IXUXÚ ツ Isa

Asturies escapa de la fola de calor, pero va algamar los 35 graos. El Principáu, al pie de Canaries, únicos puntos del país qu’eviten los avisos de l’Aemet.

Solo Asturies y Canaries escapen de la fola de calor, la segunda del branu, que pon n’alerta a más d’una trentena de provincies por temperatures d’hasta 42 graos, según la previsión de l’Axencia Estatal de Meteoroloxía (AEMET). Anque nel Principáu nun s’activaron los avisos por calor, sí espérense altes temperatures que nel suroccidente pueden llegar a los 35 graos.

Sigue leyendo «Asturies escapa de la fola de calor, pero va algamar los 35 graos» →

Les altes presiones atlántiques xuníu a baxes presiones alcontraes al sur del país, faciliten la entrada d’aire templao dende’l continente africanu qu’afecta de forma intensa a gran parte del país. Concretamente n’Asturies la situación va ser más moderada pero sí que se preven dellos díes de calor pudiendo superase los 30 ºC na rexón. El llunes vamos tener nubes altes mientres la mañana con enclín a estenase los cielos por completu a partir del mediudía. Va ser una xornada, polo tanto soleyera, anque pela nueche prevese la entrada de nubes baxes dende la mariña que van poder estendese escontra l’interior. La probabilidá de precipitaciones va ser nula. Les temperatures máximes van xubir hasta 6 o 7 ºC nel interior, y dichu ascensu va ser menos significativu na mariña. Les mínimes van xubir llixeramente n’altes zones del cordal, nun se refuga que baxen na mariña, y van caltenese ensin cambeos nel restu.

Sigue leyendo «El tiempu (El Comercio)» →

Vamos amanecer con dellos intervalos nuboso pero, a lo llargo de la mañana, van sumir por completu de forma qu’a mediudía va tar estenáu en prácticamente tol Principáu d’Asturies. La tarde va tar asoleyada y, namá nel tramu final del día, ye posible qu’apaezan delles nubes altes insignificantes. Les temperatures máximes van xubir sobremanera na metá occidental y tamién nel sur de la rexón. Nel restu, van caltenese ensin cambeos o, sía que non, podríen xubir pero llixeramente. Tocantes a les mínimes nun van variar respectu al sábadu, salvo en zones altes del cordal onde sí s’espera que xuban. Los vientos van soplar de nordeste con raches moderaes especialmente na mariña onde podríen llegar a rexistrase raches d’hasta 40 km/h.

Sigue leyendo «El tiempu (El Comercio)» →

Vamos amanecer con cierta nubosidá anque con más claros escontra’l sur del Principáu. Mientres les hores centrales del día les nubes van dir a menos hasta quedar los cielos prácticamente estenaos en tola rexón. Comoquier, a la fin de la tarde ye posible qu’apaezan nuevamente dellos intervalos nublos. La probabilidá de precipitaciones va ser bien baxa anque, sía que non, nun se refuguen dellos orbayos poco importantes na mariña pela mañana. Los vientos van predominar de nordeste con raches moderaes na mariña y fluexes nel restu. Tocantes a les temperatures, apenes s’esperen variaciones respecto al vienres. Les máximes van ser bien similares y les mínimes, sía que non, van xubir llixeramente nel interior central.

Sigue leyendo «El tiempu (El Comercio)» →

Esperamos empecipiar la xornada con poca nubosidá sacantes dellos intervalos de nubes baxes na mariña. A lo llargo del día vamos reparar como claramente van dir aumentando les nubes dende’l norte, estendiéndose escontra l’interior hasta acabar cubriendo tol cielu asturianu. A partir de la tarde, nun se refuga que puedan escapase dellos orbayos poco importantes que, anque van ser más frecuentes na mariña, podríen tamién acabar afectando a puntos d’interior. Los vientos van ser fluexos predominando de norte-nordeste con dalguna qu’otra racha moderada. Les temperatures máximes nun van variar respectu al xueves y les mínimes van baxar llixeramente na metá norte.

Sigue leyendo «El tiempu (El Comercio)» →

L’Aemet llanza un avisu especial pola fola de calor que llega a España: temperatures de más de 40 graos nestes zones. Alvertencia sobro les altes temperatures que van azotar al país nos próximos díes. Magar l’AEMET asitia l’entamu d’esta fola de calor nel domingu 3 d’agostu, señala que’l día nel que se van rexistrar les temperatures más altes va ser mientres el llunes 4.

Sigue leyendo «Fola de calor a partir del domingu 3 d’agostu» →

Vamos amanecer con nubes baxes na metá norte y con cielos más estenos escontra’l sur. A partir del mediudía vamos reparar como les nubes van sumir polo que’l sol va rellumar en prácticamente tol Principáu. Mientres la recta final del día les nubes baxes volverán apaecer dende la mariña. Nun se refuga dalgún orbayu pocu importante na mariña mientres la mañana. Los vientos van predominar de nordeste-norte fluexos con raches moderaes. Les temperatures máximes van ser idéntiques a les d’esti miércoles y les mínimes van xubir llixeramente un pocu.

Sigue leyendo «Estáu del tiempu (El Comercio)» →

Esperamos más nubosidad escontra la mariña y zones de la metá norte asturiana. Sicasí, nel cordal y otros puntos de la metá sur asturiana los cielos van tar más soleyeros pela mañana. A lo llargo de la tarde, les nubes acabarán estendiéndose por tola rexón. La probabilidá de precipitaciones va ser bien baxa, pero nun se refuga que pueda chispiar por momentos na mariña y zones próximes. Les temperatures máximes van ser prácticamente idéntiques a les del martes, sía que non podría producise dalgún descensu bien llixeru nel interior central del Principáu. Les mínimes tamién van ser un calcu a les d’esti martes, anque nun se refuga dalgún descensu tamién bien llixeru nel interior oriental. Los vientos van predominar de norte-nordés fluexos con delles raches moderaes.

Sigue leyendo «El tiempu n’Asturies (El Comercio)» →