Publicado en Curiosidaes, NATURA

La ballena azul, l’animal conocíu más grande que vive na Tierra

La ballena azul ?, l’animal conocíu más grande que vive na Tierra, enfrentase a numberoses amenaces:

?️ Captures accidentales
? Caza comercial
?️ Cambéu climáticu
?️ Choques con barcos
?️ Contaminación tóxica
? Contaminación acústica

Sigue leyendo «La ballena azul, l’animal conocíu más grande que vive na Tierra» →

«Col nuesu cultu al prestu inmediatu,
munchos de nós perdimos
la capacidá d’esperar».
Zygmunt Bauman

«Con nuestro culto a la satisfacción inmediata, muchos de nosotros hemos perdido la capacidad de esperar».
Publicado en TIEMPU

Estáu del tiempu n’Asturies

Alborecemos con escasa nubosidá ya con unes temperatures que tan alrodiu de los 3ºC, rexistrándose nel puirtu Payares -3,3ºC
Como suele pasar too al cocer mengua y al final el temporal de fríu y nieve en cotes baxes va quedar en na.
Güei va dir n’aumentu la nubosidá pa dexanos el día nuble pela tarde, surdiendo precipitaciones febles al escurecer na metá ocidental d’Asturies con una cota de nieve que tará perriba de los 1200m. L’aire sedrá sele ya variable y les temperatures n’ascensu.

“Non siempres quien sonri
quien ye felíz.
Esisten llárimes nel corazón
que nun lleguen a los güeyos”.
Jane Austen

Publicado en Deportes

Entama la temporada d’esquí: Payares abre mañana y Fuentes, el miércoles

La nevada d’esti fin de selmana dexó 38 kilómetros esquiables

La estación d’esquí Valgrande-Payares va abrir mañana les sos pistes. La nevada d’esti fin de selmana dexó 38 kilómetros esquiables. La previsión ye que Fuentes d’Iviernu puea abrir el próximu miércoles. Los esquiadores van poder estrenar, a lo último esta selmana, una temporada de nieve que yá empezó’l pasáu 30 de payares.

Publicado en Arquitectura, Curiosidaes

¿Por qué son templaos los iglús?

¿Cómo puede faer calor en metá d’un paisaxe nevao y nun abelugu construyíu con nieve y xelu? La respuesta ye más senciella de lo que crees: nun llugar onde la temperatura ambiente puede algamar los -40 ºC, dientro del habitáculo del iglú podríes tar a 0ºC, solo por tar abelugáu del vientu y gracies al calor corporal.

Lo principal para algamar esa temperatura ye permanecer aislláu del vientu. Amás, la nieve actúa como aislante mientres atrapa’l calor del cuerpu. L’aislamientu llógrase porque l’iglú construyise con nieve estruyida (comprimida), que fai que l’aire frío asiéntese no fondero. Por eso los esquimos constrúin dellos niveles nos sos iglúes, para poder dormir nos niveles más altos, onde tamién pueden caltener prendíu’l fueu que por estrañu que paeza, nun llogra dilir/derretir el xelu del iglú pol intensu fríu del esterior.

Sigue leyendo «¿Por qué son templaos los iglús?» →

Publicado en Ciencia

El 8 de xineru: Un día de grandes mentes científiques

El 8 de xineru alluma cola muerte y nacencia de dos titanes científicos: Galiléu Galilei (15 de febreru de 1564 – 8 de xineru de 1642) y Stephen Hawking (8 de xineru de 1942 – 14 de marzu de 2018). Estos xenios dexaron un fondu impactu na hestoria de la ciencia, desafiando les percepciones establecíes y espandiendo los horizontes de la conocencia humana. Cartelu

Galiléu Galilei, nacíu’l 15 de febreru de 1564 y fináu el 8 de xineru de 1642, ye consideráu’l padre de la ciencia moderna. Les sos investigaciones astronómiques cuestionaron les creencies enraigonaes del so tiempu, sofitando la teoría heliocéntrica de Copérnico y sentando les bases de la física moderna.

Stephen Hawking, quien nació’l 8 de xineru de 1942 y dexónos el 14 de marzu de 2018, foi un físicu teóricu que les sos contribuciones a la comprensión del tiempu, los furacos negros y la cosmoloxía son insuperables. A pesar de desafíos físicos apolmonantes por cuenta de la ELA, la so mente brillosa siguió esquizando los misterios del universu.

Ciencia+

Publicado en Asturianu

Esta ye la palabra n’asturianu qu’usen toos los españoles.

 Dalgunos términos n’asturianu o bable formen parte del vocabulariu de toos los españoles, anque pueda resultar sorprendente. ¿Aldovines qué asturianismu usamos toos?

Magar ye ciertu que la mayoría de los españoles pueden considerar que l’asturianu ye una llingua que-yos resulta «desconocida» o «alloñada» lingüísticamente falando, lo cierto ye que dellos términos del asturianu formen parte del vocabulariu de la mayoría de los *castellanoparlantes de fora d’Asturies.

Sigue leyendo «Esta ye la palabra n’asturianu qu’usen toos los españoles.» →

Publicado en Radio, RTPA

Radio «Sentir Asturies»: los Reis Magos y l’amor pol Nadal

Sentir Asturies vuelve a les ondes de la RPA nun programa presentáu por Inaciu Galán na que va sentise la maxa de los Reis Magos y l’amor pol Nadal (o quiciabes non tanto). Pelayo Martínez Olái, con El Sudu, cuéntanos la hestoria del club de fútbol Riaño, Lluci Miravalles analiza los traxes de los Reis Magos en Moderneces y Presumicios y Sergio Buelga representa un radioteatru mui navidiegu. Too eso y más, onde si non, en Sentir Asturies.

  • RTPA Calcar nel reproductor d’audio/
Publicado en Pallabreru, Ser Asturianu

El lleche

El #lleche (lleiche~ḷḷeiche o lleite~ḷḷeite nel dialectu occidental) ye una secreción de color blanco que producen les glándules de delles femes dempués de parir p’alimentar a les críes ? IMAXE
El consumu de lleche animal (de vaca, oveya, cabra, camella, alce…) forman parte de l’alimentación humana en dalgunes cultures dende va 9000 años y ye la base de bien de productos lácteos, como la mantega, el quesu, la cuayada o’l yogur.#Pallabreru
Publicado en TIEMPU

Alerta de fríu n’Asturies: un mantu de nieve cubre’l paisaxe asturiano

Les nieves llegaron ayeri cola primer envernada de 2024, un fenómenu atmosféricu que traxo consigo fríu, vientu, fuerte aguaxe, agua y nevaes en cotes a partir de 700 metros, lo qu’obligó a l’Axencia Estatal de Meteoroloxía a activar l’avisu mariellu que se caltien esti sábadu: por agua nos conceyos de la la mariña oriental y por nieve nel Cordal Cantábric.

Sigue leyendo «Alerta de fríu n’Asturies: un mantu de nieve cubre’l paisaxe asturiano» →

Publicado en TIEMPU

Ñeva nel Puertu de Leitariegos

El puertu de L.leitariegos ye un pasu montascosu asitiáu nel cordal Cantábricu a una altitú de 1525 metros. Comunica’l Principáu d’Asturies con Llión; concretamente, el conceyu asturianu de Cangas col términu municipal lleonés de Vil.lablinu.

Publicado en Llibros Reciella, Pintar-Pintar

Edición n’asturianu de «La mochila de Valeria», alumna del nuesu colexu

Una hestoria conmovedora y llenu de llecciones de valentía y esperanza. Narrar les esperiencies de persones que llucharon contra enfermedaes graves, como’l cáncer, inspíranos y ayuda a concencianos sobro la importancia de la donación de migollu y l’investigación médica. Yá puedes acutar el to exemplar na Asociación de Familias con Cáncer del Principado de Asturias – Galbán

María Luisa Otero Vega foi la encargada de traducir al asturianu y de nuevu, dende Pintar-Pintar, collaboremos nel so procesu d’edición.

 

Sigue leyendo «Edición n’asturianu de «La mochila de Valeria», alumna del nuesu colexu» →

Yo nun deseyo un regalu
que se merque con dineru.
He de pidir a los Reis
daqué qu’equí nun tengo:
pido dones d’allegría y
el cantar d’un xilgueru,
y la flor de la esperanza y
una fe que venza’l mieu.
Pido un corazón bien grande
p’amar al mundu enteru.
(Gloria Fuertes)

Publicado en Montes, Ser Asturianu

El Cuetu d’Arbas ye’l picu más conocíu del conceyu de Cangas del Narcea

? El Cuetu d’Arbas (2002 m) ye’l picu más conocíu del conceyu de Cangas del Narcea, na llende con Ḷḷaciana (Llión). El so nome paez venir de la voz «arba», un sinónimu d’argayu o terrén pindiu. Encuádrase nún de los paisaxes de modelao glaciar más representativos del occidente asturianu, con bona presencia de llerones, circos y pociellos d’excavación glaciar onde vinieron formando tierres muelles y llagunes, como la famosa Ḷḷaguna d’Arbas. IMAXENES
Publicado en TIEMPU

Estáu del tiempu n’Asturies

Alborecemos col cielu cubiertu y lloviendo con unes temperatures que tan alrodiu de los 6ºC, rexistrándose nel puirtu Payares -2,2ºC onde ta nevando copiosamente faciendo que te peslláu pal tráficu pesáu, nel restu de la mayoría de puertos se fae obligatoriu l’usu de cadenes o neumáticos d’iviernu.
Güei vamos tener un día ivernal con xarabatos frecuentes ya intensos más probables durante la tarde cuando puen ser llocalmente fuertes y venir acompangaos de truena y granizu nel llitoral y fastera central asturiana con una cota de nieve que rondará los 900 m pero con desplomes nos valles de la cordelera hasta los 600-700m, sobre too pela tarde y nel altu Nalón y Aller coincidiendo cola másima intensidá y persistencia de les precipitaciones. Les temperatures en descensu bultable y l’aire de componente noroeste con dalguna racha moderada en zones altes de montaña ya en puntos del llitoral.

Sigue leyendo «Estáu del tiempu n’Asturies» →

Publicado en Música

Una versión nueva de ‘Cómo ye?’

Rodrigo Cuevas y el Grupo Beatriz publiquen una versión nueva de ‘Cómo ye?’

El premiu nacional de Músiques Actuales 2023, Rodrigo Cuevas, y la orquesta reina del branu asturianu, el Grupo Beatriz, publicaron esti vienres una versión nueva del tema ‘Cómo ye?’.  Esti cantar foi escoyíu pola prestixosa revista de música y cultura pop ‘Rockdelux’ ente los 40 meyores cantares nacionales del 2023, onde incluyeron esti tema nel puestu siete.

Xenial Rodrigo Cuevas y Grupo Beatriz Asturias con esta versión de Cómo ye? Va ser una pieza pa la hestoria de la música n’#asturianu.
Rodrigo Cuevas – CÓMO YE?! (Cadereo Remix) ft. Beatriz https://youtu.be/cFEGE0QVaeM?si=C05X-CpiisZ1dYx1 vía @YouTube

 

 

Publicado en TIEMPU

Les meyores aurores boreales tán empecipiáu en 2024

Dende finales del añu pasáu, predicíase que 2024 podría amosar les meyores aurores boreales de les últimes décades. Y ye que, el Sol, cola finalización del so ciclu nos próximos meses, va ser el responsable. A midida que avérase otru máximu solar, el periodu de mayor actividá solar mientres el ciclu solar de 11 años, produciéronse magnífiques exhibiciones d’aurores boreales en llatitúes más baxes, como en Gales, Alemaña, les Dolomites italianes y el parque nacional de Death Valley, n’Estaos Xuníos.

Sigue leyendo «Les meyores aurores boreales tán empecipiáu en 2024» →

«Depués empecé a entender
que’l tiempu nunca se gana,
y que nunca se pierde,
que la vida gástase,
a cencielles».

Almudena Grandes

Publicado en Mazcaraes

El Gurria y l’aguinaldo en Ponga

SEMEYES L’Aguilandu de Beleñu, la primera gran fiesta de 2024

Cielu azul, bona temperatura…, los mozos solteros de San Juan de Beleñu salieron a pidir l’aguilandu a caballu, como manda la tradición, el 1 de xineru. Anguaño xuntáronse venticinco solteros y otros diez guah.es, éstos al llombu de los sos pollinos, toos encabezaos pol Guirria, que se fartó de partir besos ente les moces y llanzar ceniza a los mozos y paisanos que se zarapicó nel percorríu pola capital del conceyu ponguetu y el barriu de Cadenaba. Como cada primeru d’añu, hasta San Juan de Beleñu averó bien de xente a vivir una fiesta tan especial.

Sigue leyendo «El Gurria y l’aguinaldo en Ponga» →

«Tengo apenes una vida y nella solo tengo
una oportunidá de faer lo que quiero.
Tengo abonda felicidá para faela duce,
dificultaes para faela fuerte,
murnia para faela humana y
abonda esperanza para ser feliz».
Clarice Lispector

Bona entra d’añu 2024

Publicado en Alimentos

Cocina de monte

Hai una Asturies que rique altor, vientu y hasta daqué de fríu para esfrutala. Los montes asturianos non solo enmarquen un paisaxe, non solo enguapecen la vista: tamién abeluguen una alimentación cervuno, potente, templada, antigua; enllena de sabores a monte, a caza, a frutos secos y a verdures resistentes a los iviernos.

Platos xenuinamente asturianos, d’interior, que riquen enfusase tantu nel territoriu como nel pucheru por que los sos arumes percuérrante’l cuerpu enteru. Recetes fáciles, sencielles nel so orixe, pero que güei nos sosprienden pola so fondura, pol templáu humor qu’apurren y polo que tresmiten de les xentes que mientres décades —ya inclusive milenios— cocinaronles, aguantando tamién a los más duros iviernos.

Sigue leyendo «Cocina de monte» →

«Lleer ye pensar.
Nun ye que lleemos y depués pensamos,
sinón que pensamos daqué
y lleemos nun llibru que paez escritu por nós
pero que nun foi escritu por nós,
sinón que daquién n’otru país,
n’otru llugar, nel pasáu,
escribir como un pensamientu inda non pensáu,
hasta que por azar, siempres por azar, afayamos el llibru
onde ta claramente espresáu lo que tuviera,
confuso, non pensáu por nós.
Un llibru para cada unu de nós.
Fai falta, para atopalo, una serie d’acontecimientos
encadenaos por fuerza por qu’a la fin
unu vea la lluz que, ensin saber, ta buscando.»
Ricardo Piglia-

Publicado en TIEMPU

Estáu del tiempu n’Asturies

Bonos díes, bona xente.
Alborecemos con dalgo de nubosidá alta ya con unes temperatures que tan alrodiu de los 9ºC, rexistrándose nel puirtu Payares 1,1ºC
Güei a pesar de la llume del sol l’aire gallegu va dexanos un día fríu con sensaciones térmiques baxes. Pela mañana predominarán los grandes claros o abancios sobre les nubes, mentantu que pela tarde sedrá al revés. Nun se descarta dalguna nevada feble pela cordelera que dalgo cayó yá esta nueche. Les temperatures en descensu y l’aire gallegu con raches fuertes tendiendo a amenorgar a últimes hores.

Sigue leyendo «Estáu del tiempu n’Asturies» →

Publicado en Mazcaraes

Mazcarada: Os Reises del Valledor

Rodrigo Cuevas, choqueiro d’honor 2023

La tradicional comparsa de ‘Os Reises del Valledor’ desfiló güei por Villalain, San Salvador y Fonteta faciendo trastaes y pidiendo l’aguilandu. El choqueiro d’honor anguaño foi para un Rodrigo Cueves pol so sofitu a la cultura rural. Visitantes de toa Asturies percorrieron con Os Reises estes trés localidaes, celebrando la recuperación de les tradiciones.

Sigue leyendo «Mazcarada: Os Reises del Valledor» →

Publicado en Mazcaraes

‘Os Reises del Valledor’ desfilen güei per Ayande

?La viceconseyera de Cultura, Vanessa Gutiérrez, asistió xunto col director xeneral de Patrimoniu Cultural, Pablo León, a la XIV edición de ?? ?????? ??? ????????. Participó tamién na entrega del Choqueiro de 2023 al artista Rodrigo Cuevas. VIDEU

La tradicional comparsa de ‘Os Reises del Valledor’ desfiló güei per Vilalaín, San Salvador y Fonteta faciendo trastaes y pidiendo l’aguilandu.

“La maxa ta ende,
nesa persona que por un momentu
sácate del caos y te fai sentir en paz.”
Francisco J. Zárate

 

Publicado en Ser Asturianu

Pallabreru: Navidá

La #Navidá (del llatín nativitas, «nacimientu») ye una de les celebraciones más importantes del cristianismu, que conmemora’l nacimientu de Xesucristu en Belén, ente’l 24 d’aviento y el 6 de xinero.

Los Evanxelios nun detallen la fecha precisa del nacimientu de Xesús. Piénsase que la celebración del 25 d’aviento tien orixe en festividaes rellacionaes col solsticiu d’ivierno (como’l Sol invictus y la Saturnalia) y que foren adaptaes polos cristianos nel sieglu III pa facilitar la conversión de los pueblos paganos.

*»Nadal» ye una forma extinta nel sieglu XIX y namás se conserva de forma relíctica en dalgunos refranes, mientres que nel asturllionés de la Tierra de Miranda úsase *Natal, coincidente col portugués.

#Pallabreru

«Precises nun esperar.
Precises nun esperar nada de los demás.
Precises non traficar col to dolor.
Precises arguyu y soledá.
Precises orde. Precises poesía».
Alejandra Pizarnik

Publicado en TIEMPU

Estáu del tiempu n’Asturies

Alborecemos col cielu escampláu ya con unes temperatures que tan alrodiu de los 3ºC, dalgo más baxes no fonderu los valles onde ta xelando, rexistrándose nel puirtu Payares 3,1ºC.
Güei vamos tener un día per prestosu con sol asgaya, sensación de fríu na solombra recompensáu pela llume del sol a la testera, sicasí al atapecer puen entrar dellos estratos pela marina na primer llinea de costa. L’aire sedrá sele ya varible con delles brises nel llitoral.

Sigue leyendo «Estáu del tiempu n’Asturies» →

Publicado en Deportes

Asturies volverá cuntar con dos etapes decisives na #VueltaCiclista a España 2024

?‍♀️? Cuitu Negru, en L.lena, y los llagos de Cuadonga, en Cangues d’Onís, van acoyer dos tales llegaes n’alto los próximos 1 y 3 de setiembre ?‍♀️?
L’itinerariu pol Principáu suma 323 kilómetros, con salíes inédites en L’Infiestu y Lluanco y cinco puertos de monte entemedios
  • Fonte: Actualidad.Asturias.es

«Tengo apenes una vida y nella
solo tengo una oportunidá
de faer lo que quiero.

Tengo abonda felicidá para faela duce,
dificultaes para faela fuerte,
murnia para faela humana
y abonda esperanza para ser feliz».
Clarice Lispector

Publicado en Curiosidaes

Un estudiu demuestra que los simios tienen una memoria social similar a los humanos.

Un estudiu demuestra que los simios tienen una memoria social similar a los humanos. El trabayu realizáu con chimpancés y bonobos pola Universidá Johns Hopkins, amuesa como estos simios reconocen fotografíes de compañeros de grupu que nun vieron en más de 25 años y respuenden con entá más entusiasmu a les semeyes de los sos amigos, lo que supon la memoria social más duradera enxamás documentada n’animales.

Sigue leyendo «Un estudiu demuestra que los simios tienen una memoria social similar a los humanos.» →

Publicado en Sin categoría

«Aleluya» un alegatu pola Paz

Fai xusto un añu publicaba esti vídeu para felicitar les fiestes. L’Aleluya de Leonard Cohen compuesta en 1984. El cantar de la segunda oportunidá, como me gusta llamala, porque nun llogró tou la reconocencia merecida hasta 10 años dempués de la so composición con una versión de Jeff Buckley allá pel añu 1994 que ye la que sale na BSO de la película Shrek.

Publicado en Anguleru, Nadal

L’Anguleru: quién ye, cuándo llega a Asturies…

N’Asturies somos del ‘team’ de L’Anguleru, más que del de Pá Noel. Si inda nun sabes quién ye L’Anguleru tas nel llugar fayadizu. Te cuntamos tou sobro esti pescador entrañable que trai los regalos de Navidá a los neños asturianos. ¿Quies saber cuándo llega L’Anguleru a Asturies? Sigue lleendo.

Sigue leyendo «L’Anguleru: quién ye, cuándo llega a Asturies…» →

Publicado en Inaciu Galán

¿Qué dicía l’ilustráu Gaspar Melchor de Xovellanos sobre l’#asturianu?

¿Qué dicía l’ilustráu Gaspar Melchor de Xovellanos sobre l’#asturianu?
1. Que yera la llingua viva del pueblu asturianu.
2. Que yera la so llingua familiar y que la conocía y la usaba perfectamente.
⚙️ Amás, promovió la creación d’una Academia de la Llingua Asturiana, el diccionariu, la gramática… y dexónos cartes escrites n’asturianu.
?️ Equí dexo delles de les sos pallabres sobre l’idioma. ⤵️

“El misteriu de la esistencia humana
nun anicia en caltenese vivu,
sinón n’atopar daqué por que vivir».
Fiódor Dostoyevski

Publicado en Curiosidaes

El llagu d’agua duce más antiguu y más fondu a nivel mundial.

El llagu Baikal, nel este de Siberia, Rusia, ye’l llagu d’agua duce más antiguu (20-25 millones d’años) y más fondu (5,315 pies) a nivel mundial. Tien el 20% de l’agua duce de la Tierra. Puedes ver oxetos de 40 metros de fondura nes sos agües tresparentes. Pel hibiernu, conxelase n’impresionantes fragmentos de xelu turquesa, dalgunos álcense hasta 39 pies, por cuenta de los fuertes vientos. Semeya

Sigue leyendo «El llagu d’agua duce más antiguu y más fondu a nivel mundial.» →

Publicado en Estaciones

El Solsticiu y la llegada del iviernu…

El Solsticiu y la llegada del iviernu col fríu, un llamáu a dir escontra dientro, fondu.

«Les plantes y los animales nun lluchen contra l’iviernu; nun pretenden que nun ta asocediendo ya intenten siguir viviendo les mesmes vides que vivieron nel branu. Ellos prepárense. Ellos afáense. Realicen actos estraordinarios de metamorfosis para pasalos. L’iviernu ye una dómina de retirase del mundu, maximizar los escasos recursos, llevar a cabo actos d’eficiencia brutal y sumise de la vista; pero ende ye onde se produz el tresformamientu. L’iviernu nun ye la muerte del ciclu vital, sinón el so crisol. ”

Katherine May – Iviernu: El poder del descansu y la retirada en tiempos difíciles, 2020.
Ilustración d’Aje.

Callando ye como s’apriende a oyer;
oyendo ye como s’apriende a falar;
y depués, falando, aprendese a callar.

Diógenes

 

“Toos nacemos felices.
Pel camín empuércasenos la vida,
pero podemos llimpiala.
La felicidá nun ye exuberante
nin zaragatera,
como’l placer o l’allegría.

Ye silenciosa, sele, nidia,
ye un estáu internu

de prestu qu’empecipia
per amase a sí mesmu».
Isabel Allende, L’amante xaponés.

Publicado en Estaciones

Güei ye el día más curtiu del añu y la nueche más llarga

Güei xueves 21 d’avientu ye’l día más curtiu del 2023, yá que ye’l día que va tener menos lluz solar. Otramiente, va ser la nueche más llarga del añu, ye dicir con mayor tiempu ensin Sol, que s’espera despinte a les 6:03 de la tarde. Esti fenómenu débese al solsticiu d’iviernu marca formalmente la llegada del iviernu nel Hemisferiu Norte.

Sigue leyendo «Güei ye el día más curtiu del añu y la nueche más llarga» →

Publicado en Estaciones

Solsticiu d’Iviernu?

Güei 21 d’avientu ye’l solsticiu d’iviernu. El día más curtiu y la nueche más llarga del añu. Na cultura celta, la festividá del solsticiu d’iviernu recibía’l nome de Yule. Les celebraciones celtes basense nun calendariu llunar nel que les feches más importantes son los solsticios y equinoccios.

Celébrase, según la cultura celta, la renacencia del dios y los espíritos, dempués de la so muerte en Samhain, fecha na que se celebra l’añu nuevu druídicu celebráu na nueche del 31 d’Ochobre y la madrugada del 1 de Payares. El periodu entre Samhain y Yule, yera llamáu la estación escura, díes de mayor intensidá del iviernu y menor cantidá de lluz solar.

Sigue leyendo «Solsticiu d’Iviernu?» →

21 d’avientu – El solsticiu d’iviernu güei ~ representa’l regresu del sol y la lenta progresión a díes más llargos. Tamién ye un momentu de reflexón, renovación y lliberación del pasáu. Esti día especial puede traer calor a lo que ye xeneralmente la dómina fría del añu.

Enciende la to chimenea o una vela o dos cuando llega l’atapecer. El fueu simboliza’l calor, la lluz y la purificación, tolos cualos son significativos mientres estos meses fríos y escuros. Conecta cola naturaleza trayendo delles piñes, cañes o piedres y fai una área dedicada a la Madre Tierra. Siéntate quietu al pie de les llapaes y cavilga sobre la to vida, anueva’l to espíritu y llibera lo que nun crezca pa ti. Güei ye un día máxicu ❤

Publicado en TIEMPU

Estáu del tiempu n’Asturies

Alborecemos col cielu cubiertu y lloviendo con unes temperatures que tan alrodiu de los 10ºC, rexistrándose nel puirtu Payares 2,1ºC.
Güei pali que pali les precipitaciones dirán retirándose quedando concentraes na cordelera oriental principalmente, onde sedrán de nieve perriba de los 1300m. Nel restu vamos tener dalgún xarabatu dispersu, cola apertura de dellos claros a lu llargu del día. Les temperatures en bultable descensu nes zones altes de montaña y con ascensos de les mínimes, tamién bultable, no fonderu los valles onde nun camudarán les másimes. L’aire de componente norte con dalguna racha moderada en zones altes ya en puntos del llitoral.

Sigue leyendo «Estáu del tiempu n’Asturies» →

Publicado en Mazcaraes

Acábase l’añu y llega…¡El Guirria!

Acábase l’añu y llega…¡El Guirria! Para poder velu en San Xuan de Beleñu va haber qu’esperar a que pase Nuechevieya, pero para poder llevavos un Guirrín a casa…¡falta bien pocu!. Atentos, que n’unos díes cúntovos más sobro él y cómo consiguilo.
¡Qué ganes de que lo tengáis! Y ye qu’en Filana vamos salir de 2023 como queremos entrar en 2024. Celebrando la tradición y la nuesa cultura, rodeaos de cariñu, arte escapando de les manos y faciendo lo que meyor se nos da: Filando bonito

Sigue leyendo «Acábase l’añu y llega…¡El Guirria!» →

Publicado en Pelis

Premiu a la Meyor Película d’Animación de la Chicago Filme

‘El mozu y la garza’ gana’l premiu a la Meyor Película d’Animación de la Chicago Filme Critics Association.
? Hasta agora, la película d’Hayao Miyazaki yá ganara premios de les asociaciones de críticos de Nueva York, Los Angeles y Boston n’Estaos Xuníos ??.

Sigue leyendo «Premiu a la Meyor Película d’Animación de la Chicago Filme» →

Publicado en collores

Color Añu 2024 Bruguer «Duce Llar»

Color del Añu 2024 de Bruguer – Duce Llar (Dulce Hogar)

Los nuesos espertos en color lleven más de 20 años afigurando los enclinos globales nun Color del Añu que reflexe l’ambiente del momentu. Duce Llar™ ye un tonu atento y sutil qu’apurre un sentimientu de positividá a les nueses vides.

Sigue leyendo «Color Añu 2024 Bruguer «Duce Llar»» →

Publicado en collores

Behr yá escoyó’l Cracked Pepper, un color negru nidiu

Amás de Pantone y Bruguer, la firma de pintures Behr yá escoyó’l Cracked Pepper (PPU18-01) como’l so Color del añu para 2024. Un tonu negru nidiu puede sirvir pa cualquier espaciu que manifiesta que yá ye hora qu’un color tan elegante, atrevíu, temperamental, versátil y deliciosu, fora’l protagonista. Ye un color que va marcar enclín y que va inspirar a decoradores y interioristes a crear ambientes actuales y modernos al traviés del color.

Sigue leyendo «Behr yá escoyó’l Cracked Pepper, un color negru nidiu» →

Publicado en collores

El color Pantone 2024: Peach Fuzz, un color piescu elegante y atopadizu

Empieza la carrera para afayar cuál va ser el color del añu para 2024. Una tema que nos interesa, y enforma, a tolos apasionaos de la decoración y l’interiorismu. Yá sabemos cuál ye’l color Pantone 2024: Peach Fuzz, que «reflexa’l nuesu deséu de curiar de nós y de los demás. Ye un tonu piescu nidiu y aterciopeláu que’l so espíritu envolvente arriquez la mente, el cuerpu y l’alma».

Peach Fuzz, un color piescu elegante y atopadizu qu’anubre la to casa con un tonu pastel qu’empasta bien col gris y el rosau.

Sigue leyendo «El color Pantone 2024: Peach Fuzz, un color piescu elegante y atopadizu» →

Publicado en Nadal

El «Tueru Nataliegu» (tronco navideño)

Como yá vais saber, el fechu de festexar la Nuechebona correspuende a la cristianización d’una celebración pagana celta, nel casu de la vieya Asturia (Asturies, Llión, Norte de Zamora, área de Miranda do Douro y Sendim en Portugal y árees de la parte oriental de les provincies gallegues d’Orense y Llugo).

“Los neños tienen d’aprender a atayase”.
María Velasco

Los neños tienen d’aprender a atayase/frustrase. Y la única manera de qu’aprender a faelo, ye dexándo-yos, o inclusive provocando que reciban, a lo llargo de la so infancia, frustraciones controlaes.

Publicado en Nadal

Esti llunes, la Xunta Xeneral recibe a L’Anguleru

L’ANGULERU NA CASA DE TOOS ANTES D’ENTRAR EN TOLES CASES.

La Xunta Xeneral del Principáu d’Asturies recibe esti llunes a L’Anguleru. El consideráu Pá Noel Asturianu va allegar a la Xunta, la Casa Común” que representa a tolos asturianos pa faer entrega a les diputaes y los diputaos de les cartes nes que podrán escribilu esos deseos que quieren que L’Anguleru faiga realidá.

A les 11:00 h d’esti llunes 18 d’avientu, el Presidente de la Xunta Xeneral del Principáu d’Asturies, Juan Cofiñu, va recibir a L’*Anguleru nes dependencies del Palaciu de la Xunta.  Terátase del primer alcuentru d’esti tipu qu’a L’Anguleru encantaríalu que convertiese nuna tradición navidiega.

Publicado en TIEMPU

Estáu del tiempu n’Asturies

Alborecemos col cielu escampláu y xelando nel interior asturianu nes zones favoretibles con unes temperatures que tan alridu de los 2ºC, rexistrándose nel puirtu Payares 6,9ºC, destacando los -14ºC de Prado Veneiro en Babia mentantu nel Picu La Llambria a 1.700m rexistren 13ºC.
Güei vamos tener el cielu escampláu turante tol día, sicasí nel llitoral y fastera central a últimes hores puen entrar dalgunos estratos de la marina. Les temperatures van tar mui condicionaes pola estabilidá anticiclónica y el nulu movimientu atmosféricu, rexistrándose les másimes nes cumes de les montañes ya les mínimes no fonderu los valles por mor de la iversión térmca. L’aire sedrá sele ya variable con brises pela costa.

Sigue leyendo «Estáu del tiempu n’Asturies» →

“La lliteratura para pequenos
nun ye n’absolutu pequena,
porque ye’l campu onde se llibren
les más grandes batalles
de la cultura y l’arte…”

Graciela Montes


?Ilustración de Demelsa Haughton

Ensin l’absolutu enfotu en sí mesmu,
unu ta destináu al fracasu.

Charles Chaplin

Sin la absoluta confianza en sí mismo,
uno está destinado al fracaso

Publicado en TIEMPU

Estáu del tiempu n’Asturies

Alborecemos col cielu cubiertu por estratos, tando más escampláu na fastera surocidental y cordelera con unes temperatures que tan alrodiu de los 8ºC, rexistrándose nel puirtu Payares 2,1ºC.
Güei pali que pali van dir ganando los claros o abancios el terrén a les nubes pa quedar al finar el día’l cielu escampláu con unes tempertures másimes n’ascensu mentantu les mínimes baxarán ya se darán a últimes hores. L’aire sedrá sele ya variable con brises costeres.
Publicado en Anguleru, Nadal

L’Anguleru y Nataliegu

L’Anguleru ye l’encargáu de trayer los regalos a los neños y neñes asturianos la nueche de Navidá. Ye uns especia d’ayudante de Papá Noel. Antiguamente, mentes la pesca ivernal de l’angula, munchos anguleros emplegaben el sobresueldu de les ganancies pa mercar regalos a los neños.

Sigue leyendo «L’Anguleru y Nataliegu» →

Publicado en Celta, Nadal

El muérdago y Santa Lucía

El muérdago (liga, lliga o arfueyu en asturiano) es una planta considerada mágica por los antiguos druidas celtas. Tenían la costumbre de cortarlo el primer día de luna nueva y no podían hacerlo con ningún utensilio de hierro.Por esa razón usaban una hoz de oro. La planta nunca podía tocar el suelo y cuando la cogían la echaban en una sábana blanca. La raíz de esta planta jamás toca la tierra y tampoco se sostiene por si misma en el aire.
Publicado en TIEMPU

Copos de ñeve

  • Semeya ? Alexey Kljatov

Macrofotografia de copos/falopos de nieve, la xeometría de la naturaleza. La razón de que los falopos de nieve sían hexagonales débese a qu’esa ye la estructura na que los cristales de xelu xuníos ente sí. Dicha estructura dexa a les molécules d’agua enllazar los sos átomos d’osíxenu ya hidróxenu de la manera más eficiente.

Publicado en Nadal

Lleguen les fiestes navidiegues

La Conseyería d’Educación iguó pa esti periodu vacacional que llega un refileru d’actividaes estremaes pa toles etapes educatives pa comprender les tradiciones propies, pero tamién mirando por conocer cómo se celebren n’otros llugares del mundu. Les actividaes preséntense en formatos dixitales bien amañosos y intuitivos: Geniallys y kahoots, que van valir bien p’arriquecer les xornaes llectives nes que despidimos el 2023. Recupérense tamién los materiales del añu pasáu pola so utilidá nel aula.

Sigue leyendo «Lleguen les fiestes navidiegues» →

Publicado en Día de...

L’Aníu de Picos d’Europa

Dende L’Aníu de Picos ??️, nel Día Internacional de los Montes ⛰️, celebramos con gratitú el privilexu de curiar estes paraxes que son clave para la biosfera. ? ¡Güei ye un día de celebración y agradecimientu pola maxestuosidad que compartimos y protexemos xuntos! L’Aníu de Picos trescurre dientro del Parque Nacional de los Picos d’Europa, que tien una superficie de 67.455 hectárees partíes en trés comunidaes autónomes, Asturies, Llión y Cantabria.

 

 

Publicado en Día de...

Día Internacional de los Montes

Los montes cubren cerca del 25% del mundu y son l’hábitat de 1/4 de los animales y plantes de la tierra.

  • ?️ Cubren el 27% de la superficie del nuesu planeta
  • ?‍?‍?‍?Nelles viven 1.200 millones de persones
  • ?Alluguen el 25% de la biodiversidá terrestre

Cada 11 d’avientu celebramos el Día Internacional de los Montes. Son bien importantes, pero de cutiu escaecemos d’elles. La tema para 2023 ye: «Restauración de los ecosistemes de monte”. Pola función fundamental que desempeñen na suministración de recursos del ecosistema esenciales para’l planeta y la so vulnerabilidá frente al cambéu climáticu, tenemos d’aumentar los esfuerzos y l’atención sobro elles. ¡Curiemos de los nuesos montes! ?

Sigue leyendo «Día Internacional de los Montes» →

Publicado en Día de...

Día Internacional del Voluntariau

Casi 1.200 estudiantes de toa Asturies van participar el martes na celebración del Día Internacional del Voluntariau. ?Palaciu de congresos d’Uviéu/Uviéu ?Mientres
l’actu apurrirán los premios del XIX Concursu de Cartelos ????????.??… ?? ??? ?? ??????????, al que se presentaron 683 obres.

Publicado en Noticies, Sin categoría

Cróniques d’Asturies

?? Te presentamos Cróniques d’Asturies. Una iniciativa asturiana qu’empieza la so actividá n’ochobre del añu 2021 cola apaición de la nuesa segunda canal en YouTube.  Este, ye un portal familiar variáu, nel que tenemos conteníos de tolos tipos y gustos. Principalmente de calter rexonal. Dalgunos de los vídeos que vas poder atopate na nuesa canal traten sobro noticies, música, cultura, recetes, sableres, rutes… ¡Y un montón de coses más! Amás, cuntamos con una llista de conteníos n’asturianu y xuna seición de podcast sobro la hestoria d’Asturies tamién en llingua asturiana ?. Esperámoste tolos domingos a les 12:00h de la mañana, equí.

Sigue leyendo «Cróniques d’Asturies» →

«De cutiu pienso
que la nueche ta más viva
y más rica de colores
que’l día».

 Vincent Van Gogh ✨

«A menudo pienso que la noche está más viva y más rica de colores que el día».
Publicado en Día de...

Día Mundial del Suelu

Celebra con nós el Día Mundial del Suelu ?️3 d’avientu ?Centro d’Interpretación de la Reserva Natural Integral de Muniellos, n’Obacho. ? de 11:30 a 14:30 h
➡️Paséu empuestu polos miradores qu’hai pela redolada del centru y taller para los más pequenos. Les actividaes son gratuites y les places llindaes. Apúntate en @info@rednaturaldeasturias.es