertu y orpinando con unes temperatures que tan alrodiu de los 9ºC, rexistrándose nel puirtu Payares 2ºC.
- Güei vamos tener el cielu cubiertu por nubes baxes que van dexar dalgo d’orpín n’estes primeres hores na metá norte d’Asturies. Yá pela tardiquina dirán abriéndose dellos claros o abancios con unes temperatures n’ascensu, sobre too les mínimes.
Día espléndidu nel puertu Payares
Día espléndidu para esfrutar de la nieve recién cayida na xornada d’ayeri, que dexa paisaxes de postal, como estes fotografíes del Parador, a lo cimero del Puertu Payares.Estáu del tiempu: vienres 31 de xineru 2025
«Únicu día de cielu escampláu»
- Alborecemos col cielu poco nuboso o escampláu con xelaes nes zones favoretibles ya con unes temperatures que tan alrodiu de los 2ºC, rexistrándose nel puirtu Payares -7,3ºC.
- Güei vamos tener el cielu poco nuboso con unes temperatures que van subir dalgo a primera hora de la tarde. Yá pela tardiquina aumentará la nubosidá pa dexanos el cielu nuble al finar.
Asturies, n’alerta naranxa por acumuladura de nieve nos Picos d’Europa y el Cordal
Asturies, n’alerta naranxa por acumuladura de nieve nos Picos d’Europa y el Cordal. Les autoridaes encamienten precuru y dan conseyos d’autoprotección énte les nevaes. #Nieve #Alerta #Precaución #Quitanieves
Muncho precuru nos desplazamientos.
Activáu l’avisu naranxa por raches de vientu y nieve nel cordal. Muncho precuru nos desplazamientos. Siga los encamientos del 112 y les autoridaes y calténgase informáu Estáu de les carreteres.
- Estáu de les carreteres: https://112asturias.es/estado-carreteras
- Avisos metereolóxicos: https://acortar.link/Ig2tDC
La borrasca «Ivo» caltien a la rexón n’alerta naranxa por nieve na zona de la cordilera Cantábrica y los Picos d’Europa y por fenómenos costeros na mariña. Amás, caltiense l’avisu mariellu por nieve nel Suroccidente, por agües na zona central y los valles mineros, y por agua y vientu na Cordilera y los Picos d’Europa. Esta mañana, la estación de Vega d’Urriellu, nos Picos d’Europa, rexistró la segunda racha de vientu más fuerte del país, con 133 kilómetros per hora.
Estáu de les carreteres cola Meseta
Estáu del tiempu: xueves 30 de xineru 2025
Hasta’l xueves vamos ver nevar con intensidá en prácticamente tolos sistemes de monte de la península. Los acumulaos pueden algamar el metro de nieve.
Nevó inclusive en delles capitales, como en Llión, sele en Cuenca y tamién en zones de monte d’Albacete y Murcia. Nes próximes hores les nevaes pueden ser más bayuroses en zones altes y yá tenemos avisos mariellos y naranxes activos.
¡Llega la borrasca/umbada Ivo!
El tiempu (El Comercio)
Estáu del tiempu: miércoles 29 de xineru 2025
» Subida de les temperatures
antes del role de vientu»
antes del role de vientu»
- Alborecemos col cielu mui nuboso y dalguna gotera nes zones espuestes al vientu ábrigu con unes temperatures que tan alrodiu de los 10ºC, rexistrándose nel puirtu payares -0,5ºC.
- Güei vamos tener una primera parte del día seliquina, sicasí l’aire ábrigu que precede a la borrasca va soplar con fuercia en zones altes ya en puntos del llitoral. El cielu va tar mui nuboso pero con apertura de dellos claros o abancios nes hores centrales del día. Al escurecer cuando role l’aire a componente norte la nubosidá va dir n’aumentu y mos dexará precipitaciones xeneralizaes que sedrán mui abondoses al finar el día. Les temperatures subirán por mor del vientu ábrigu pero una vegada que role baxarán moderadamente de nuevu pa dexanos nevaes copioses na cordelera. Na rolada vamos tener vientu racheados mui fuertes y la mar seguirá mui brava. Muncho precuru porque esti prósimu riscar va xuntase les marees vives más potentes del añu, mui mala mar y precipitaciones importantes, coctel perfeutu pa que entre la mar tierra dientru nes zones favoretibles.
Sigue leyendo «Estáu del tiempu: miércoles 29 de xineru 2025»
La envernada va siguir azotando a la Península, con vientu bien fuerte xeneralizáu.
- Fonte: Tiempu & radar /
Mapa del tiempu: El Comercio
Estáu del tiempu: martes 28 de xineru 2025
- Alborecemos col cielu nuboso, sobre too na fastera ocidental con unes temperatures que tan alrodiu de los 8ºC, rexistrándose nel puirtu Payares -1,7ºC.
- Güei vamos tener intervalos nubosos cola posibilidá de xarabatos intermitentes, sobre too na fastera ocidental, siendo menos probables na oriental con una cota de nieve qu’oscilará ente los 900-1200m ya col aire gallegu que va seguir soplando con muncha fuerza, sobre too en puntos del llitoral y zones altes.
El tiempu n’Asturies (El Comercio)
Los vientos dientro de la rexón van soplar de suroeste con raches moderaes y puntualmente pudiendo ser fuertes sobremanera en zones altes del cordal, y na mariña. Prevense cielos nublos con delles escamplaes esporádiques a lo llargo del día. Los bastios van concentrase especialmente nel suroeste y nel occidente de la rexón. La cota de nieve va baxar a lo llargo del día hasta los 900 o 1000 metros d’altor. Les temperatures van baxar nel casu de les máximes en tola rexón salvu nel cordal.
El 112 Asturies emitió una serie de conseyos para prevenir les consecuencies del fuerte vientu qu’alzó l‘alerta meteorolóxico a color naranxa: caltener zarraes puertes y ventanes, retirar tolos oxetivos que puedan cayer a la cai, alloñase de cornises, murios y árboles; evitar xubir a llugares de monte o zones espuestes al vientu; y estremar los precuros na carretera. RADAR
Estáu del tiempu: llunes 27 de xineru 2025
- Alborecemos con nubes ya claros siendo la nubosidá más abondosa na cordelera y fastera surocidental d’Asturies con unes temperatures que tan alrodiu de los 12ºC, rexistrándose nel puirtu Payares 2,9ºC onde sopla con fuercia l’aire.
- Güei tendremos intervalos nubosos entemecios ente dellos claros o abancios cola posibilidá de precipitaciones pela tarde, sobre too na fastera ocidental d’Asturies con unes temperatures en descensu que fadrá que baxe la cota de nieve hasta los 700m al finar el día. L’aire gallegu va soplar con raches mui fuertes en zones altes ya en puntos del llitoral onde’l temporal na mar se va dexar sentir.