• Fonte: RTPA / Videu /

El covarón va tar abiertu los fines de selmana hasta primavera. Siete persones entraron güei na cueva de La Lluera, en Les Caldes, na so reapertura al públicu. Enllenáronse los cupos dexaos, que son de seis persones por visita. La cueva va tar abierta los fines de selmana hasta primavera. El covarón llevaba tres años cerráu.

• RPA Radio / RTPA Tv /

‘Asturias hoy Fin de selmana’ ye l’informativu del sábadu y domingu de RPA. Información de serviciu, el tráficu, el tiempu, los titulares principales del día, previsiones de la xornada y los protagonistes de l’actualidá informativa n’Asturies, son dalgunos de los conteníos d’esti informativu realizáu pola redacción de noticies de RPA. Amás, a lo llargo de la mañana, RPA tien boletinos informativos con tola actualidá de la xornada.

Les noticies n’asturianu

Sigue leyendo «Noticies d’interés na RTPA y TPA» →

• Fonte: RTPA /

El Consistoriu quier treslladar a los padres y madres total tranquilidá
por un problema qu’aseguren yá ta iguáu

El Conceyu d’Uviéu procedió esta mañana a desratizar parte de les instalaciones de la Escuela Infantil Dolores Medio.

Según fontes municipales, a primer hora de la mañana, y primero que entraren los neños a la Escuela, detectóse la presencia de rates nuna zona del patiu esterior. Les mesmes fontes apunten a que se trata d’un problema puntual que nun afectó al interior de la escuela.

Los servicios de control de plagues fixéronse cargu de la situación que se resolvió, dicen nel Conceyu, ensin mayor incidencia. Dende’l Consistoriu quixeron treslladar a los padres y madres total tranquilidá por un problema qu’aseguren yá ta iguáu.

• Fonte: RTPA /

El documentu, recuperáu por restauradores
del Archivu Históricu Nacional, podrá vese en Salas

Esta mañana pudimos grabar cómo los técnicos de restauración del Archivu Históricu Nacional protexeron el pergamín fundacional del Monesteriu de Corniana con ciñu pal so viaxe a Asturies.

Sigue leyendo «El pergamín fundacional del Monesteriu de Corniana vuelve a casa» →

• Fonte: RTPA /

Homenaxe en Madrid al científicu asturianu

La voz de Severo Ochoa volvió a sonar gracies a la IA. Foi nun homenaxe al científicu asturianu celebráu en Madrid, con dellos actos entamaos pola Real Academia de Medicina, que dedicó toa esta selmana al Premiu Nobel de Fisioloxía o Medicina. L’homenaxe quier estimular a les nueves xeneraciones a siguir los sos pasos. Son munchos los que lu ven como un referente.

Tamién s’inxerta una esposición que recueye la so biografía y la so herencia. Una pequeña amuesa d’un Premiu Nobel que contribuyó significativamente al desendolcu de la bioquímica y la bioloxía molecular.