IXUXÚ ツ Isa

Esperamos un día veraniegu con temperatures que van superar los 25 ºC na mayor parte d’Asturies y, nes zones más templaes de la rexón, podríen llegar a los 30 ºC. Asina tou, vamos amanecer con cielos nublos en gran parte del Principáu salvu nel sur. Conforme vaiga avanzando la mañana, y especialmente a partir del mediudía, van abrise grandes claros hasta que los cielos queden prácticamente estenos. A lo llargo de la tarde van apaecer nubes d’evolución diurna que van poder dexar dellos bastios tormentosos que van ser más frecuentes nel cordal y onde cabi la posibilidá de que vengan acompañaos de xarazo.

De toes formes, l’Axencia Estatal de Meteoroloxía va activar l’avisu mariellu en tol Principáu a partir de les 15 hores por bastios tormentosos con probabilidá de rexistrar hasta 15 llitros per metro cuadráu nuna hora. Los vientos van ser fluexos polo xeneral, predominando de nordeste-esti na mariña, y de sur nel cordal.

• Esperamos amanecer con cielos bien nublos salvu nel terciu sur onde yá va empezar el día con sol.
• Conforme meyora la mañana, sobremanera a partir del mediudía, van abrise grandes claros en tola rexón. Eso sí, van apaecer intervalos de nubes altes insignificantes que podríen dexar el cielu atapecíu.
• La probabilidá de precipitaciones va ser bien baxa y, sía que non, nun se refuga que pueda escapase dalgún bastiu nel cordal pela tarde. Los vientos van soplar de nordeste-esti na mariña con raches moderaes.
• Nel interior, los vientos van ser fluexos polo xeneral.
• Tocantes a les temperatures, van xubir les máximes en tol Principáu y van facer de forma significativa nel sur y nel suroccidente asturianu. Les mínimes apenes van variar al respective de les anotaes el domingu.

Sigue leyendo «El tiempu (El Comercio)» →

• Vamos concluyir la selmana con una xornada nubosa en gran parte del territoriu asturianu. El cordal y otres zones del sur de la rexón va ser onde va haber más probabilidá de ratos de sol.
• La probabilidá de precipitaciones va ser bien baxa pero, sía que non, nun se refuga que pueda escapase dalgún orbayu pocu importantes na mariña especialmente pela mañana.
• Los vientos van ser fluexos predominando de norte de primeres del día, y de nordeste pela tarde con raches moderaes na mariña.
• Les temperatures máximes van xubir llixeramente en tol cordal y nel suroccidente, calteniéndose ensin cambeos nel restu.
• Les mínimes van xubir nel interior central, van baxar un pocu en Picos d’Europa y nun van variar nel restu del Principáu.

Sigue leyendo «El tiempu (El Comercio)» →

Vamos amanecer con cierta nubosidá baxa, estes nubes van menguar rápido polo que se van abrir grandes claros mientres la mañana. Pero a lo llargo de la tarde preve l’aumentu de nubes hasta cubrir el cielu asturianu prácticamente por completu. La probabilidá de precipitaciones va ser bien escasa pero nun se refuga que pueda escapase dalguna gota poco importantes a la fin. Los vientos van ser fluexos predominando de noroeste con dalguna racha moderada na mariña. Les temperatures máximes van caltenese ensin cambeos respecto al vienres, ente que les mínimes van baxar en tol occidente y nun van variar nel restu.

Sigue leyendo «El tiempu (El Comercio)» →

Esperamos empecipiar el día con tiempu estable. Vamos Tener intervalos nublos con más nubosidá escontra l’occidente. Pero, especialmente a partir del mediudía, la nubosidá va dir estendiéndose por tola rexón para dar pasu a una tarde con cielos cubiertos. Estes nubes van poder dexar mientres la tarde delles precipitaciones partíes pola rexón que, a priori, van ser débiles. Les temperatures máximes van baxar en tola mariña, y nel interior central y oriental. Mentanto, nel interior occidental van caltenese ensin grandes cambeos respecto al xueves. Les mínimes van xubir llixeramente en toa Asturies. Los vientos van ser fluexos y variables en llínees xenerales.

Sigue leyendo «El tiempu (El Comercio)» →

Esperamos otru día con cielos nublos o bien nublos n’Asturies. Estes nubes van poder dexar delles precipitaciones débiles pocu importantes mientres el día. La inestabilidá va unviar por completu a lo llargo de la tarde y, inclusive, cabi la posibilidá de que s’abran escamplaes dende l’occidente a la fin. Los vientos van predominar de componente oeste fluexos con posibilidá de raches moderaes na mariña. Tocantes a les temperatures, les máximes van xubir namá nel interior central cuidao que se van caltener ensin cambeos nel restu. Les mínimes nun van variar respectu al martes sacante dalgunos posibles descensos bien llixeros que podríen producise en zones altes del cordal.

Sigue leyendo «El tiempu (El Comercio)» →

Tres el descensu térmicu d’esti domingu, el llunes los termómetros volverán rexistrar una nueva baxada de les temperatures. Les máximes van baxar hasta 1 o 2 ºC al respective de les anotaes el 1 de xunu, siendo’l descensu más significativu nel occidente asturianu. En cuanto al estáu de los cielos, prevese abondosa nubosidá cubriendo tol Principáu. Estes nubes van dexar precipitaciones débiles polo xeneral pero que, a priori, van ser más frecuentes mientres la primer metá del día. Los vientos van soplar de nordeste fluexos con raches moderaes na mariña.

Sigue leyendo «El tiempu (El Comercio)» →