IXUXÚ ツ Isa

• Esperamos una xornada soleyera pela mañana en prácticamente tol Principáu d’Asturies.
• A lo llargo de la tarde va apaecer nubosidá d’evolución nel cordal que, anque nun va llegar a afectar a tola rexón, sí siquier va estendese pola metá sur asturiana. Estes nubes, anque va ser difícil, nun se refuga que puedan dexar dalguna precipitación débil y aisllao (especialmente nel cordal).
• Los vientos van ser fluexos nel interior, y moderaos de nordeste na mariña pudiendo algamar los 50 km/h.
• Les temperatures máximes van xubir ente 2 y 3 ºC de forma xeneralizada, anque nun se refuga que puedan xubir daqué más nel cordal oriental y l’estremu más occidental. Les mínimes van sufrir descensos llixeros y locales.

Sigue leyendo «Tiempu n’Asturies (El Comercio)» →

Esperamos una xornada nubosa con precipitaciones que van ser más probables y frecuentes mientres la mañana. A lo llargo de la tarde la inestabilidá va unviar y, amás, dirán abriéndose grandes claros empezando pola mariña y, finalmente, tamién nel interior. La cota de nieve va rondar los 1000/1100 metros a primeres hores de la mañana, xubiendo hasta los 1400 o 1500 metros col intre de les hores. Los vientos van predominar de nordeste con raches moderaes, sobremanera mientres la segunda parte del día. Les temperatures van baxar, tanto nel casu de les mínimes como nel de les máximes, de forma xeneralizada y llixera (hasta 1 o 2 ºC menos que’l llunes).

Sigue leyendo «Tiempu n’Asturies (El Comercio)» →

Empezamos la selmana cola irrupción d’una masa d’aire frío que se va dir enfusando n’Asturies a midida que meyora’l día. Los cielos van tar bien nublos con precipitaciones de calter débil pero xeneralizaes que, prácticamente, van tar presentes mientres tol llunes.

Estes precipitaciones van ser en forma de nieve cada vez en cotes más baxes. La cota de nieve va empezar sobro los 1800 o 1900 metros hasta’l mediudía. A media tarde yá va tar asitiada en redol a los 1500 o 1600 metros y, finamente, va nevar a partir de los 1200 metros a la fin del día.

Les temperatures, evidentemente, van baxar en tol Principáu. Tantu les mínimes como les máximes van ser más baxes que les del domingu. Los vientos van tar afitaos de norte-nordeste con raches moderaes preferentemente na mariña.

Sigue leyendo «Tiempu n’Asturies (El Comercio)» →

• Vamos concluyir la selmana con una xornada marcada tantu pola posibilidá de bastios como pol descensu de les temperatures máximes. Con éses prevense cielos nublos con bastios que, anque van afectar especialmente a la metá sur asturiana, nun se refuga que s’estiendan a otres zones de forma puntual. Estos bastios van poder venir acompañaos de nube y, inclusive, nun se refuga la posibilidá de xarazo. Los vientos van afitase de norte. Les temperatures van baxar nel casu de les máximes ente 2 y 3 ºC na mayoría de poblaciones asturianes. Les mínimes nun van esperimentar cambeos al respective de les anotaes el sábadu.

Sigue leyendo «Tiempu n’Asturies (El Comercio)» →

Esti sábadu esperamos una mañana soleyera en tol Principáu d’Asturies.

A partir del mediudía, vamos empezar a reparar la entrada de nubosidad que va llegar dende’l sur polo que la previsión meteorolóxica de cara a la tarde va ser bien distinta. Estes nubes van poder dexar bastios d’orixe tormentosu que van ser irregularmente partíos ya intermitentes. L’Axencia Estatal de Meteoroloxía va activar a partir del mediudía en tolos sectores de la rexón l‘avisu mariellu por posibilidá de fuertes agües (hasta 15 llitros per metro cuadráu nuna hora) y la presencia de xarazo.

Sigue leyendo «Tiempu n’Asturies (El Comercio)» →

Esperamos una xornada inestable anque tamién va haber momentos para ver el sol. La cercana umbada alcontrada al oeste de la mariña peninsular xenera inestabilidá meteorolóxica n’Asturies. Tou apunta a que se preven bastios d’orixe tormentosu antes del mediudía de forma local e irregularmente partíos.

Ello ye que l’Axencia Estatal de Meteoroloxía va activar l’avisu mariellu a partir del mediudía por posibilidá de rexistrar hasta 15 llitros per metro cuadráu n’una hora en cualquier puntu de la rexón. Amás, esti avisu tamién destaca la presencia d’aparatu eléctricu.

Tocantes a los vientos, van soplar de componente sur moderaos nel interior, con posibilidá de dalguna racha fuerte en zones altes del cordal, ente que na mariña van predominar de componente este.

Les temperatures, tres el descensu del xueves, van recuperase llixeramente salvu na mariña occidental y na oriental onde van xubir de forma daqué más significativa.

Pa la fin de selmana tamién esperamos inestabilidá con bastios que van ser más frecuentes mientres la segunda parte d’acaldía.

Esperamos una mañana soleyera n’Asturies y presencia de mayor nubosidad de cara a la tarde. Van ser nubes d’evolución que van empezar nel cordal y van estendese a otres zones de la rexón. Esta nubosidá podría dexar dalgún bastiu esvalixáu especialmente nel sur. Comoquier, dellos modelos apunten a la posibilidá de qu’estos bastios puedan afectar en mayor midida al sector oriental.

Los vientos van predominar de sur nel cordal con raches moderaes. Na mariña van afitar de componente este a partir del mediudía.

Les temperatures, tres el pasu del frente fríu na tarde-nueche del miércoles, van baxar de forma xeneralizada tanto nel casu de les máximes como nel de les mínimes. Amás, el descensu va ser significativu cuidao que se preven máximes hasta 4 o 5 ºC menos que’l miércoles en prácticamente toa Asturies.

El vienres va presentase xuna xornada inestable con probables bastios que, nesti casu, podríen aportar a localmente fuertes y acompañaos de nube. Los vientos van soplar de sur con mayor intensidá y les temperatures, eso sí, van xubir.

L’Aemet activa l’avisu mariellu a partir de les 16 hores d’esti miércoles en tola franxa sur del Principáu por riesgu de precipitaciones y nubes. /tiempo en Asturias

Vamos concluyir el mes con una xornada estable de primeres anque, na recta final del día, van llegar bastios pol suroeste que se van estender a otres zones d’Asturies. Con éses vamos amanecer con cielos pocu nublos o inclusive estenos. A lo llargo de la mañana van poder apaecer intervalos de nubes altes ensin importancia. Mientres la tarde yá van empezar a reparase nubes de tipu medio y, finalmente, el cielu va tar dafechu cubiertu.

Sigue leyendo «Tiempu n’Asturies (El Comercio)» →