Esti certame ye unu de los más importante a nivel internacional nel mundu de l’apicultura.
Sigue leyendo «El miel asturiano trunfa nos London Honey Awards»
Categoría: Premios
Opta al «Premiu 2021 a los Llibros Meyor Editaos en 2020».
Per primer vegada, una obra editada n’asturianu aspira al Premiu a los Llibros Meyor Editaos en 2020 qu’entama’l Ministeriu de Cultura y Deporte. FICHA: «Xosefa de Xovellanos. La Esbelta. La dama ilustrada de les Lletres Asturianes» de Vicente García Oliva e Ilemi Cuesta Mier
Una muyer seca bandexes de pexe nel mercáu
El pasáu 18 de marzu, el xuráu de los Sony World Photography Awards 2021, unu de los galardones más prestixosos del mundu, anunciaron los ganadores y finalistes en diverses categoríes. Nós escoyimos les imaxes «non profesionales» de la sección «viaxes», tantu la ganadora como les finalistes. Y vista la calidá, cualesquier diría que los sos artífices nun son fotógrafos que viven d’ello. ¡Regálate la vista coles meyores imaxes viaxeres del añu!
- Fonte noticia: Viajar, El periodico.com
Esta ye la semeya ganadora d’esta edición: una muyer seca bandexes de pexe nel mercáu de pexe de Long Hai na provincia de Vung Tau de Vietnam. Cientos de trabayadores ensuguen/sequen miles de bandexes de pexe nos teyaos y nos patios.
Premios AMAS honoríficu: «Felpeyu»
Felpeyu – Oficial ye un nome imprescindible del #folk asturianu y por eso tán acabantes de llevar el Premios AMAS honoríficu.
Una productora de Belmonte, Premiu nacional “TalentA”
Una productora de shiitake de Belmonte, finalista del premiu nacional “TalentA”. WEB: https://www.shiit-astur.com / Belmonte Miranda – Asturias /652337823 / info@shiit-astur.com
María Monge, que punxo en marcha va dos años la so empresa de producción de setas/cogordes en tueru de castañal y carbayu, foi escoyida ente 80 candidatures.
Sigue leyendo «Una productora de Belmonte, Premiu nacional “TalentA”»
XV Premiu de les Lletres n’Asturies
“Sentímonos arguyosos de premiar a los nuesos autores, pa que n’Asturies se sepa qu’equí hai escritores escelentes”, diz Esther García
XV Premiu de les Lletres n’Asturies, como recocimientu a una trayeutoria, foi pa Carmen Ruiz-Tilve, presente nel actu, anque tomó la pallabra por ella la so fía.
«Premiu 8 de marzu»
La periodista y escritora Aitana Castaño recibe’l ‘Premiu 8 de marzu’
El xuráu destaca la recuperación de la memoria d’una xeneración de muyeres col so llibru ‘Carboneres’
La nuesa compañera Aitana Castaño va recibir el ‘Premiu 8 de marzu’ que cada añu concede’l Conseyu Comarcal de Muyeres de la Mancomunidá de la Sidra. El xuráu valoró’l llabor de la periodista y escritora, de quien destaca la so llucha pola igualdá nos medios de comunicación y la recuperación de la memoria de toa una xeneración de muyeres que protagonicen el so últimu llibru, ‘Carboneres’.
Fundación Cuatrogatos 2021
Aquí están los libros ganadores del Premio Fundación Cuatrogatos 2021. La imagen que identifica al premio este año fue creada por el ilustrador ecuatoriano Santiago González. Consulten el folleto con los ganadores, finalistas y recomendados: https://bit.ly/3iVHFCs
- Fundación CUATROGATOS
- «Diariu de Simón» d´Editorial Pintar-Pintar!!!
- Ver noticicia blogue de Pintar-Pintar
/ 
Seleicionáu por parte de la «Fundación Cuatro Gatos» ente la so llista de los 100 meyores llibros en castellán d’Iberoamérica y Estaos Xunios.
Dolfo Camilo Díaz faise col Premiu de la Crítica d’Asturies de columnismu n’asturianu
L’Asociación d’Escritores d’Asturies. anunció yá los ganadores del Premiu de la Crítica d’Asturies de columnismu.
Efectuaes les votaciones correspondientes, el xurá concedió’l Premiu de la Crítica al Columnismo Periodísticu n’asturianu, a Dolfo Camilo Díaz, hestoriador, dramaturgu, escritor y Academicu de la Llingua Asturiana, al considerar y valorar la estraordinaria contribución aportada nos distintos campos de la cultura asturiana: Teatru, música, artículos nos distintos diarios del país, y d’epublicar ventisiete obres n’asturianu traducíes a dellos idiomes.
XXXVI Premiu Andrés Solar
Puru Remangu, la inciativa empresarial que comercializa ropa y otros productos con mensaxes n’asturianu resultó ganadora de la edición XXXVI del Premiu Andrés Solar. La Xunta pola Defensa de la Llingua Asturiana (XDLA) valoró de manera mui positiva l’usu de la nuestra llingua na imaxe, nes campañes y nos diseños reivindicativos, feministes y modernos que faen de Puru Remangu una marca reconocible y reconocida, yá tamién fuera d’Asturies. El so apueste pol asturianu tamién pudo vese nes sos redes sociales y conectó cola xente más mozo con iniciatives cuasi virales.
Sidoro Villa gana’l premiu Xosefa Xovellanos de Novela en llingua asturiana cola obra «El fervinchu»
La obra «El fervinchu», del escritor Sidoro Villa (Lieres, 1962) foi la ganadora de la cuarentena primer edición del premiu Xosefa Xovellanos de Novela en llingua asturiana. El gallardón, convocáu y concedíu pola Conseyería de Cultura, Política Llingüística y Turismu del Gobiernu d’ Asturies, tien una dotación de 5.000 euros.
El xuráu encargáu de valorar les obres, reuníu baxo la presidencia del director xeneral de Política Llingüística, Antón García, tuvo formáu pola promotora cultural Natalia González, el profesor Marcos Martínez, les escritores Marta Mori y Paula Pulgar, y el ganador de la edición anterior, Francisco Álvarez. Actuó como secretaria Lourdes Álvarez, filóloga de la Dirección Xeneral de Política Llingüística.
El xuráu quixo valorar bien positivamente’l númberu d’obres presentaes, doce, y sobremanera el “nivel escelente” de munches d’elles. L’acta esplica que la trama d’ «El fervinchu» “xira alredor de los llazos familiares y la so perduración nel tiempu, antes y depués de la muerte, nun contestu rural de desaniciu”. La obra, que puede considerase una novela coral, ta estructurada alredor de la güela, un papel protagonista concebíu como personaxe femenín d’una gran fortaleza y complexidá. El xuráu tamién destaca “la construcción del restu de personaxes, la so fondura psicolóxica y l’humor negru que percuerre tola obra”.
Sidoro Villa Costales ye profesor de primaria en el CP Xentiquina de Lieres, ilustrador y escritor. Tien publicaos llibros de lliteratura infantil y xuvenil como «Llibru de los suaños» (2007), «¡Nun-yos tengas perceguera!» (2004), «Mael al debalu» (2010), «Evaristo Valle, el pintor del antroxu» (2011), «Nun-yos tengas perceguera 2» (2016). También publicó les novelas «A estaya» (2016) y «Tres beyuscos» (2019).
- Noticia de Política llingüística del Principáu
- Semeya sacada del so muru de Facebook
Carmen Ruiz-Tilve, Premiu de les Lletres d’Asturies
Carmen Ruiz-Tilve Arias, Premiu de les Lletres d’Asturies
L’Asociación d’Escritores d’Asturies ta acabante anunciar que la escritora Carmen Ruiz-Tilve Arias ye la ganadora del XV Premiu de les Lletres d’Asturies. La entrega va producise en xineru si se dan les circunstancies sanitaries pa ello.
Ruiz-Tilve ñació’l 19 d’abril de 1941 n’Uviéu. Estudió Filoloxía Románica na Universidá d’Uviéu. La so Tesis de Llicenciatura trató sobre «El premio de novela Ciudad de Oviedo» y la so Tesis de Doctoráu foi un estudiu sobre «La obra narrativa de Dolores Medio», dambos trabayos empobinaos pol Profesor Martínez Cachero. Ye Caderalga, anguaño xubilada, de Didáctica de la Llingua y la Lliteratura na Universidá d’Uviéu, na qu’enseñó dende 1978. Ente 1980 y 1982 foi bibliotecaria, por oposición, na Facultá de Filoloxía d’esta mesma Universidá.
Al marxe de la so actividá universitaria, esplegó un ampliu llabor como articulista y como creadora, interviniendo con frecuencia en xuraos, principalmente lliterarios, y collaborando, al traviés de conferencies, charres y meses redondes, con delles instituciones y asociaciones culturales, asina n’Asturies como fuera d’ella, sopelexando les múltiples facetes de lo asturiano y uvieino.
Na so faceta lliteraria, publicó seis noveles, toes con Uviéu como escenariu, sol heterónimu de “Carbayo”: Crisantemos para todos (1994), La Edad de Oro (1995), Galería de Espejos (1998), Una Semana fuera del Calendario. (2000), espublizada enantes n’asturianu como Una Selmana fuera del Calendariu (1998), Cuentos Encadenados. (2001) y Las dos caras de Jano (2005).
Amás, asoleyó numberosos llibros d’investigación y divulgación sobre temática asturiana, como La vida comercial de Oviedo (1924-1935) a través de «Nosotros, los Rivero», La mujer asturiana en el trabajo tradicional, El Fontán, guía para nostálgicos, Alrededor de El Carbayón. El Campo se hace ciudad, Oviedo, en el Camino de Santiago, L’Uviéu de los años de posguerra (na obra colectiva Antonio García Oliveros, les palabres y los llibros), ente otros.
El so ampliu llabor como articulista na prensa asturiana mientres más de dos décades quedó compilada, nel casu de los sos “Pliegos de Cordel”, en seis tomos. Afaló y entamó, ente 2003 y 2016, el ciclu de conferencies de la Sociedá Uvieina de Festexos, alredor de la que se xeneró una avolumada y variada documentación divulgativa sobre la capital asturiana.
Recibió múltiples distinciones, ente elles el premiu Aula de Paz de la UNESCO, el Memorial «Muro de Zaro» de Comunicación 2005, la Paxarina d’Oru 2005, el V Premiu Timón (2014) y la Balesquida d’Honor (2016). Dende 2002 ye cronista oficial d’Uviéu, ciudá na qu’un colexu públicu, una cai y una sala de llectura lleven el so nome. Foi patrona de la Fundación Caveda y Nava que trabayaba pol consensu a favor de la oficialidá del asturianu.
«Memoria de Tuña» d’Antón García
«Memoria de Tuña», d’Antón García, meyor llibru n’asturianu del añu 2019 pa la Tertulia Malory
La Tertulia Malory, de L’Entregu, escoyó como meyor llibru n’asturianu de tolos que s’editaron nel 2019 la novela Memoria de Tuña, del escritor , editor y actual Director Xeneral de Política Llingüística del Gobiernu d’Asturies, Antón García.
El xuráu destacó, nel acta del fallu, «La novela guarda una unidá tonal, l’autor ye quien a construir, a partir de la señaldá y el sentimientu, un universu simbólicu, onde con emoción controlada facer un homenaxe al pueblu, la familia, la infancia y la tradición”, amás de la calidá de la producción lliteraria n’asturianu del añu 2019, lo que fixo que la decisión de premiar la novela d’Antón García se garrara por mayoría.
El gallardón consiste nuna ilustración d’Alfonso Zapico y una medaya conmemorativa, que se van entregar nun actu públicu en L’Entregu en feches próximes.
XII premiu Alfonso Iglesias de Cómic
Alberto Vázquez García gana’l XII premiu Alfonso Iglesias de Cómic en llingua asturiana cola obra «El sol na escombrera».
El xuráu destaca l’”enfoque realista, la propuesta sobria y el dibuxu personal y característicu” del autor, que narra nel so trabayu la vida d’un neñu de la guerra asturianu. La obra «El sol na escombrera», del creador Alberto Vázquez, consiguió’l Premiu Alfonso Iglesias de Cómic en llingua asturiana d’anguaño, falláu ayeri n’Uviéu. El dibuxante mierense yá llograra’l gallardón na so novena edición col títulu «Los llazos coloraos».
El xuráu, que valoró “la variedá y l’interés” de tolos trabayos presentaos, destaca “l’enfoque realista y la propuesta sobria” de la obra ganadora, que narra la vida de José Fernández Sánchez, un neñu asturianu de la guerra, “un tema poco tratáu nes artes visuales”, según puntualiza l’acta de la deliberación.
El fallu señala tamién la calidá d’“un estilu de dibuxu característicu y personal, yá consolidáu”, y la brillante ellaboración d’una obra envuelta nun tonu de señardá que reflexa a la perfección el de les memories del protagonista” nes que se basa’l cómic.