«Encargu» María Esther García López
Categoría: Poesía
Dalgunos de los meyores poemes publicaos n’Asturies.
- rtpaoficial/ 👉Ver ‘Poemes Pieces’
-
‘Gochos’, Berta Piñán / https://youtu.be/spfl2jX-R2M
Radio Televisión del Principáu d’Asturies (RTPA) celebra’l Día Internacional de la Poesía con una programación especial na que se propón, a manera d’antoloxía audiovisual y col formatu de píldores, una repasada por dalgunos de los meyores poemes publicaos n’Asturies.
Sigue leyendo «Dalgunos de los meyores poemes publicaos n’Asturies.»
Poema: «El calendariu dicía» de Vanesa Liñero
✒️ «El calendariu dicía»
📚»Los versos que’l vientu nun se llevó»
de Vanesa Liñero
El calendariu dicía
qu’ella nun yera xunu nin xunetu,
nin agostu nin setiembre.
¡Que tampoco yera ochobre
anque adorara la llegada
de la estación serondiega!
Sigue leyendo «Poema: «El calendariu dicía» de Vanesa Liñero»
«Poesía yes tú» d’Asturies Capital Mundial de la Poesía
«Poesía yes tú» pa cellebrar el Día Mundial de la poesía
Nel Día de la poesía, la mio humilde aportación como mayesta d’asturianu a «Poesía yes tú» de «Asturies Capital Mundial de la Poesía.» Milenta gracies a Graciano García García y a Saitanlua Krista-Sai Ruiz por cuntar conmigo. Escoyí «Una casa» de la mio amiga Berta Piñán. 
Un honor y toa una responsabilidá. Espero que vos preste 
Emitiráse’l 11 el d’abril na TPA, xustu enantes de les noticies.
Un honor poner voz al perguapu poema «Una casa» de Berta Piñán ✒️ ,
en «Poesía yes tú» d’Asturies Capital Mundial de la Poesía. 💜
Sigue leyendo ««Poesía yes tú» pa cellebrar el Día Mundial de la poesía»
Selmana de la poesía na TPA
Fonte: TPA/
La bayura/riqueza d’un pueblu mídese pola cultura que tien
Asturies, capital mundial de la poesía
- «Una casa» de Berta Piñán/ Isa Lobo
POEX Xixón, charra y lectura poética de tres grandes plumes asturianes: Piñán, Castañón y Torres
Esfrutando de charra y lectura poética de tres grandes plumes asturianas . Berta Piñán, Sofía Castañón y Sara Torres POEX Xixón, CCAI.
«Poesía aPAZible», para celebrar el Día Mundial de la Poesía
Acompañando a l’Asociación d’Escritores d’Asturies ✒️ en «Poesía aPAZible», para celebrar el Día Mundial de la Poesía. 🎤 Un placer, siempres 😉 Ver publicación.
Poesía del autor italianu Gianni Rodari, el magu de les palabres.
«Les Palabres»
Tenemos palabres para vender,
Palabres para mercar,
Palabres para faer palabres.
Busquemos xuntos palabres para pensar . . .
Tenemos palabres para asonsañar,
Palabres para mancar,
Palabres para faer rebelgos.
Busquemos xuntos palabres para amar . . .
Tenemos palabres para llorar,
Palabres para callar,
Palabres para faer ruiu.
Busquemos xuntos palabres para falar.
«Versos d’Asturies»: la tercer edición d’un poemariu que sigue enamorando.
El poemariu infantil «Versos d’Asturies», escritu por Daniel García Granda y ilustráu por Ilemi Cuesta Mier, torna a les llibreríes con una tercer edición en llingua asturiana. Un regresu afayadizu que confirma la bona acoyida d’esta obra ente los llectores, asina como l’interés creciente pola lliteratura infantil n’asturianu.
Poema de Nené Losada
Néne Losada Rico (L.luarca 1921-2009) Ver Wikipedia
las mías…
María Balbín, una de les pioneres de la lliteratura n’asturianu
- Nel Día de la Muyer 2019 queremos dar a conocer a delles de les pioneres de la lliteratura n’#asturianu.
Porque les nueses escritores clásiques han conocese más. #DíaDeLaMuyer
Sigue leyendo «María Balbín, una de les pioneres de la lliteratura n’asturianu»
Poema: «El calendariu dicía»
✒️ «El calendariu dicía»
📚»Los versos que’l vientu nun se llevó»
de Vanesa Liñero
El calendariu dicía
qu’ella nun yera xunu nin xunetu,
nin agostu nin setiembre.
¡Que tampoco yera ochobre
anque adorara la llegada
de la estación serondiega!
Ensin duldar, ella sabía
que tampoco yera payares
nin avientu nin siquiamente
xineru y febreru.
Ella yera marzu.
Güei sabe y seguro que tu tamién,
que toos somos cada mes
coles sos hores, estaciones
y fueyes d’un almanaque
que pasen y pasamos.
Porque ¿qué sería de nós
ensin sumar esistencia a la vida?
Poema d’Inaciu Galán «Mete mieu»
Preséntase en Xixón POEX 2025, del 13 al 21 de marzu
- POEX/ Cartelu / #POEX /PROGRAMACION/ web / Concursu Videopoemas 2025
Presentámosvos el cartelu d’esta edición de POEX2025, realizáu pol estudiu de Juan Jareño. Una imaxe na que la suma de plumilles representa la suma d’autores y autores que xuntos constrúin la mirada POEX2025. El so oxetivu ye promover l’alcuentru de los distintos enclinos actuales de la poesía dende una perspectiva amplia ya integradora que vaya más allá de la lletra impresa amosando los distintos llinguaxes poéticos nes sos diverses espresiones artístiques.
«Sueñu / Suañu» de Pablo Texón
(Ver videu) Poema de Pablo Texón
Na mio llingua
estremamos
el sueñu del suañu.
El primeru átanos al suelu,
ponnos piedres nos bolsos
pa que nun nos mueyen
les nubes cargaes.
El segundu llévanos a
trescombar
los cumales inalcanzables
con reblagos alegres.
Hai un momento,
cuando’l día, mansu, declina,
en que’l suañu garra
de la mano
al sueñu
y nesi eclipse d’estraña
guapura crepuscular
despunta un arrebatu de llucidez
y pasamos a dormir
y trancamos la puerta
y trancamos les puertes.
Tou preparáu escontra’l cume mundial de la cultura: «Poesía yes tú»
Esti añu celebrarélo con micrófonu y na TPA leyendo n’asturianu a una de les grandes poetes de la nuesa lliteratura n’asturianu. Nun escribo (prestaríame, pero non) Almiro y aplaudo a quienes faen arte coles pallabres.
II premiu Letra Versal de Poesía 2024
Tercer vegada qu’acompaño a Fran Fernández Álvarez. Nesta ocasión, na presentación n’Uviéu de «Todos los nombres beben», edición bilingüe n’asturianu/castellán y II premiu Letra Versal de Poesía 2024. 
Sollertes a esta promesa na poesía mozo n’asturianu 
- Instagram / Kafka & Co Librería /
-
Isa Lobo está con Kafka & Co y Letraversal Poesía.
«Poesía yes tú»
? Grabando… ??️ ✍?? Güei tocó tar tras la cámara. Agradecida por poder collaborar nesti fantásticu proyectu «Poesía yes tú» ? d’Asturies Capital Mundial de la Poesía ??? TPA
Poema «Una casa» de Berta Piñán
Una casa
Llevantar una casa que seya como
un árbol, como Dafne crecer peles
sos cañes, sentir les estaciones, la fueya
nuevo depués de la ivernera, les frutes primeres
del branu. Una casa que seya como un árbol,
qu’aguante los rellampos, qu’escample
la pedrisca, qu’espante lloñe la ventolera xélido
del tiempu.
Llevantar una casa que seya como
un ríu, navegable y llixera, mudable,
pasaxera, beber de les sos fontes parame peles
poces, correr colos regatos. Una casa que seya
como un ríu, qu’arrastre la derrota,
qu’arramque’l dolor de les sequres y lu lleve
pel rabión, agües abaxo.
Llevantar una casa que seya como
un mundu, andar les xeografíes de pasiellos,
cordales d’escaleres, les ventanes abiertes,
les pontes, los caminos. Sentame na antoxana
a ver andar la vida, una amiga, un país,
una llingua, saludar un instante
cuando pasen.
Llevantar una casa que ponga’l nuestru
nome, les señes qu’un día enquivocamos,
una palabra, un rostru, la memoria d’aquello
que quiximos,
y asina, llevantar una casa namás, que
por si vuelves.
TROZOS / CACHOS (2.ª ed.)
978-84-10345-30-0
216 pp. / 16 x 22,5 cm / 22 €
«Los xarrones de l’alcordanza»
Compártovos esti videu nel que recito unu de los mios primeros poemes, «Los xarrones de l’alcordanza», dientro del proyectu Escaparates DiVersos. Espero que vos preste. #poesía #asturianuTríu de poemes de Marisa Martínez Pérsico
El director de la Residencia Lliteraria Xixón, Inaciu Galán, traduz un tríu de poemes de Marisa Martínez Pérsico, residente nel mes de payares. Dempués del pasu de la escritora arxentina Marisa Martínez Pérsico (Buenos Aires, 1978) per Asturies, dientro del programa de residencies creatives de la Residencia Lliteraria Xixón, ufrimos trés poemes traducíos al asturianu por Inaciu Galán.
LES PALLABRES Y LES COSES
Visitamos, María, un país ayenu
agora que sabes lleer.
Nun hai cartelu que nun pase l’aduana los tos güeyos:
«Bistro Viena» «Muzeul de Istorie» «Anticariat»
Vas solletriando’l mundu con sorpresa,
cansada y tatexante mientres fundes
una antigua ciudá pola pallabra.
«Sa-el to / ma-re» «Ba-ia / ma-re» «Stru-del / me-re»
Vas sentir nel cuerpu’l desengañu,
que ye un arcu tendíu
ente’l verbu y la idea,
lo arbitrario qu’anueda los nomes a les coses
en futuros destinos que t’aguarden.
¿Qué nos diz una imaxe acústica d’un suañu?
¿De la risa? ¿El silenciu? ¿Les mentires?
¿D’un arume?
¿Del color azafrán?
«Biserica» «Patimilor» «Catedrala»
De la mano cruciamos les esquines d’un idioma estranxeru.
Nun basta un alfabetu
p’atopar sentíu.
«Engranda la puerta, padre,
porque nun puedo pasar;
ficístela pa los neños,
yo crecí al mio pesar.
Si nun m’engrandes la puerta,
achícame, por piedá;
vuélvime a la edá bendita
en que vivir ye suañar».
Miguel d’Unamuno
Poema «La vida ye vivir»
«La vida ye vivir,
ensin esperar nada a cambéu,
ye ser feliz nes bones
y nes males nun dexar d’intentalo.
La vida ye bien curtia,
tan solo ye un ratu,
un baille ensin coreografía
para baillalo descalzu.
Puedes baillar a soles
o baillar agarráu,
puedes baillar apriesa
y puedes baillar bien adulces,
pero cuando suenen les notes,
cuando escuches un cantar,
bailla, bailla, bailla
y sigue baillando.”
Fernando García
L’añu 2025 va avanzar versu a versu «Poesía yes tú»
«Poesía yes tu: la riqueza d’un pueblu
midise pola cultura que tien»
Una iniciativa ensin precedentes. L’añu 2025 va avanzar versu a versu y con un gran alcuentru de poetes n’Uviéu «Asturies, capital de la poesía» va axuntar a 45 poetes n’Uviéu, con Amancio Prada a la cabeza; cada unu va lleer un poema y depués, a lo llargo del añu, van ser emitíos pola televisión del Principáu, la TPA. Laude Martínez va encargase de la producción de televisión. Fonte: LNE
«Vinimos a esti mundu a harmonizar diferencies» Facundo Cabral
Sigue leyendo «L’añu 2025 va avanzar versu a versu «Poesía yes tú»»
Ainhoa Arteta llena de «Versos en Navidá» a los asturianos nel Teatru Campoamor d’Uviéu
Ainhoa Arteta enguapez la Navidá con un conciertu memorable nel Campoamor. La soprano entusiasma al públicu qu’atarraquitó’l teatru uvieín y epondera una propuesta poética que sirve «de patria para tol mundu» dende «esta formosa tierra»
Ainhoa Arteta con Javier Carmena al piano.
- Fonte: LNE / semeya de Luisma Murias
- Ainhoa Arteta: wiki / web / semeyes /
- Entrevistes: El Comercio /
El teatru Campoamor vistióse anueche de gala para acoyer el tradicional conciertu navidiegu entamáu per Asturies, capital Mundial de la Poesía«, el proyectu abanderáu pol periodista y director eméritu de la Fundación Princesa d’Asturies Graciano García, que la so finalidá ye, como espresó la mesma Ainhoa Arteta al entamu de la velada, «enguapecer más si quepe esta formosa tierra y sirvir de patria para tol mundu».
Una poeta mierense espunta n’España formando parte del premiu «Adonáis» de poesía
- Fonte: LNE / artículu LNE /
- María Fdez. Abril: wiki / RTPA Pieces «La quema» / Uniovi /
Una poeta mierense espunta n’España: María Fernández Abril crucia con Caperucita una «atrevida» sienda. La escritora asturiana, nacida en 1992, recibe unu de los accésit del premiu que ye la cantera de les nueves voces de la poesía española: «Asturies puede presumir de tener munchos y bien bonos poetes».
Sigue leyendo «Una poeta mierense espunta n’España formando parte del premiu «Adonáis» de poesía»
«Evocación del iviernu» d’Aurelio González Ovies
Esta hora de la vida
güel a mazanes asaes
y a mes xelizu.
Tou senciellu y grande.
Tou nel so sitiu.
Ta la nueche escura y hai umbada.
Ta la casa llena de ciñu,
l’agua fora y
el fueu amburando.
Sigue leyendo ««Evocación del iviernu» d’Aurelio González Ovies»
Poema «Una casa» (Berta Piñán)
Una casa
Un mes, 2002, Ediciones Trabe
Llevantar una casa que seya como
un árbol, como Dafne crecer peles
sos cañes, sentir les estaciones, la fueya
nuevo depués de la ivernera, les frutes primeres
del branu. Una casa que seya como un árbol,
qu’aguante los rellampos, qu’escample
la pedrisca, qu’espante lloñe la ventolera xélido
del tiempu.
Entrega de Premios Lliterarios en Llingua Asturiana 2023
Entrega de Premios Lliterarios en Llingua Asturiana 2023 de la Conseyería de Cultura, Política Llingüística y Deporte.
Amás d’acudir a ver les obres teatrales premiaes, consumir poesía n’asturianu y, sobremanera, «lleer, lleer y lleer»toa está producción lliteraria premiada. 
Poesía: «Plizcos» (Alfredo Garay)
- Pieces RTPA Videu / @alfredo_garay_menendez
-
Minutu 39, Plizcos / https://www.rtpa.es/video:Pieces.–T.18-Cap.-45…
Poema: «Les manes de mio güela»
LES MANES DE MIO GÜELA
Siempre me maraviyaron.
Cuando aletiaben al falar,
cuando retorcíen la bayeta
o cuando dormíen, una enriba la otra,
dulces nel somantu,
yo miraba les míes disimulao
-tan llises, tan blanques, tan de bona neña-
tratando d´albidrar
en qué momentu de la vida
nacieren nes d´ella
aquelles curves gordes,
escures y un poco siniestres;
ríos guetando´l so mar.
Nunca lo supi
pero…
la mio sangre yá llate agora
tamién
a flor de piel.
Elvira Laruelo
Poesía de Berta Piñán
«Escaparates diversos» de poesía en Candás (Carreño)
- David Fueyo está en Candás.
Sí, los míos erros faen música, solo quédame baillala.
Poema recitáu por cuenta de la esposición «Escaparates diversos» que va tener llugar en Candás (Carreño).
Poemes nos escaparates, poemes en Candás
- Inaciu Galán está en Candás.
Poemes nos escaparates, poemes nes sales d’esposiciones, #Candás enllenu poemes n’#asturianu con #EscaparatesDiVersos.
Así remata el @qed.poesia deste 2024
Esfrutando del Ciclu de Poesía QED na Biblioteca d’Uviéu con Miguel Rodríguez Monteavaro y tres poetes: Francisco Fdez. Álvarez / Berta Piñán y Marta Eloy-Cichocka.
Francisco Fdez. Álvarez / Berta Piñán y Marta Eloy-Cichocka.
Un llibru de cantares: «Lo que había guardado» d’Alfredo González
Esfrutando con Alfredo González Fláquez e Ivo Perez na presentación en Librería Matadero Uno (Uviéu) de «Lo que había guardado». Ilustraciones de Samuel Castro y prólogu de Berta Piñán. Divertida y amena conversación d’estos dos grandes artistes y, sobremanera, «AMIGOS». VIDEU
Berta Piñán, nel prólogu: «Ye un llibru de música onde la música calla, un llibru de cantares onde’l ritmu que resuena ye’l de la palabra escrita, l’ecu de les rimes al escuchu, el golpetéu de la tinta sobre’l papel».
Sigue leyendo «Un llibru de cantares: «Lo que había guardado» d’Alfredo González»
Presentación del poemariu «Fondures» de David Fueyo
«Caminar»
Nun hai namás escuru que la mina y les sos fondures
entamada nel corazón d’esta tierra ensin sol
que guarda una ayalga nes sos coraes,
pan pa munches families, identidá y llucha obrera;
que nun teníamos nin oru nin plata
teníamos xente trabayadora y carbón.
Sigue leyendo «Presentación del poemariu «Fondures» de David Fueyo»
Entrega XXII Premio de poesía Afundación
O poeta asturiano Miguel Rodríguez Monteavaro, da comarca do Eo-Navia, recibe o galardón do XXII Premio de Poesía Afundación polo poemario “Cortar pescado en Manila”, co apoio da Xunta de Galicia.
- Videu / Miguel Rodríguez Monteavaro
- Dellos recortes de prensa da entrega del Premio de poesía de Afundación (@afundacion_org). en Centro ABANCA Obra Social.
Muitas gracias a toda a xente que foi al acto da entrega del XXII Premio de poesía Afundación (@afundacion_org). Foi úa marabilla poder celebrar coa mía xente un día tan importante. Deixo dellas fotos del acto.
Taller lliterariu «Creación y interpretación de poesía»
- La Residencia Lliteraria Xixón entama’l taller lliterariu «Creación y interpretación de poesía» col escritor Miguel Rodríguez Monteavaro.
- L’actividá va celebrase’l domingu 22 d’avientu de 11 a 13 hores nel LABShop, mercáu d’arte y cultura de la LLABoral Centru d’Arte y Creación Industrial de Xixón.
- Les inscripciones, a 30 euros por persona, tán abiertes nel corréu info@lliterariaxixon.com.
Sigue leyendo «Taller lliterariu «Creación y interpretación de poesía»»
«Palabres» de Lurdes Álvarez
Equí amamos l’asturianu. «Palabres» Lurdes Álvarez
En casa”, del poemariu “Nes ruines de la nueche y les hores”
«En casa”, del poemariu “Nes ruines de la nueche y les hores”
(Ediciones Trabe) Premiu Fernán Coronas
Inaciu Galán
«Llarga vida a los cuentos», Ana Rossetti
«Si los cuentos nun se cunten,
llueu se van escaeciendo;
palabres sobro’l sable
que la marea borró.
L’olvidu ye como un virus
que al discu duru taramia y
tola información
nun intre bórrase.
XXXIII Premiu Teodoro Cuesta de Poesía para «Rumbu» d’Alfredo Garay
LA ESPERA del poemariu «Plizcos»
«Solo guardo un versu
que valga la pena:
Tu»
- Alfredo Garay Menéndez algama’l premiu Teodoro Cuesta de Poesía
- Fonte: La Voz / Alfredo Garay Menéndez / IG / BaxAmar / Entrevista Nortes /
El xuráu escoyó el poemariu «Rumbu», un trabayu que fai un homenaxe a la xente marinero. Alfredo Garay Menéndez resultó ganador del Premiu Teodoro Cuesta de Poesía, qu’entama’l Conceyu de Mieres, na so XXXIII edición, con Rumbu. El xuráu, reuníu esti miércoles, escoyó esti poemariu ente los 14 presentaos, destacando la voz poética dende la que ta construyíu, asina como’l so tonu llíricu que recalca’l simbolismu, nun trabayu que fai un homenaxe a la xente marinero.
Sigue leyendo «XXXIII Premiu Teodoro Cuesta de Poesía para «Rumbu» d’Alfredo Garay»
Güei dir a un muséu ye’l mio trabayu;
Col envís de saludar a los colores que viven ellí,
a les lluces y les solombres
pa escaecer el pasáu y
imaxinar el futuru.
Otra poesía n’asturianu: Lola Koundakjian
Haikus «Pola sienda del vientu» (Mª Esther García)
Festival de Jazz y Poesía d’Avilés (10 de payares)
D’hoi en siete díes, entama’l cuartu FIFTY-FIFTY FESTIVAL de JAZZ Y POESÍA d’Avilés, y resulta ser que nun rinconucu de privilexu [ente músicos, escritores y rapsodes de primerísima fila], el DOMINGU 10 a les 13:00 hores, voi tar defendiendo la musicalidá poética del #ASTURIANU, a la vera de les fermoses y afinadísimes lletres de Leire Bilbao n‘#EUSKARA, y Alba Cid en #GALEGO.
Poema “Tierra podre”
Nun podía dexar de celebrar el Día de la Muyer Rural. Fáigolo col poema “Tierra podre”, que dio títulu al mio primer poemariu (Ediciones Camelot, 2016) y cola semeya de la mio tataragüela Dolores Miyar Fernández, cocinando n’Amandi, Villaviciosa.
Poema: “Lleer, lleer, lleer, vivir la vida”
“Lleer, lleer, lleer, vivir la vida”
Lleer, lleer, lleer, vivir la vida
qu’otros suañaron.
Lleer, lleer, lleer, l’alma escaez
les coses que pasaron.
Quédense les que queden, les ficciones,
les flores de la pluma,
les soles, les humanes creaciones,
el posu de la espluma.
Lleer, lleer, lleer; ¿voi ser llectura
mañana tamién yo?
¿Voi Ser el mio ceador, la mio criatura,
voi ser lo que pasó?
Miguel de Unamuno (1864- 1936)
Poesía asturiana, fecha n’Asturies
Poema de Rosa Cunqueiro («Antoloxía d’Escritores asturianes»)
- Fonte: blogue La Reversible /Lurdes Álvarez está con Carlos Vitale.
Rosa Cunqueira (seudónimo de Rosa Rodríguez) nació en Degaña (Asturias) en 1971 y murió en Padua (Italia) en 2024. La mio cariñosa alcordanza pa Rosa, na tradución d’esti poema col que participó na «Antoloxía d’Escritores asturianes» publicada pol Principáu d’Asturies nel 2017. Va tamién l’agradecimientu a Carlos Vitale por dar visibilidá a la poesía asturiana nel so blog de poesía maraviosu, La reversible. L. Álvarez
TOU
Tou cansada dafeitu
cansada d’escuitar
rendida nos recuerdos
atristecida namás.
Tou descalza con zapatos
sucia d.davada con xabón
anueitada sin suenu
ya viva sin compasión.
Tou xubindo sin ser cuesta
cantando sin corazón
rinxindo sin ad.degría
murindo ya sin dolor.
Tou cad.dando con palabras
xelada ya con el sol
desesperada nel alma
desnuda ya sin pudor.
Tou aveirada del cielu
trabachando sin sudor
volando sin ser páxaru
falando sin tener voz.
Tou chorando sin d.dágrimas
fonte seca por dientro
reposando na solombra
viva ya sin ad.dientu.
Sigue leyendo «Poema de Rosa Cunqueiro («Antoloxía d’Escritores asturianes»)»
«Poética d’Un Carbayu»
Esta ye Ángeles Carbajal, poeta d’Argüelles con múltiples publicaciones premiaes. Nesti vídeu Ángeles fálanos de lo que ye la poesía y del so poema Bardial, musicáu por Tierra (Ana Lamela) en Poética d’Un Carbayu:
“La poesía es para mí muchas cosas, pero quizás las principales sean estas: es una búsuqeda de conocimiento y de expresión de la propia experiencia vital, una forma de sostener la autoconciencia del yo, la propia consistencia del ser. Así que confesaré que no escribo para que me quieran, que escribo porque me quiero.”
Poema «Señardá» Ana Vanessa Gutiérrez
«Sentíte falar con señardá
de la tierra que nun tienes,
de la neñez perdida.
Yo, llonxana,
como siempre,
nun acertaba a falar:
pensaba que, si la patria ye un temblor,
tu yes munches,
munches veces
patria mía»
Ana Vanessa Gutiérrez
«Un poema de Simún» (Nuria Vilana)
Un poema de Nuria Vilana tornáu al asturianu por pablo X. Suárez.
Incluyíu nel poemariu ‘Simún’ (Chan da Pólvora Editora, 2022). VER Imaxe
Incluyíu nel poemariu ‘Simún’ (Chan da Pólvora Editora, 2022). VER Imaxe
Poética d’Un Carbayu: «Bardial»
Esta ye Ángeles Carbajal, poeta de Argüelles con múltiples publicaciones premiaes. Nesti vídeu Ánxeles fálanos de lo que ye para ella la poesía y del so poema Bardial, musicado per Tierra en Poética d’Un Carbayu:“La poesía ye pa mí muches coses, pero quiciabes les principales seyan estes: ye una búsqueda de conocimiento y de expresión de la propia experiencia vital, una forma de caltener la autoconciencia del yo, la propia consistencia del ser. Asina que confesaré que non escribo pa que me quieran, que escribo porque me quiero.”
86º aniversariu del asesinatu del poeta Federico Gª Lorca
Güei, 18 d’agostu, el 86º aniversariu del #asesinatu de Federico García #Lorca a manos del exército franquista.
Ensin ningun vientu, faime casu. Xira, corazón. Xira, corazón
“Hai almes qu’unu tien ganes d’asomarse a elles, como a una ventana llena de sol.”El más tarrecible de los sentimientos ye’l sentimientu de tener la esperanza perdida.
- Federico Gª Lorca: wiki / semeyes / BIO pa neños / meyores frases /
Sigue leyendo «86º aniversariu del asesinatu del poeta Federico Gª Lorca»
«Surdiversu», una antoloxía completa de poesía n’asturianu
Cartelu /
Un percorríu pel últimu mediu sieglu con poemes selecionaos de más d’un centenar d’autores. ‘Surdiversu’ ye una ventana abierta al cosmos completu de la poesía asturiana.
Sigue leyendo ««Surdiversu», una antoloxía completa de poesía n’asturianu»
Fantástica presentación de «Plizcos», l’ultimu poemariu del pixuetu Alfredo Garay
Fantástica presentación ayeri de Carlos Suárez M. en Cuideiru de «Plizcos», l’ultimu poemariu espublizáu por BajAmar editores d’Alfredo Garay Menéndez y portada de Leticia González Díaz. Déxovos estes semeyes de recuerdu d’una tarde prestosa de reencuentros y abrazos entrañables, amás de bona poesía n’asturianu.
Poema «Azul» Mª Esther García López
Siento nesti llugar azul
la to voz que me llama.
Porque me namoré de ti,
de ti,
de la to paz, cuando la calma,
del to fustaxe cuando t’engafas.
Siento’l run run na fondura.
Siento’l xiblu de la brisa.
Siento la voz de la gaviota.
Y los páxaros del augua
qu’escucan alredor
de los míos xuegos,
de los tos xuegos.
Siento amor nes orielles de la nueche.
Yo equí,
tu equí.
Los dos,
aniaos ente placeres.
Quiero abrazar el silenciu y la tormenta,
la brisa azul,
y la galerna.
Y recibir l’alborada
equí,
equí contigo.
Yo y ti.
Tu y mi.
Sí.
Siempre contigo.
Siempre.
Andanciu / Andancia. 2023. E.Trabe
Poesía vertical (Roberto Juarroz)
«Les palabres nun son talismanes.
Pero cualquier cosa puede transmutarse
en poesía si la toca la palabra indicada.Nun ye asuntu de maxa nin d’alquimia.
Trátase de pensar d’otra miente les coses,
apalpar otra manera,
abandonar les palabres que les usen
y allegar a les palabres que les canten,
les palabres que les llevanten nel vientu
como clavos amburando nel plasmu.Estaques convertíes n’estrelles,
zapatos para calzar crucifixones,
cegueres abiertes nel llombu del día,
visiones reservaes para volver espertar,
tenrures que se retarden para salvar l’amor.Trátase solamente de crear otra voz:
la voz ausente adientro de les coses».
«Plizcos» d’Alfredo Garay
INTENCIÓN
Colo fácil que diba ser
coyer pallabres d’otru y regaláteles.Y yo empéñome n’escribite poemes.
ENTÁ VIVES EN MI
Nunca vas saber que la to alma viaxa
Dulcemente abelugada no fondero del mio corazón,
Y que nada, nin el tiempu nin la edá nin otros amores,
Va Torgar qu’esistieres.
Agora la guapura del mundu toma la to cara,
Alimentase de la to dulzura y engalánase cola to claridá.
El llagu pensatible al fondu del paisaxe
vuelve falame de la to serenidá.
Los caminos que siguisti, güei señálenme’l míu,
Anque enxamás vas saber que te llevo conmigo
Como una llámpara d’oru para allumame’l camín
Nin que la to voz entá trespasa la mio alma.
Nidia antorcha los tos rayos, duce foguera’l to espíritu;
Entá vives un pocu porque yo sobrevívote.
Marguerite Yourcenar
Poesía de Manuel d’Andrés
AMBIENTE ENGAFENTÁU
Güei ye un día pertriste.
Llora la mañana al riscar l’alba.
L’espaciu empápase d’orbayu.
El cielu tapezse con fantasmales nubes.
Esbarien llárimes siderales so la tierra esponxada.
L’ambiente ye de murnia y coruxía.
Los parques tan güérfanos de neños y de vieyos.
Los paxarinos abellúguense pente les cañes ensuches.
Les palombes esmuciéronse per nun se sabe ónde.
Les gaviotes asitiáronse nel so espaciu.
Na tarde prieta sigue lloriscando’l cielu.
Les nubes ximielguen descomanaos bastiazos.
Les negrures tapecen el llonxanu horizonte.
Y la nueche cubre col so mantu la ciudá.
Les llárimes tán a puntu de surdir.
MÁS DE 700 POETES TORNÁOS AL ESPAÑOL O DEL ESPAÑOL.
BLOG «LA REVERSIBLE» /EDICIÓN BILINGÜE
BLOG «LA REVERSIBLE» /EDICIÓN BILINGÜE
Enllaz al poeta: https://lareversible.blogspot.com/…/ANDR%C3%89S%20FERN…
Enllaz al blogue: http://lareversible.blogspot.com
¿Qué ye’l teatru pa ti?
#FedericoGarcíaLorca definíalo como «la poesía que se llevanta del llibru y faise humana». Con esta bella descripción d’unu de los xéneros que-y fixo universal, recordamos al escritor de Fuente Vaqueros nel 126 aniversariu de la so nacencia. Imaxe
El teatru ye la poesía que se llevanta
del llibru y faise humana.
Y a’l faese humana,
fala y glaya, llora y desespérase.
Presentación de «Surdiversu» na La Laboral, Xixón
Pieces VIDEU / «Surdiversu. Antoloxía de 50 años de poesía asturiana». Inaciu Galán
- PROGRAMA PIECES TPA/ BERTO GARCÍA – SURDIVERSU
Sigue leyendo «Presentación de «Surdiversu» na La Laboral, Xixón»
‘Surdiversu’, una antoloxía completa de poesía n’asturianu
Berto García presénta ‘Surdiversu’, una antoloxía completa de poesía n’asturianu
Un percorríu pel últimu mediu sieglu con poemes selecionaos de más d’un centenar d’autores
‘Surdiversu’ ye una ventana abierta al cosmos completu de la poesía asturiana. Un brinde pa conocer a los poetes dende’l Surdimientu.
Alfredo Garay, Xuan Xosé Sánchez Vicente, Xuan Bello, Berta Piñán, Marta Mori, Raúl Alonso, una antoloxía de 131 autores que reflexa la evolución d’esta música escrita
La selección de los poemes tien el sellu de la conocencia de Berto García, con un criteriu oxetivu pa escoyelos: tener un poemariu editáu en llingua asturiana.
ADIÓS
Dexar atrás la casa onde viviste
sabiendo qu´a partir d´agora
les tos palabres,
los tos pasos
y les voces de los que quies
yá van ser namás ecos
rondando ente telarañes;
que´l golor a zerrao
y a humedá
será agora´l so perfume;
que los muebles van guardar
xunto al polvu
la to memoria…
Despidise ye siempre
morrer
a sorbos d´amargura.
Elvira Laruelo
Poema d’Elvira Laruelo
Dalgo de poesía…
«Sé tu la mio llende» (Sé tú mi límite)
El to cuerpu puede
enllenar la mio vida,
como puede la to risa volar
el muriu opacu de la murnia.
Amanez vienres
mientres t’espero.
(Ye llamativu que bailla más la lluz
sobre la mar
cuando ta en calma).
Yo tamién:
Sutrípaseme’l pensamientu
cola certeza del to calecer.
Equí.
Naguándote.
Poema: Amanez vienres
«Nun hai namás vivu qu’un poema»
Diz Marisa López Diz que «Nun hai namás vivu qu’un poema» y ye ciertu porque, amás, va ser eternu… Ta tarde esfrutamos de la so poesía y de la so música, n’asturianu y portugués, aficionaos, nuevos y colegues poetes. Gracies
- Fonte: LNE /
- Marisa López Diz: Dúo Mestura blogue /
- L’ALMA ALBENTESTATE: Programa Pieces, xunetu 2019
Marisa ye poeta, narradora, cantante, compositora, profesora y inclusive cineasta. Tienen un bon númberu de premios, como’l María Josefa Canellada o’l Teodoro Cuesta, Nené Losada y una montonera más, más de cincuenta. Agora’l Premiu Cálamo de Poesía Eróticaque promueve la Sociedá Cultural Gesto.
Versos recitáos por Rosa Cunqueira
Poemes n’asturianu
Álbumes illustraos
Dacuando asoceden
mentires tan ciertes,
dacuando pásennos
verdaes tan pures.
Aurelio G. Ovies
Poemas: «Teníemos un Palaciu»
TENÍEMOS UN PALACIU
Teníemos un Palaciu…
Frayánonnos les ventanes con grandes mayos de fierru.
«Nun vos preocupéis», dicíennos,
«Podéis siguir viviendo en Palaciu…»
Poema: «Sueñu/Suañu»
Sueñu/Suañu
Na mio llingua
estremamos
el sueñu del suañu.
El primeru átanos al suelu,
ponnos piedres nos bolsos
pa que nun nos mueyen
les nubes cargaes.
El segundu llévanos a
trescombar
los cumales inalcanzables
con reblagos alegres.
Hai un momento,
cuando’l día, mansu, declina,
en que’l suañu garra
de la mano
al sueñu
y nesi eclipse d’estraña
guapura crepuscular
despunta un arrebatu de llucidez
y pasamos a dormir
y trancamos la puerta
y trancamos les puertes.
?Poema que nos fala de la diferencia ente tener suañu y tener suaños. Porque n’asturianu estremamos sueñu de suañu… el suañu llévanos a algamar lo que propongamos… (O siquier a intentalo). Y si tienes sueñu, duerme. Pero nun escaezas, cuando espiertes, siguir lluchando por ese suañu que tienes.
Poesía guapa en la FEA
Poema d’Alfredo Garay
Pa celebrar el #DíadelaLlinguaMaterna regálovos un poema que fala del abandonu del idioma propiu.“Un fardeláu de pallabres”, del poemariu “Nes ruines de la nueche y les hores” (Ediciones Trabe) Premiu Fernán Coronas 2016. POEMA
Ciclu de poesía QUED
Resistencia y «punta de lanza» cultural y lingüística n’Asturies. Gracies a Miguel y al Ciclu de poesía QED por acercanos la poesía n’asturianu y vascu. Aníbal foi un honor acompañaros.
Poesía selmanal d’Inaciu Galán
“Silenciu”, del poemariu “Nes ruines de la nueche y les hores” (Ediciones Trabe) Premiu Fernán Coronas. #asturianu #poesía
Xugando nes Nubes: Un Deseo para la Paz
Non te rindas, entá tas a tiempu
d’algamar y empezar de nuevu,
aceptar les tos solombres,
soterrar los tos mieos,
lliberar el llastre,
retomar el vuelu.
«Non te rindas» (Benedetti)
L’amor ??
Les palabres son barcos
y piérdense asina, boca oreya,
como de borrina en borrina.
Lleven la so mercancía por las conversaciones
ensin atopar un puertu,
la nueche que les pese igual qu’un ancla.
L’amor (Luis Gª Montero)
Lourdes Álvarez y David Guardado protagonistes del Día de les Lletres Asturianes
“Siento que se visibiliza y reconoz la voz grupal de les muyeres escritores de la mio xeneración y la de les que vinieron depués”
- Fonte: Asturies.com / VER ACTU TPA /
- Lourdes Álvarez: bio /
- Premio de Poesía Teodoro Cuesta (1992 y 1994)
- Premio Nacional de Literatura Asturiana (2023)
Sigue leyendo «Lourdes Álvarez y David Guardado protagonistes del Día de les Lletres Asturianes»
Los mupis de Mieres enllénense de poesía n’asturianu
- Fonte: Xixón al día / poema
Los mupis de Mieres enllenar de poesía n’asturianu al traviés d’una iniciativa puesta en marcha pol Conceyu de Mieres al traviés de la conceyalía de Normalización Llingüística. Asina, mientres estos díes, estos soportes promocionen la lliteratura n’asturianu con trés poemes que pueden lleese nes distintes cais del cascu urbanu.
Sigue leyendo «Los mupis de Mieres enllénense de poesía n’asturianu»
Iniciativa: «Sienda de la poesía»
Una iniciativa cola que quier dase a conocer la creación lliteraria del Principáu
Castrillón estrena la ‘Sienda la Poesía’. Una iniciativa cola que quier dase a conocer la creación lliteraria del Principáu, al empar qu’ufierten un nuevu reclamu pal turismu cultural nel conceyu. El percorríu inxerta una docena de plaques de poetes asturianos.
Documental sobre Lourdes Álvarez, Premiu Nacional de Lliteratura Asturiana
L’Academia de la Llingua Asturiana (ALLA) preparó un documental sobre Lourdes Álvarez, autora que va recibir el III Premiu Nacional de Lliteratura Asturiana esti vienres 5 de mayu, Día de les Lletres.
«Préstame muncho que se visivilice, por fin, un poco’l trabayu poéticu de les muyeres»
Sigue leyendo «Documental sobre Lourdes Álvarez, Premiu Nacional de Lliteratura Asturiana»
Espectáculu poético-musical «Flores escontra’l desamparu».
- Les entraes son gratuites y yá pueden retirase nel enllaz
- Fonte: Política Llingüística Principáu d’Asturies
Nel marcu de la 44 Selmana de les Lletres Asturianes, dedicada a Xosé Bolado, Política Llingüística Principáu d’Asturies entama pal martes 1 de mayu nel Teatru de la Llaboral (Xixón) l’espectáculu poético-musical «Flores escontra’l desamparu».
Cola dirección d’Ana Lamela, participen Carlos Alba Cellero (actor), Laura Cuervo Álvarez (actriz), Susana Gudín (sopranu), Delia Gutiérrez Aranda (flauta) y Iván Fernández Prieto (tiorba).
Mañana xueves, visítanos Mª Rosa Serdio, poeta y amiga
Sema les más belles palabres
nos oyíos y el corazón de los pequeños,
¡Van floriar persones de gran talentu nel arte de vivir!
(Mª Rosa Serdio)
- Mª Rosa Serdio: blogue /
- Llibros: Haikus / Colores y más colores / La Boda alada / Bolso de niebla / De barquillos y cometas /
Sigue leyendo «Mañana xueves, visítanos Mª Rosa Serdio, poeta y amiga»
Ástures
Ástures.
Somos los fíos de La Blanca,
hermana del alba y de l’arfueyu.
Nun vistimos,
nel nuesu pescuezu relluma’l bronce,
sobre nós solo ta’l cielu
so nós solo ta’l caballu
qu’un día punxo Epona
la de la gran guapura
comu nun suañu.
Avilés tien poesía
Pa festexar el Día Mundial de la Poesía, l’audiovisual «Avilés tien poesía» va recoyer poemes de Matilde de Soignie, Esperanza Medina, Esther Rubio, Susana Sela, Alba Llaneza, Esther García y Mercedes García. Siete poetes avilesines que recitarán les sos propies creaciones, salvo nel casu de Matilde de Soignie a la que María López Barrio dará voz, acompañaes pola música del compositor asturianu Luis Núñes.
Poema «Lleción de gramática» Marta Mori
Poema: Marta Mori de Arriba (Xixón, 1965)
LLECCIÓN DE GRAMÁTICA
Cinco son los sustantivos que más quiero:
árbol, cuerpu, mar, desiertu y cielu.
De cuando en vez tengo sentío
un apreciu intensu y braeru
por sustantivos como
paciencia o llibertá;
en tou casu,
los sustantivos más guapos
nun son los que más quiero.
Ente los axetivos,
préstenme claru, fuerte,
pacetible y azul.
Nun son sonoros como
líticu o sátrapa,
pero valen pa casi toles coses
que paga la pena conocer.
Ente los verbos, en fin,
quédome con vivir;
nun ye nin gota orixinal
pero conxuga con too:
al fin y al cabu,
mientres que van trescurriendo los alverbios,
ye lo que nos queda por facer.
«Lo peor del bon tiempu» de Héctor Pérez Iglesias
«Lo peor del bon tiempu» (Trabe, 2010)
Esconsueñu, poema d’Esther García López
Esconsueñu ye un poema d’Esther García López, musicau por Haim Álvarez y grabáu nos estudios La Nozal, so la producción de Fernando Malva y los arreglos d’Alfredo Morán. El videuclip ta realizáu y montáu por Néstor Fernández (Bálticu), con guión d’Haim Álvarez. Esconsueñu ye’l primera single del álbum «Por un puñáu de versos».
#21marzodíainternacionaldelapoesia
Mañana martes celebraremos el día mundial de la poesía, con Pascual Ortiz, Azucena Couso Pérez, Javier García Cellino, Kafka & Co y BajAmar editores
Un poema de Walt Whitman
Non dexes que termine’l día ensin crecer un pocu,
ensin ser feliz, ensin aumentar los tos suaños.
Non te dexes vencer pol desaliendu.
Presentación del llibru «La ventana»
«La meyor ventana ye la de los llibros, suaños e ilusiones» A.G.O.
Día del llibru 2022
Fantástica llectura de poemes al cargu de la familia de poetes de Baxamar, na Biblioteca de La Granxa del Parque San Francisco. Una preciosa manera de celebrar el Día del Llibru 2022. Gracies por averanos vueses creaciones. Aplausu grande!!!
- Enllaz a videos
- Autores qu’espublicen n’asturiano: Naciu Galán y Alfredo Garay.
- La selmana entrante lleeremos dellos poemes en clas de Llingua. Va prestavos!!!
Uviéu ye poesía
Poema: ‘Con nombre y apellidos’
Yasmira Álvarez ,
‘Con nombre y apellidos’
Me desdices cuando me nomes.
Cuando la to llingua y los tos llabios reposen
en caúna de les mios sílabes
y pronúnciesme entera, asina,
con toles mios lletres.
Me desdices, niéguesme
cuando me llames pol mio nome.
Cuando nun me llames amor,
cuando nun me llames, amor.
Cuando nun me llames.
Poemariu: «Vivir en tus orillas:
Versos desde Null Island»
Poema «Nun son hores»
Perguapu poema d’Azucena Álvarez García
«Nun ye hora de señardá, tristura o penes… ye hora de cortexar y que me cortexes, de besate y que me beses… ye hora de suañar, rir, cantar y baillar…¿A qué esperes?»
Nuevu llibru de poemes d’Azucena Couso
La poeta Azucena Couso presentó ayeri’l so llibru de poemes, «Suave el crepúsculo» (‘Nidiu’l tapecer’), na Casa del Pueblu de l’Agrupación Municipal Socialista d’Uviéu. Forma parte del ciclu d’actividaes culturales dirixíes pola concejala Lucía Falcón. El poeta Juan Ignacio González encargose de presentar a Couso.
Poema: «Cabalgata de versos 3»
CABALGATA DE VERSOS 3
Autora: M Rosa Serdio
El guardián de les ayalgues
llimpia y rebrilla les arques.
Piensa en cómo van llucir
les estrelles estes nueches.
……………………..
Mentanto Baltasar,
ayudáu pol so paxe,
repasa cartes y cartes
y completa el so equipaxe:
¡Más llibros que l’otru añu!
Más raquetes y pelotes, menos
pantalles, más suaños
y munches menos mascotes…
¡Y sí, sálen-y les cuentes!
Asina que, ¡llueu a cargar
la reata de camellos
que los van a acompañar!
VA SIGUIR…mañana.
«El miruégano» Navidá del añu 2000
El mirúegano
Un rosariu de miruéganos
pa so nietín trai la güela,
enfilos unu tras d’otru
nuna erba de piñera;
pañólos ente l’argaña
que con duelu marchar dexa;
pos la compaña non solo
fai que’l tilín remaneza.
Poema: «Llotería»
Nin un día ensin poesía. Llotería.
«Toos tienen la ilusión».
Si non te tocó la llotería, non te esmolezas, porque’l premiu más grande ye ser feliz al pie de los que quies, tar sanu y faer lo que más te guste.
Esperamos que 2022 sía un añu más bondosu con toos. ?
- Libro: «Secretas canciones de pares y nones», pag. 48-49
- Autor: Rafael Ordóñez / Loqueleo Santillana /
Los númberos y los poemes van faenos pasar momentos risonderos fuxendo de l’aburrición.
Poema d’Ana Vanessa Gutiérrez
Talantamientu
A vegáes niégome a creyer
que namás tengamos una vida.
Amedréntame atalantar en tolo que dexamos,
nos caminos que perdimos
pol fechu d’escoyer.
Quién sabe cuálu fo’l determín rectu.
Si yeren mayores los motivos.
A veces niégome a creyer
que namás tengamos derechu a suañar
los cientos de vides que pudimos vivir.
Ana Vanessa Gutiérrez (Urbiés, 1980)
Susana Sela «Gastar el nuesu tiempu»
Nun tenemos de confundir el comportamientu de daquién cola so personalidá
Los seres humanos somos complexos, y les cebres sabenlo bien. Por eso la psicoloxía social enséñanos que nun tenemos de confundir, por casu, el comportamientu puntual de daquién cola so personalidá. Pongamos una cebra conseyera nes nueses vides …
Poema de Shel Silverstein
Castañón recita un poema de Pablo Texón
Castañón recita un poema de Texón nel actu pol trentenu aniversariu del Instituto Cervantes
«L’horru muertu» (Maxi Areñes)
- Narración y testu de Maxi Areñes
- Música de fondu: Fontoria
- Fonte: Los castañones Areñes
Daniel García Granda, premiu “Fernán Corones” de poesía n’asturianu
- Noticies: LNE / PoliticaLlingüística / Formientu /
- Fernán Coronas /
“Identifico col Padre Galu pela parte llingüística y docente”
L’escritor polesu Daniel García Granada foi escoyíu ganador del premiu de poesía “Fernán Coronas” qu’entama Sociedá Popular La Regalina de Cadavedo, en Valdés, pol so trabayu “Rosada 3.0 (monólogu interior con alumnos al fondu)”. La ventiavu séptima edición del galardón lliterariu dedicáu al Padre Galu apurre un premiu económicu de 900 euros.
Sigue leyendo «Daniel García Granda, premiu “Fernán Corones” de poesía n’asturianu»
Poesía en gallego-asturiano
Al aveiro d’un trabatel, editada pol Goberno asturiano. Col subtítulo d’esta antoloxía, Úa escoyeta de poesía contempránea en gallego-asturiano, esplícase perfectamente el sou contido. Trátase d’úa mostra dos autores y autoras que publicaron versos na revista Trabatel al llargo 14 anos d’andandura d’esta publicación.
Poesía Purepecha
Día Internacional del Haiku
17 d´abril: Día Internacional del Haiku
Por una iniciativa de la haijin norteamericana Sari Grandstaff en 2007 rexistra n’Estaos Xuníos el día Internacional del Haiku, proyectu siguíu y consolidáu finalmente nel añu 2012 pola «Haiku Foundation» que la so fecha correspondese col mes de la poesía nacional n’USA, ónde se realicen distintes actividaes rellacionaes al Haiku.
Poema de …
Sé d’un país au la casería valta,
sé d’un país au tamién cayera l’horru,
sé d’un país onde yá’l paisanu falta,
sé d’un país qu’arriquez al más ceporru.
Aquel reinu onde reina la desidia,
un principáu que perdiera los principios,
un paraísu al qu’empuerquen la piel nidia
ya escaecen los pabardos nos sos ripios.
Ellí onde amburen montes y animales,
onde remanez pa siempres el cartuchu
sobro vallines con centros comerciales
que foron camudando en borrafa’l cuchu.
Onde’l fumu foi algamando a la nublina
pente’l que’l foriatu escapa col nuesu oru,
quien terrén, ríu y regatu contamina,
mientres que l’aldeanu se−y abulta xoru.
Au coles variantes tómennos el pelo
ya una llingua milenaria nun esiste,
mentanto que t’afalaguen: Lelo, lelo…
los páxaros que mazcayen tol alpiste.
Esi país qu’hai cuantayá que desanicia,
un país nel que se merca’l so silenciu,
un país nel qu’espoxiga l’avaricia
y el xacíu va eslliendo nel vertenciu.
Nel puertu Payares…
por eso les payariegues
viven tan cerca del cielu»
viven tan cerca del cielu»
Fonte: SER ASTURIANU
«La vida asturiana nun ciento sonetos»
Poemes para conocer la poesía nueva asturiana
- Fonte noticia
- Autor: Bernardo Álvarez
L’antoloxía ‘Los postreros del XX’, editáu por Miguel Munárriz en Lluna de baxo, axunta a quince poetes asturianos nacíos ente 1980 y 1997.
Sigue leyendo «Poemes para conocer la poesía nueva asturiana»
“Facer güecu” a la poesía en asturianu
La llanisca Isabel Gutiérrez, segunda nel VIII Premiu internacional de poesía “Xovellanos”, nel que compitió con 2.700 trabayos.
Isabel Gutiérrez Novo (Pancar, Llanes, 1980) siempres-y gustó escribir. Sonábalu bien la cadencia de la poesía ya inclusive tuvo tentada a estudiar Periodismu por aquello de dedicase a les lletres. Finalmente optó por faer Relaciones Llaborales y dedicar el so tiempu llibre, cada vez más llindáu, a escribir dalgún versu sueltu.
Perguapa celebración del Día de la poesía
Los neños del C. P. Plácido Beltrán, cellebraron el Día de la Poesía y “Asturies, capital mundial de la poesía 2021” dende l’asignatura de llingua trabayando col poema d´Inaciu Galán “Ún versu nun post-it”.
L’alumnáu, ente otres actividaes, animose a faer lo mesmo, escribir un pequenu poema n’un post-it. Y como broche final de la actividá, Inaciu Galán, el propio autor del poema unvió esti videu personalizao. Ver semeyes del 25 de marzu…
Navegaron a la vela… ¿Ónde?
Poema: «Velea», ente los meyores poemes del mundu
Un corveranu, nel top 3 de los meyores poemes del mundu con versos n’asturianu “Demuestra que la nuesa llingua ye tan válida como les demás y que un xuráu valóralo”, celebra Berto García, qu’escribió «Velea»
Sigue leyendo «Poema: «Velea», ente los meyores poemes del mundu»
Encuentros de poesía y música
Inaciu Galánconvida a tomar el vermutín en casa y sentir #poesía. Va compartir micro virtual con Ángeles Carbajal, Diego Solis @dsolislletres, Esperanza Medina, y otros/es poetes de 12 a 14 hores.
Premiu Xovellanos a la Meyor Poesía del Mundu
El proyectu, pensáu por Graciano García, cuenta col sofitu de tola sociedá asturiana
El Premiu Xovellanos a la Meyor Poesía del Mundu fallaráse mañana d’ente más de 2.500 poemes llegaos de tol mundu. Va ser el colofón, nel Día Mundial de la Poesía, a un proyectu pensáu por Graciano García, que cunta col sofitu de la sociedá asturiana.
Sigue leyendo «Premiu Xovellanos a la Meyor Poesía del Mundu»
El Bulevar de la Sidra espón versos
El Bulevar de la Sidra espón nes sos chigres versos de nueve autores asturianos para fomentar la cultura y “escaecer los problemes del añu”
Pedro Caramés, Jaime Álvarez, Alfonso Méndez, Alicia Menéndez, Juan Carlos Martínez y Fernando Alberto Rodríguez | Semeya de Luisma Murias
Sidra y poesía xuniéronse en Gascona para crear un maridaje perfectu ente gastronomía, ociu y cultura en tiempos de pandemia.
Berta P. representa al asturianu nel Institutu Cervantes
Berta Piñan, l’actual Conseyera de Cultura, Política Llingüística y Turismu, va representar a la lliteratura asturiana nun actu del Institutu Cervantes de Frankfurt. Xunto a ella, Leire Bilbao, Àngels Gregori, Raquel Lanseros y Yolanda Castaño.
Col títulu Hablaré otro lenguaje, hecho de acentos más sinceros, versu estrayíu d’un poema de Carmelina Sánchez Cutillas (Madrid, 1927- València, 2009), l’Institutu Cervantes de Frankfurt súmase a la celebración del Día Mundial de la Poesía con un recital en llinia de cinco de les voces más destacaes de l’actual lliteratura castellana, gallega, vasca, catalana y asturiana. «Les trés llingües cooficiales d’España y l’asturianu, dende 2020 llingua oficial de la Xunta Xeneral del Principáu d’Asturies regulada pola Academia de la Llingua Asturiana», espliquen dende l’Institutu Cervantes.
Sigue leyendo «Berta P. representa al asturianu nel Institutu Cervantes»
Ventisiete poemes
-
‘Ventisiete poemes’ ye una antoloxía de poesía de la revista audiovisual de cultura asturiana #Pieces. Programa TPA Pieces
- Llunes 1 de marzu 2021: Xuan Bello, ‘Llección d’amor’
Miniponencies sobre lliteratura «Otres xeografíes»
L’Asociación d’Escritores d’Asturies asoleya un videu de miniponencies sobre lliteratura
Al nun poder entamar les Xornaes Lliteraries en Pravia como cada añu, anguañu l’Asociación d’Escritores d’Asturies asoleyó estos díes un videu con delles ponencies curties tituláu «Otres xeografíes», nel que participaron 16 ponentes, ente los qu’apaecen Esther García, José Ángel Gayol o Aurelio González Ovies, un actu lliterariu que recordara l’eventu pol que sentimos tantu ciñu. Nesti vídeu amuésense delles ponencies que faen honor al títulu. Vídeu 1:30 min
Sigue leyendo «Miniponencies sobre lliteratura «Otres xeografíes»»
Poema: «Cuestión de llingua 2.0»
Autora: Claudia Elena Menéndez Fernández
Baxo’l claru sol d’iviernu
véote con pena como tolos díes
esclucando dende cualquier requexu;
vas per ehí tatexando pallabres d’ausiliu
como un pexe que da les últimes boquiaes…
Poca xente amira por ti,
fai tiempu que lleves la soga al pescuezu,
maltrátente como a nenguna
y espétente’l cuchiellu de la indiferencia.
Amoriando pente les cais,
siéntesete falar dacuando
con voz afogadino y baxo,
pero cada día que pasa
ye una pala más de tierra
enriba’l to cuerpu de furacos.
Acolúmbrente con mecigaya
de vergoña y compasión
y dalgunos quixeren vete muerta…
Pero yo llévote conmigo au quieras
llévote a ver el mundu,
que te sientan falar con arguyu
que pa mi tas más viva que nunca.
Poema: «La mio verdá»
«La mio verdá», de Naomi Suárez González
Contáronmelo pa que lo contara,
contara la mio verdá,
verdá d’una tierra amada,
amada por siempre xamás.
Xamás podré olvidate,
olvidate enxamás,
enxamás podré falar otra llingua,
llingua d’otra tierra o mar.
Mar d’orbayu negro,
negro de tanto llorar,
llorar por esta tierra,
tierra por tantos soñá.
Soñá polos que tán lloñe,
lloñe nunca se ta,
ta metida nel pechu,
pechu d’asturianos de verdá,
verdá como la que sienten,
sienten que nun la puen olvidar.
Olvidar ye mui difícil,
difícil tamién ye amar,
amar como cuando s’ama,
cuando s’ama como a una ma.
«Galbana», d’Alba Llaneza Pulido
- Ver en Formientu Dixital
- Formientu en Twitter. En Facebook
-
Alba Llaneza Pulido (escritora). Post
Una idega que cuerre.
Un suañu que ñaz.
Tráime vientos d’aventura
d’otres xentes
d’otres tierres.
Promeses de nueches surrealistes
asemeyaes a aquelles que colaren.
Tráime l’arume
d’una tormenta de branu,
de la yerba recien cortao,
de la fueya quemao.
De la mar.
Tráime les ganes de rir,
de sentir, de prebar,
d’esnalar, de vivir.
Y entós…
en silenciu,
no más escuro del salón
y ensin mover un músculu.
Mato les ganes.
Mato la idega.
Mato’l suañu.
Poema «Dientro» de Pablo Texón
Como decía el propio Pablo Texón, si hay un adverbio que nos define y nos iguala ahora es «DENTRO» (ALLUMAMIENTU). Poema que habla sobre la paternidad/maternidad…Voz de Begoña del Toro. Ver en Youtube.
Poema: «A los cientos y cientos de muyeres asesinaes»
Fonte: Formientu
Ufrimos un poema de Nora Albert traducíu dende’l catalán al asturianu por Aymara González.
«A los cientos y cientos de muyeres asesinaes»
Por favor, nun abras la puerta.
Que la to llercia xabaz
nun te faiga la víctima setenta y tres
d’anguaño.
Que’l to piadosu perdón
nun seya la fúnebre noticia
qu’entame’l día.
Que morrer nun seya’l tránsitu
d’un protagonismu que nun vivirás.
Como desaprender tantos años
d’Eva o Maria,
como desaprender l’amor románticu,
la trampa nos llabios, el placer d’adelantu,
memoria de la nueche
fumu y fríu
a martellaes de silenciu.
Ayuri del claror de los soles llucíos
y de los suelos encadenaos
hai una casa ensin puertes,
la cadencia d’una resplandida foguera encesa,
otres voces, otros amores,
nel coral del mediudía.
Que torne a ser de to
la pallabra restituyida, la proscrita.
El to príncipe azul, dende agora
yes tu.
Nora Albert
Sigue leyendo «Poema: «A los cientos y cientos de muyeres asesinaes»»
Poema d´Alexandra, 9 años…
Poema del llibru «Arroz, agua y maíz» de Berta Piñán
Calca na imáxen pa poder ampliala!
Iniciativa pol Asturianu: llectura de poemes
Iniciativa pol Asturianu invitó a representantes de diferentes fuercies polítiques con representación institucional nel Parlamentu asturianu y nes Cortes a grabar un videu lleendo dalguna obra lliteraria n’asturianu.
Iniciativa pol Asturianu quier cellebrar d’esta manera esti inusual Día de les Lletres faciendo un homenaxe a la nuesa lliteratura y a los nuesos escritores con representantes de diferentes organizaciones polítiques.
Sigue leyendo «Iniciativa pol Asturianu: llectura de poemes»
La llingua asturiana nel mundu
Apúrrovos equí esti artículu de Pintar-Pintar n´asturianu. Ver artículu na so páxina web.
Pintar-Pintar Editorial abril 30, 2020
Nestos tiempos revueltos onde’l llinguaxe públicu ya inclusive el priváu enllenáronse hasta la suciedá de batalles, enemigos, medayes o tregües, dexáinos falavos d’un efectu colateral non bélicu de la nuesa NUBETECA.
Poemas y llibros “perguapos”
www.grupuepona.com
Asociación Cultural ensin animu lucro.
Páxina en Facebook.
Añadimos al Grupu Epona a nuestra barra lateral de sitios encametaos visitar. Asina, la reciella pue atopalo/visitalo con facilidá.
Gracies, Epona, polos vuesos recursos de baldre:
- Llibru: Mitoloxía Asturiana pala reciella
Helena Trexu Fombella
Tenémoslu en clas. Descarga. - Llibru: Llara quier ser astrónoma. Descarga
Helena Trexu Fombella - Llibru: Poética de muyeres 2014. Descarga
Helena Trexu Fombella
……
…………… - Cuentu: L´esguil músicu.Lleer.
- Cuentu: El suañu la mazana. Lleer
- Cuentu: El salgueru. Lleer
- Cuentu: El magüestu, la xana y el trasgu. Lleer
- Cuentu: La xanina que deprendió andar en bicicleta.
- Cuentu: Los gatinos ecoloxistes.
- Cuentu: La casina trabayadora
- Cuentu: Yule
Llibru: “Arroz, agua y maíz”
Tenemos una bona noticia, pa cellebrar esti día. Berta Piñán, comparte na Nubeteca esti preciosu llibru. Téngolu en clas y nun puedo enseñávoslu. Asina que clic y a búscalu na estantería de l´Editorial. Lleer primeres páxines de la versión n´asturianu
http://www.digital.pintar-pintar.com/bookcase/combj
I Premiu “María Josefa Canellada” de Lliteratura Infantil y Xuvenil 2008.
Texto: Berta Piñán
Ilustraciones: Elena Fernández
Formato: 21×26
Encuadernación: Tapa dura con lomo entelado
ISBN: 9788492964154 ·
Páginas: 56
Idioma: Castellano (Tamién n´asturianu)
Año de edición: 2010
- Poema “Soy maiz” Muriel
amplía
Vímoslu en xineru colos neños de segundu.- Lleer “Soi maiz” n´asturianu nesti enllaz
- Ver videu en Youtube
Grácies, amiga! Gracies, Maestra! Gracies, Conseyera…