Cada tic-tac ye un segundu
de la vida que pasa,
fuxe, y nun se repite.

Y hai nella tanta intensidá,
tantu interés,
que’l problema ye solo sabela vivir.

Frida Kahlo

“La tenrura ye la forma más modesta d’amor (…)
Apaez onde miramos de cerca y con cuidu a otru ser,
a daqué que nun ye’l nuesu «yo».

La tenrura ye bonal y desinteresada;
va muncho más allá del sentimientu d’empatía.

Ye sicasí’l compartir consciente,
anque quiciabes un poco murniu,
del destín común.

La tenrura ye una fonda
esmolición emocional por otru ser,
la so fraxilidá, la so naturaleza única
y la so falta d’inmunidá al sufrimientu
y los efectos del tiempu.

La tenrura percibe los llazos que nos conecten,
les semeyances y la semeyanza ente nós.

Ye una forma de mirar
qu’amuesa al mundu como vivu,
interconectáu, cooperando
y codependiente de sí mesmu.”

Olga Tokarczuk: «El narrador tienru».
Discursu al recibir el Premiu Nobel de Lliteratura 2018.

Bonaventuraos los que saben
que detrás de tolos llinguaxes,
tópase lo inespresable.
Rainer María Rilke

Nun cuerras,
non t’esmolezas.

Tas equí namá
para una curtia visita,
merez la pena que te detengas
a goler les flores.
Walter C. Hagen.

“Somos apenes un sospiru nel tiempu,
un pestañéu de la esistencia;
un esbocexu del universu.

¿Daste cuenta de lo afortunaos que somos
de coincidir ente millones?
Faigamos que valga la pena”.
❤️❤️❤️
Francisco J. Zárate

«Practiquemos l’arte de la vida
y avancemos nel humanismu,
cultivemos la salú y la solidaridá
como mestranzos de llonxevidá
y bienestar emocional,
recordemos que lo auténticamente estelante
ye sobrevivir acaldía
y escaezamos los imposibles suaños
d’inmortalidá,
porque la verdá ta na fraxilidá
y en la nuesa maraviyosa capacidá
de responder énte l’adversidá».

Carlos López-Otín

«La escuridá nun puede
espulsar a la escuridá;
namá la lluz puede faelo.
L’odiu nun puede espulsar al odiu;
namá l’amor puede faelo» 

Martin Luther King, Jr.

Ye mientres los nuesos momentos más escuros
que tenemos de concentranos para ver la lluz.

“Cuando m’haya alloriáu,
nun me busques
detrás del fríu mármol d’una tumba,
búscame ente les roses.

Cuando me vaiga
búscame en fotografíes,
búscame ente los mios llibros,
nos mios cantares,
nos mios poemes, na mio música.

Búscame dientro de toles coses que más amu,
porque solo nestes vas atopar la mio alma”.
Jim Morrison

Sigue leyendo →

«Hai almes a les qu’unu
tien ganes d’asomarse
como a una ventana llena de sol».

Federico García Lorca

“La vida nun ye la qu’unu vivió,
sinón la qu’unu recuerda,
y cómo la recuerda para cuntala.”

García Márquez. (Vivir pa cuntala)

«Nengún neñu se traumatiza
por un non;
a un neñu failu dañu la humildación,
non la llende o la norma»

Mar Romera

«Ye difícil atopar la diferencia
ente’l mar y el cielu,
ente’l viaxeru y el mar.
Ente la realidá y
lo que quier el corazón».
Haruki Murakami

«Anque la ventana sía la mesma,
non tolos que s’asomen
ven les mesmes coses:
La vista depende de la mirada “
❤️❤️❤️
Alda Merini

«Cada persona, desque naz,
“llee” el mundu,
infatigablemente busca sentíos.
Y, de la mesma, si dan-y la ocasión,
tamién puede “escribir”,
o “inscribir” en palabres,
esi mundu que lleó.»

Graciela Montes

Ilustración de @plaidemily

Les meyores persones tienen
sensibilidá para la guapura,
valor para enfrentar riesgos,
disciplina para dicir la verdá,
capacidá para sacrificase.

Ernest Hemingway

“Una sorrisa significa muncho.
Arriquez a quien la recibe;
ensin emprobecer a quien la ufierta.
Dura un segundu pero la so alcordanza,
dacuando, nunca se borrar”.
Charles Chaplin

“Nun hai mayor allegría
que nun tener motivu de murnia.
Nun hai mayor riqueza
que contentase colo qu’unu tien”
Anthony de Mello

«Dada la inmensidá del tiempu
y l’inmensidá del Universu,
ye un inmensu placer para mi
compartir un planeta y una dómina
con usté.»

Carl Sagan

«Si tienes un xardín y una biblioteca,
tienes tolo que precises».
Cicerón

«Toos tenemos señardá y envidia
d’un momentu maraviyosu
que nun pudimos vivir».
Octavio Paz

“Nun hai nada nel mundu
tan irresistiblemente contaxosu
como la risa y el bon humor.”
Charres Dickens

«Dexa que cada nuevu añu
atope a una meyor versión de ti mesmu.»
✨✨
Benjamín Franklin

«Ye verdá que si a les neñes y los neños
los dexen solos colos sos xuegos,
ensin forza-yos,  fadríen maravíes.

Usté vio cómo empiecen a dibuxar y pintar;
dempués oblíguen-yos a dibuxar d’una  forma.

Cola escritura ye esactamente igual.
Les primeres coses que cunta una neña y un neñu
o que-y gusta que lu cunten, son pura poesía;
les infancies viven un mundu de metáfores,
d’aceptaciones, de permeabilidá…»
Julio Cortázar

«Adulces (poco a poco) te das cuenta
de lo que val la pena,
lo que se debe guardar el restu de la to vida,
y lo que nunca tendría d’entrar nella».
Charles Chaplin